مجموعة سعودى وشركة صينية تتنافسان لشراء النصر للسيارات

[lover4ever8989]

المشاركة الأصلية كتبت بواسطة Islam_Shady ولا نبيعها ولا حق انتفاع لانه كده موش هايصرف ولا يستثمر لانه عارف انه 10 سنين و يسيبها انا باقترح نعمل زى اسرائيل ما عملت مع انتل الحكومه الاسرائيليه دخلت معاها شريك و وفرت الارض و دفعت فلوس كمان بحيث انها ليها 49% من فرع اسرائيل و انتل ليها 51% يعنى ليها حق الاداره و فى الاخر اسرائيل كسبت تكنولوجيا على ارضها و شغلت ناس و طبعا بتكسب من الارباح و بالتالى لو الحكومه المصريه ادتها لشركه كبيره زى فولكس فاجن مثلا بنفس الطريقه يبقى احنا الكسبانين اسم شركة النصر هايفضل موجود زى سيات الاسبانيه ماهى برضه تبع فولكس فاجن ده تصورى المتواضع و طبعا فى ناس بتفهم فى الحاجات دى اكتر منى

كلامك مظبوط 200% بس الى هيتنفذ ايه محدش عارف والله حرام الشركه دى تتباع وبنا يقدم الى فيه الخير لمصر

[كومندا]

الشركه دى مش هتقوم ولا تشتغل تانى على ايد مصر

[AbOnOrA]

واحدة واحدة يا شباب ونفكر مع بعض

اولاً السعودى عايز يشترى الشركة ليها وهى خربانة كده ؟؟

الشركة من ناس اعرفهم شغالين فيها واقعة واقعة

لا فيه خطوط انتاج ولا معدات ولا هيكل ادارى زى الناس ولا اى حاجة

يعنى اطلال اللى هيشتريها هيستفيد من المقار والاراضى بس وغالبا هيبيعها زى ما حصل مع عمر افندى وباقى الحاجات اللى اتخصخصت

ولو هو عايز يعمل مصنع لانشاء عربيه ما يعملة ياخد حتة ارض فى اى حته ويركب فيها خطوط التجميع ويشتغل !

فانا مبدئياً ارفض بيع شركات القطاع العام عامة على الاقل دلوقتى

يمكن ربنا يبعتلنا حكومة تحب البلد ديه وتقوم الشركات ديه تانى

نيجى بقى لموضوع تصنيع وتجميع

اولاً اللى يقول عايز اصنع عربيه غالباً غالباً يا اما مبيفهمش او بيضحك علينا ( انا بتكلم عن التوكيلات)
لانه اوفرله واسهله يجمع مش يصنع
وعلشان يصنع محدش فى الدنيا يقدر يصنع لوحدة
لازم صناعات مكملة حواليه
يعنى واحد يعمل مسامير واحد يعمل فرش واحد يعمل اكصدامات واحد يعمل شكمانات وهكذا
طبعاً الصناعات المكملة ديه موجودة الحمد لله فى مصر برضو بس لسه مستواها وكتنوعها مش كافى لان تتعمل مصانع ((( تصنيع سيارات ))) فى مص ر

ثم ان اهم حاجة فى التصنيع هو الشق المتعلق بالصناعات الثقيلة
يعنى صبات المواتير والشاسيهات وسحب الصاج
هل حد عنده استعداد يستثمر فى الكلام ده ولا هيجيب الضاج والشاسية والموتور جاهز ويلزق كله فى بعضه

اللى اعتقدة ان سعودى عايز يجيب خط انتاج صينى مش اكتر

وطبعاً الكلام الخاص بتوطين الصناعة على نموزج انتل اسرائيل كلام مظبوط

والاصح كمان ان كل ده يتعمل فى مناطق حرة موزعة فى سينا على خط مدن القناة

ومجرد ما تعمل مناطق حرة هناك هتبقى دبى التانية والف شركة هتبقى عايزة تبنى مصانع فى سينا ومدن القناة لما لها من موقع استراتيجى وتسهيلات

وده نفسه الى عملته الصين تسهيلات استثمارية (تسهيلات مش تنازلات ) وفرصة كاملة لاستهداف السوق المحلى هوب كل الشركات فتحت مصانع ليها فى الصين لاستهداف السوق الكبير والمتنامى واللى بقى ينافس اقوى الاسواق العالمية (السوق الامريكية) هوب بقى فيه صناعة محلية وصناعات مغذية هوب بقى فيه صناعة صينية خالصة تستهدف السوق المحلى ثم الاسواق الدولية واحد بعد الاخر

انا طول عمرى بقول بس تتوفر النيه فى ناس تحب البلد ديه حالنا هيبقى احسن بكتير

يارب

[lover4ever8989]

