طرائف حقيقية شخصية عن السيارات

[Ahmed Anwer]

مرة كنت لسه جايب عربية 127

المهم عجلة نامت ،،

جيت احط الكوريك ،، البكره

في مكانه اسفل العربية

كل ما حطه و اجيي ارفع ،،

الكوريك يحك في الباب ،،

و انا مش عارف اعمل ايه و مستغرب جدا

و عمال انفخ و اقول في سري ايه العبط اللي مصممين العربية دي

و عمال احاول و اعيد و ازيد و كل مرة نفس القصة الكوريك يخبط في الباب

بتاع نص ساعة

لحد ما صاحب كشك فاكهة صعبت عليه

قالي فيه ايه يا استاذ

قلتله عجلة نايمة و شرحتله المشكلة

الراجل قالي يا بيه افتح الباب و بعدين حط الكوريك !!!!

[AHMEDCAR]

بس على فكره يا احمد ممكن ترفع العربيه من غير ماتفتح الباب انت اكيد ماحطتش الكوريك صح



بس صحيح فكره الفكهانى ده ممتازه ازاى ماجتش فى دماغك

[Dr. Bolbolan]

كان مشهور عنى فى المنطقة انى بأقود السيارات من سن 9 سنوات واتعلمت القيادة على شيفروليه مو 52 ودى كانت 3 نقلات وموتور 6 سيلندر وصاج حديد وكمان وأنا طبيب امتياز اشتريت تاكسى بيجو78 لمجرد المغامرات لا آكثر حيث كانت حصيلة اليوم بالكامل لا تزيد عن 7 حنيهات ! المهم كان أمام المنزل كهربائى سيارات واتصاحبت عليه وكان أخوه عنده تاكسى بيجو 304 وعطلت منه السيارة الساعه واحده صباحآ وراح يستنجد بأخوه فيظهر لا مؤاخذه الوقت ماكانش مناسب المهم ماعرفش ازاى جالى تحت المنزل وقعد ينده يادكتور يادكتور المهم عرفت ايه الحكاية ان السيارة بتدور ولا تمشى وماهواش عارف ليه ؟؟ وكانت فى مكان بعيد وضلمه - نزلت بالشبشب وركبنا تاكسى وفحصت السيارة فاكتشفت ان سلك البنزين مقطوع وأخينا ليس معه أى عدة وأنا عاوز أنام المهم هرشت دماغى وفى ثانيه قلت لصاحبنا بحزم فك رباط جزمتك طبعا الراجل خاف أو اندهش وقاللى حتعمل ايه ؟؟ المهم فك الباط قمت رابطه فى طرف السلك اللى داخل على الكاربوراتير والطرف الآخر من الرباط فى مسمار ثابت بحيث صوت الموتور بقى مش عالى قوى ولا واظى أوى وبكده قدر ياخد الآولانى والتانى وروحنى البيت وهو مزهل وأنا بألعن الطب وسنينه ( مش كان زمانى عندى ورشه قد الدنيا دلوقت ؟؟ )

[AHMEDCAR]

فكره حلوه بتاعه رباط الجزمه دى كان ممكن تعلى الاكسرتير شويه بدل رباط الجزمه عندى حكايه زيها هاحكيها دلوقتى

[AHMEDCAR]

مره العربيه فصلت منى فى الحسين الساعه 2 الفجر

و كان العيب من فلتر تنقيه البنزين و ليس فلتر البنزين

قومت فاكه و قولت اوصل الخرطوم ديركت على الكربراتير

لقيت الخرطوم قصير جدا جدا المشكله انى فكيت الفلتر و رميته فى الشارع علشان كنت متغاظ اوى

المهم افتكرن ان معايا شيشه فى شنطه العربيه قومت واخد اللاى بتعها و عامله وصله للكربراتير و مشيت الحمد لله عربيه بتاعه مزاج