المرأه اسواء من الرجل بقياده السياره؟

[روبرت مجدي]

المشاركة الأصلية كتبت بواسطة Mr.Mamo الموضوع ده اتكلمنا فيه زياده عن حده الست اللي شايفه نفسها بتسوق احسن من الرجاله تقدم نفسها لمنافسه شريفه مع اي حد من اعضاء المنتدي وانا أول متباري ومتطوع من الرجال وهنعمل المسابقه اللي الستات تحبها في السواقه ايا كانت هي وهنصورها ونسجلها علي المنتدي يعني من الاخر نبطل كلام واللي عاوزة تقول حاجه تورينا سواقتها يالا . وانا مستني بقيت الاعضاء النتطوعين من الرجال و النساء في اي وقت في اي مكان وبعربيتي الفيرنا كمان يعني لا هركب بي ام ولا مرسيدس وخلص الكلام

أنا متفق مع الأستاذة المصرية
لأن مع مرور الوقت و ممارسة السواقة تزيد خبرة السائق سواء كان رجل او سيدة
بالرغم من عيوب بعض السيدات ف السواقة

[فاطومه المصريه]

المشاركة الأصلية كتبت بواسطة Mr.Mamo الموضوع ده اتكلمنا فيه زياده عن حده الست اللي شايفه نفسها بتسوق احسن من الرجاله تقدم نفسها لمنافسه شريفه مع اي حد من اعضاء المنتدي وانا أول متباري ومتطوع من الرجال وهنعمل المسابقه اللي الستات تحبها في السواقه ايا كانت هي وهنصورها ونسجلها علي المنتدي يعني من الاخر نبطل كلام واللي عاوزة تقول حاجه تورينا سواقتها يالا . وانا مستني بقيت الاعضاء النتطوعين من الرجال و النساء في اي وقت في اي مكان وبعربيتي الفيرنا كمان يعني لا هركب بي ام ولا مرسيدس وخلص الكلام

سورى يعنى
يعنى ايه تقول كلام وخلاص
والله كل واحد حر يسوق براحته يقول انه بيسوق احسن براحته بردو
مش شرط اسكت ومتكلمش وانتو ليكو حريه الكلام

ده اولا
ثانيا بردو مش شرط حضرتك تفرض عليا او على اى حد انه يدخل فى سباق مع حضرتك عشان يبان مين بيسوق احسن
فيه حد بيسوق عشان يتمنظر ويفرد عضلاته
وفي حد بيسوق عشان يروح مشاويره ويرجع منها وهو مرتاح لا متبهدل من موصلات ولا مخنوق من سواق تاكسى


وبالتوفيق لحضرتك يا محترف سواقه وتحياتى لكل محترفى السواقه من السيدات والرجاله

[nawwara]

سبحان الله .. اتعجب لما ألاقى حوارات من النوع ده .. كلنا بشر وكلنا متساويين فى القدرات إلا ما اختص به الله تعالى البعض عن الآخر .. قد تكون المرأة قلبها اضعف من الرجل .. لكن الامر فى السواقة يرجع إلى التعود إلى حد كبير.. فلماذا هذا الجدل العقيم الذى لا فائدة منه .. كل واحد أعلم بقدراته .. وخلاص على كده .. لا داعى للتباهى بشئ .. ولا داعى للجدال أصلا .. بس اللى نفسى حد يجاوبنى فيه , لماذا دايما يسخر الرجال من النساء؟؟, والأهم, لما الرجل يستهزئ أو يسخر من المرأة لأى سببٍ كان .. ده نسميه إيه؟؟؟ , سبحان الله .

