وائل غنيم مشعل الثورة

[د.كمال]

عموما الشعب المصرى معملش الثوره عشان وائل غنيم وإللى يفتكر كده يبقى ساذج
الشعب عمل الثوره عشان الفساد والتوريث والظلم والسرقه وبيع البلد
وائل غنيم واحد من الناس

[MmFFoR]

1- الموضوع دا بهزار و اللا جد؟
2- لو هزار يبى يا ريت التوضيح علشان في ناس بتصدق
3- لو جد احب اوضح 3 نقاط
نقطة 1 انا لو كانت جت اسرائيل نفسها و قالتلي حنساعدكوا في الثورة و نخلص من مبارك كنت قلت ماشي لان ضرر الراجل ده و عصابته اشد من اسرائيل على العالم العربي كله

نقطة 2: اعتبارا ان وائل غنيم ماسوني فعلا ( و ده انا مصدقه ولا 1% حتى) على اعتبار انه ماسوني - و ايه المشكلة؟ الثورة شملت الغني و الفقير - النصراني و المسلم و السلفي و الاخوان و الوفديين و الليبراليين و العلمانيين و الشيوعيين و الشيعيين - و حتى النساء و الاطفال!!! مشاركة شخص بفكر او اهداف ماسونية في الثورة المصرية لا يضيف اي حاجز شك في نزاهة الثورة و اهدافها لانها شملت جميع طوائف الشعب و افكاره و تياراته
نقطة 3: بدل ما نقعد نقول دا نصراني و ده سلفي و ده اخوانجي و ده ليبرالي و ده شيوعي و ده حزب وطني و ده ماسوني و اللا هندي ما نيجوا نشتغل شوية و نعمل على القيام بالثورة للمرحلة القادمة - ضباط امن الدولة بيتم تكريمهم على اعلى مستوى في وزارة الداخلية في الاسكندرية - و الظباط اللي عذبوا الناس و اعتقلوا المعارضين و قتلوا المتظاهرين عادوا الى مناصبهم مصحوبا بخطابات شكر و ترقيات من قيادات الداخلية في الاسكندرية و الدقهلية و القاهرة و غيرها!!!
و في نفس الوقت تم تجميد و حل ائتلاف ظباط الشرطة المكون من مجموعة ظباط شرطة شرفاء طالبوا بتطهير الداخلية فتم حلهم و وقفهم و تهديدهم!!!!!!! و المجرمين يكرمون

البلد داخلة على ثورة جديدة سيتم التصادم فيها بين الشباب و الشعب و الجيش المرة دي!!!!
و احنا بنقول وائل غنيم

[فادى]

الأيدى الأمريكية و الغربية واضحة فى الثورة المصرية, وائل غنيم احدى ادوات الولايات المتحدة لتخريب مصر و ادخالها فى نفق الفوضى الخلاقة,
عندما تحدثت ادارة بوش عن الفوضى الخلاقة لم تكن الاحاديث مجرد تمنيات, بل كانت خطط دافعة لايقاع الشرق الأوسط فى دوامة من الفوضى لا تنتهى الا بالقضاء على مقدرات و ثروات الأمة العربية.
الظاهر من نظرية الفوضى الخلاقة أو ما يقولونه لشعوبهم هو ان الفوضى الخلاقة ضرورية لكى تصبح تلك الدول ديموقراطية فى محاكاة لما حدث فى اوروبا و امريكا من حروب انتهت بديموقراطية فى شكلها الحالى,
هم يريدوننا ان نعانى مثلما عانوا هم,
اما الجزء الخبيث هو اضعاف هذه الدول فلا يصبح امامها سوى الارتماء فى حضن الغرب و المزيد من التبعية و الطاعة!
انا اقول لهم ان لكل دولة خصوصيتها الثقافية و السياسية, و نحن لا نريد ان نمشى على الخريطة التاريخية الخاصة بكم, ان لنا اسلوبنا الخاص فى التطور المتأنى المستقر يختلف عن اسلوبكم.

[kimocyc]

المشاركة الأصلية كتبت بواسطة mmffor 1- الموضوع دا بهزار و اللا جد؟ 2- لو هزار يبى يا ريت التوضيح علشان في ناس بتصدق 3- لو جد احب اوضح 3 نقاط نقطة 1 انا لو كانت جت اسرائيل نفسها و قالتلي حنساعدكوا في الثورة و نخلص من مبارك كنت قلت ماشي لان ضرر الراجل ده و عصابته اشد من اسرائيل على العالم العربي كله نقطة 2: اعتبارا ان وائل غنيم ماسوني فعلا ( و ده انا مصدقه ولا 1% حتى) على اعتبار انه ماسوني - و ايه المشكلة؟ الثورة شملت الغني و الفقير - النصراني و المسلم و السلفي و الاخوان و الوفديين و الليبراليين و العلمانيين و الشيوعيين و الشيعيين - و حتى النساء و الاطفال!!! مشاركة شخص بفكر او اهداف ماسونية في الثورة المصرية لا يضيف اي حاجز شك في نزاهة الثورة و اهدافها لانها شملت جميع طوائف الشعب و افكاره و تياراته نقطة 3: بدل ما نقعد نقول دا نصراني و ده سلفي و ده اخوانجي و ده ليبرالي و ده شيوعي و ده حزب وطني و ده ماسوني و اللا هندي ما نيجوا نشتغل شوية و نعمل على القيام بالثورة للمرحلة القادمة - ضباط امن الدولة بيتم تكريمهم على اعلى مستوى في وزارة الداخلية في الاسكندرية - و الظباط اللي عذبوا الناس و اعتقلوا المعارضين و قتلوا المتظاهرين عادوا الى مناصبهم مصحوبا بخطابات شكر و ترقيات من قيادات الداخلية في الاسكندرية و الدقهلية و القاهرة و غيرها!!! و في نفس الوقت تم تجميد و حل ائتلاف ظباط الشرطة المكون من مجموعة ظباط شرطة شرفاء طالبوا بتطهير الداخلية فتم حلهم و وقفهم و تهديدهم!!!!!!! و المجرمين يكرمون البلد داخلة على ثورة جديدة سيتم التصادم فيها بين الشباب و الشعب و الجيش المرة دي!!!! و احنا بنقول وائل غنيم

الله ينور عليك.. استاذ ورئيس قسم..

[Ahmed Anwer]

إن شاء الله أخويا هيجيبلي من بره تيشرت ماركة جورديانو

هأتصور بيه عشان ابقي ماسوني