حكايتى مع العذاب (اقصد مع الفيرنا)

[hazem_khidr]

المفروض لما تدوس الزرار دا يوقف عمل زراير البابين اللي ورا
لكن انت بتتحكم في الزجاج الخلفي من عندك عادي جدا
لان الزرار دا علشان لو مركب اطفال ورا اوحاجه محدش يلعب في الزجاج

[عظيمه]

الزرار بيعمل lock للابواب التلاتة ما غير السائق( لما تدوس عليه) يعنى ولا السائق ولا غيرة يتحكم فى الزجاج.
ولوا يتفتح unlock يتحكم السائق والباقين فى زجاجهم.
يعنى الزرار بيشتغل على الابواب الثلاثة

[essoabbas]

بجد كلام جديد أول مرة أسمعه
أنا معايا الفيرنا من سنتين و ما شاء الله ولا أي مشكلة ولله الحمد
التقييم العام لها بالنسبة لي ممتازة ( يمكن عشان أنا من المتحيزين لها ؟؟ ... مش عارف)

[dr.lola]

السلام عليكم ورحمة الله وبركاته

انا مستلمه عربيتى من شهر ونص من غبور نفسه

والحمد لله شهر وكانت عجله من العجل اللى ورا الكاوتش مفتح فيها والحمدلله كنت رايحه اظبط العجل الراجل شافها وقاللى دى لو مشيتى بيها شويه هتتخرم وشالها عملها وركب الاستبن

تخيلوا عجله مخرومه ومركبه الاستبن والعربيه مكملتش 500 كيلو

والعجل بيدبدب تحتيا بطريقه مقرفه صراحه الصنايعى قاللى العجل وحش جدا وانى المفروض اروح غبور اوريهلهم واشتكيلهم وكده لان طبعا حرام اكون جايباها من شهر ونص وادفع الف ونص ولا الفين عشان اغير طقم العجل

ايه رايكو؟

[Ahmed Anwer]

الكاوتش مشمول في الضمان ،،

و من حقك تغييره

انا غيرت الكاوتش بتاع عربيتي فيرنا برده علي حساب الضمان

بس لفه و غلبه

و في الاخر برده هيغيروهولك بلاسا او نسر

الافضل تغييره من اولها عشان بتاع الكاوتش ياخده منك بفرق مناسب و تجيبي نوع نضيف