[Mr.Mamo]

المشاركة الأصلية كتبت بواسطة فاطومه المصريه سورى يعنى يعنى ايه تقول كلام وخلاص والله كل واحد حر يسوق براحته يقول انه بيسوق احسن براحته بردو مش شرط اسكت ومتكلمش وانتو ليكو حريه الكلام ده اولا ثانيا بردو مش شرط حضرتك تفرض عليا او على اى حد انه يدخل فى سباق مع حضرتك عشان يبان مين بيسوق احسن فيه حد بيسوق عشان يتمنظر ويفرد عضلاته وفي حد بيسوق عشان يروح مشاويره ويرجع منها وهو مرتاح لا متبهدل من موصلات ولا مخنوق من سواق تاكسى وبالتوفيق لحضرتك يا محترف سواقه وتحياتى لكل محترفى السواقه من السيدات والرجاله

من غير قفش الموضوع مش مستاهل
احنا اصلا بنهرج كلنا وواخدين الموضوع بضحك وتريقه

بس برده نرد واحده واحده مفيش مشكله

الرد علي اولا
انا قولت خلص الكلام ( يعني كلامي خلص في الموضوع ) مش ( محدش يتكلم في الموضوع ده تاني عشان ميحصلش قفش وزعل )

وبالنسبه لثانيا
بصي كده اسلوبك في الكلام عامل ازاي (( ثانيا بردو مش شرط حضرتك تفرض عليا او على اى حد انه يدخل فى سباق مع حضرتك عشان يبان مين بيسوق احسن
فيه حد بيسوق عشان يتمنظر ويفرد عضلاته
وفي حد بيسوق عشان يروح مشاويره ويرجع منها وهو مرتاح لا متبهدل من موصلات ولا مخنوق من سواق تاكسى ))

طبعا اولا انا ولا فرضت علي حد حاجه ولا اي حاجه - هو بس قفش وخلاص دي حاجه انا متاكد منها -

وكمان انا مقولتش سباق ولا حاجه انا قولت المنافسه اللي الستات تحبها أيا كانت نوع المنافسه لاني ضد السباقات اصلا ومبحبهاش ولا بحب اتفرج عليها ودا للي عايزة تقنعنا بطريقه تانيه غير الكلام .. وبرده في نطاق المزاح و الهزار

طبعا واخيرا

وبالتوفيق لحضرتك يا محترف سواقه
طبعا دي تريقه انا عمري ما اسمح بيها ومتصحش باي طريقه وحضرتك غلطانه فيها

فاطومه يا مصريه

انا بالنسبه لي مفيش حاجه حصلت وهعتبر ان اختي الصغيره كانت متضايقه شويه وقرأت مشاركه نرفزتها فكرت الموضوع بجد وعلي هذا الاساس اتكلمت بالاسلوب الذي لا يقبله الا اخوها الكبير

بس هستأذنك راعي مزاجك وحالتك النفسيه قبل ما تكتبي رد علي موضوع
لاني متاكد انك حد محترم جدا وميردش رد زي ده الا اذا كان متضايق و متنرفز ع الاخر بس برده انت بتتعاملي مع نفوس وممكن حد يزعل بجد أو يرد برده رد جارح وساعتها هتكبر المشكله بدون داعي


تحياتي بجد ليكي يا .......

يا .. فاطومه يا مصريه

فاطمه مش كده .. ؟

[حسام البورسعيدى]

يا جماعة الموضوع مش محتاج خلاف ...

خلاصة الكلام لان الموضوع ده بجد "مسخ" من كتر ما اتكلمنا فيه .. غالبية الستات فى مصر ميعرفوش غير طريقة او اسلوب معين فى السواقة .. والاسلوب ده هو الصح ..
يعنى هما لما اتعلموا السواقة اتعلموها 1 + 1 = 2 .. فلو جينا نقولهم 2 - 1 = 1 هيتلخبطوا ويرتبكوا ...

وده لان البنت او الست لما بتقول عاوزه اسوق مش بيكون عندها اى خلفية عن السواقة .. بعكس الراجل اللى بيبقى من صغره نفسه يسوق عربية ..


باختصار سواقه الستات فى مصر كويسة جدا ولكن للاسف هما بيسوقوا فى المكان الغلط ..

لان السوارع مكسره ومدغدغه وولا فى نظام ولا فى التزام ولا اى حاجه .. فالراجل بيعرف يصرف نفسه ويتعامل مع ده ويفادى ده ويعرب من المطب ده .. لكن الست صعب عليها انها تعمل كده ..
هى عاوزه تمشى فى شارع .. ادامها اشاره تقف .. هتحود يمين تدى اشاره وتحود .. هكذا ..

لكن صعب عليها تاخد عرزه او توسع لواحد جاى مخالف او او او ...

هى دى القصة .....