المشاركة الأصلية كتبت بواسطة AboNoRa واحدة واحدة يا شباب ونفكر مع بعض اولاً السعودى عايز يشترى الشركة ليها وهى خربانة كده ؟؟ الشركة من ناس اعرفهم شغالين فيها واقعة واقعة لا فيه خطوط انتاج ولا معدات ولا هيكل ادارى زى الناس ولا اى حاجة يعنى اطلال اللى هيشتريها هيستفيد من المقار والاراضى بس وغالبا هيبيعها زى ما حصل مع عمر افندى وباقى الحاجات اللى اتخصخصت ولو هو عايز يعمل مصنع لانشاء عربيه ما يعملة ياخد حتة ارض فى اى حته ويركب فيها خطوط التجميع ويشتغل ! فانا مبدئياً ارفض بيع شركات القطاع العام عامة على الاقل دلوقتى يمكن ربنا يبعتلنا حكومة تحب البلد ديه وتقوم الشركات ديه تانى نيجى بقى لموضوع تصنيع وتجميع اولاً اللى يقول عايز اصنع عربيه غالباً غالباً يا اما مبيفهمش او بيضحك علينا ( انا بتكلم عن التوكيلات) لانه اوفرله واسهله يجمع مش يصنع وعلشان يصنع محدش فى الدنيا يقدر يصنع لوحدة لازم صناعات مكملة حواليه يعنى واحد يعمل مسامير واحد يعمل فرش واحد يعمل اكصدامات واحد يعمل شكمانات وهكذا طبعاً الصناعات المكملة ديه موجودة الحمد لله فى مصر برضو بس لسه مستواها وكتنوعها مش كافى لان تتعمل مصانع ((( تصنيع سيارات ))) فى مص ر ثم ان اهم حاجة فى التصنيع هو الشق المتعلق بالصناعات الثقيلة يعنى صبات المواتير والشاسيهات وسحب الصاج هل حد عنده استعداد يستثمر فى الكلام ده ولا هيجيب الضاج والشاسية والموتور جاهز ويلزق كله فى بعضه اللى اعتقدة ان سعودى عايز يجيب خط انتاج صينى مش اكتر وطبعاً الكلام الخاص بتوطين الصناعة على نموزج انتل اسرائيل كلام مظبوط والاصح كمان ان كل ده يتعمل فى مناطق حرة موزعة فى سينا على خط مدن القناة ومجرد ما تعمل مناطق حرة هناك هتبقى دبى التانية والف شركة هتبقى عايزة تبنى مصانع فى سينا ومدن القناة لما لها من موقع استراتيجى وتسهيلات وده نفسه الى عملته الصين تسهيلات استثمارية (تسهيلات مش تنازلات ) وفرصة كاملة لاستهداف السوق المحلى هوب كل الشركات فتحت مصانع ليها فى الصين لاستهداف السوق الكبير والمتنامى واللى بقى ينافس اقوى الاسواق العالمية (السوق الامريكية) هوب بقى فيه صناعة محلية وصناعات مغذية هوب بقى فيه صناعة صينية خالصة تستهدف السوق المحلى ثم الاسواق الدولية واحد بعد الاخر انا طول عمرى بقول بس تتوفر النيه فى ناس تحب البلد ديه حالنا هيبقى احسن بكتير يارب

والله كلامك سليم بس اهم حاجه ان ربنا يكرمنا بحكومه كويسه تفكر ازاى تنمى البلد والله يا استاذ وائل البلد دى فيها خير كتير بس كانت مسروقه

[essamenen]

المشاركة الأصلية كتبت بواسطة lover4ever8989 انا معاك يا عبدو بس احنا ممكن نديهالهم حق انتفاع 10 سنين فى خلال الفتره دى نتعلم منهم ازاى نصنع عربيه ننافس بيها فى الاسواق العالميه على اساس انهم ليهم مكان فيها لاكن لو احنا الى هنطورها يبقى هتبدى من اول الف باء وفى الحاله دى ممكن تكسب وممكن تخسر يبقى احنا نلعب فى المضمون

حرام عليك ياراجل مع احترامى للسعوديين احنا عندنا مهندسين وشباب عندهم كفائات مش عند حد لو اديت فرصه لهم اتفرج عليهم علشان كده احنا المصريين بنبرع ونتفوق بس للاسف مش فى بلدنا وطبعا مش هنتكلم ده عيب ايه لان الاداره نفسها واقصد الاداره اداره اى مكان ماكنتشى عايزه تتطور ونتقدم .
انا رائى الشخصى ان شركه النصر فشلت علشان كانت محلك سر الى كانت بتتاخر ولو قارنت شركه النصر باى شركه تجميع عربيات فى مصر تجدها اقل منها بس محققه نجاحات كبيره وبادئه من الصف بس كانت هناك اداره بتخطط وعاوزه تتطور الله المستعان وحسبى الله ونعم الوكيل