وزارة الداخلية و رجالها المحترمين !!!!!!!!!!!!!!!!!!

[amrmohamed1975]

المشاركة الأصلية كتبت بواسطة corsair والله المفروض ان الزي بتاع الشرطه يتحط عليه بدج بأسم الظابط والرقم بتاعه في الوحده علشان لما موقف زي ده يحصل ابلغ عن اهله

و الله يا احمد انا بحاول النهاردة اني اعمل مداخلة فى اي برنامج عشان تبقي الفضيحة بجلاجل بس جتلي معلومة ان اصلا وزير الداخلية ذات نفسه احتمال يطير كمان 10 15 يوم ربنا يسهل والناس دي تعرف انها اصلا موجودة لخدمة الشعب مش للفرجة عليه

[MmFFoR]

انا كنت بفكر في حل جدي و جذري لحل سفالة الداخلية بصورة عملية
" كل منطقة تقوم باختيار فرقة من 5 شباب من الشباب المحترمين يتم استخراج تصريح سلاح ليهم من الجيش - و ال5 يبقى معاهم موبايل و النمر تبقى مع كل سكان المنطقة - لو حصل اي حاجة يقوموا بالاتصال باي رقم و يتوجه بعض هؤلاء الافراد الى مصدر البلاغ او كلهم حسب الحالة - زي قوة تدخل سريع من مدنيين مسلحيين في حالة ستاندباي 24/24

ايه رأيكوا في الفكرة دي؟ 5 شباب لكل منطقة
لو كل محل دفع في الشهر 50 جنيه و كل شقة 5 جنيه الشباب دول حييدخلهم مرتب ممتاز و في نفس الوقت مفيش اي بغل حيفكر يقرب من المنطقة

(طبعا العدد و الكيفية ممكن تتغير من منطقة لاخرى حسب الحالة الامنية للمنطقة )

[mr_astra]

يا جماعة الموضوع بقى واضح زى الشمس
عاوز اعرف موقف الشرطة قبل الثورة وبعدها؟
قبل الثورة معروف اهانات واغتصاب حريات وزل ومعاملة سيئة وتلفيق اواضي وكل ما تشتهى الانفس
بعد الثورة لا يقل عن قبل الثورة
فتح سجون على المواطنين ترك البلطجية يعثو فسادا
بل متهيالى ان ما يصدر من رجال الشرطة افظع من ما كان قبل الثورة
يا راجل فى بلطجية هجمو على المكان اللى انا ساكن فية وضرب نار بكثافة وقنابل مولوتوف اتصلت بالقسم التابع لية قالو احمى نفسك ....اتصلت بالنجدة ويتنج فترة كبيرة وبعدها ماشي حاضر من عنينا ولا حد جه ولا حد عبرنا واضطرينا نتعامل مع ازبل خلق الله وربنا سترها

[د.كمال]

الواحد بدأ يحس ان البلد ماشيه بالبركه
عالم لا عندها وطنيه ولا إنتماء للبلد ولا حد عارف يدير البلد ...........مناظر وخلاص

[MmFFoR]

المشاركة الأصلية كتبت بواسطة mmffor انا كنت بفكر في حل جدي و جذري لحل سفالة الداخلية بصورة عملية " كل منطقة تقوم باختيار فرقة من 5 شباب من الشباب المحترمين يتم استخراج تصريح سلاح ليهم من الجيش - و ال5 يبقى معاهم موبايل و النمر تبقى مع كل سكان المنطقة - لو حصل اي حاجة يقوموا بالاتصال باي رقم و يتوجه بعض هؤلاء الافراد الى مصدر البلاغ او كلهم حسب الحالة - زي قوة تدخل سريع من مدنيين مسلحيين في حالة ستاندباي 24/24 ايه رأيكوا في الفكرة دي؟ 5 شباب لكل منطقة لو كل محل دفع في الشهر 50 جنيه و كل شقة 5 جنيه الشباب دول حييدخلهم مرتب ممتاز و في نفس الوقت مفيش اي بغل حيفكر يقرب من المنطقة (طبعا العدد و الكيفية ممكن تتغير من منطقة لاخرى حسب الحالة الامنية للمنطقة )

هو ده الحل الوحيد يا جماعة