نفسك الطريق يبقى ازاى

[الكشفى]

المشاركة الأصلية كتبت بواسطة mido-spicy ممكن اعرف يا استاذ كشفى حضرتك بتشتغل ايه ؟؟؟

اكيد مهندس فى الطرق امال هكون بشتغل اية دكتور مثلاً

المشاركة الأصلية كتبت بواسطة سالم سلامه وانا كمان عايز اعرف بختصارنفسنا نشوف الطرق بتا عتنا زى طرق دول الخليج عشت فى الكويت 5سنوات حدث ولا حرج على الطرق هناك مع ان المواد المستخدمه هناك هيا نفسها المستخدمه فى مصر بس الفرق الوحيد انهم بيعملو الحاجه صح واحنا للاسف مبنعملهاش صح الواحد لو اعمى وبيحسس هناك يمشى على هذه الطرق بكل امان ويوصل وجهته بكل سهوله اتمنى من الله ولا يكتر عليه اننا نشوف الطرق بتاعتنا بنفس مستوى هذه الطرق ونضافتها

انا عايز اقول لحضرتك احنا فى مصر لا يمكن نوصل للطرق فى الخارج مش بس علشان التكلفة بتاعة الطرق برة عالية علشان جودة المنفذ يعنى انا اشتغلت مع شركات اجنبية كانت تقيس منسوب الطريق كل كيلو متر اكتر من 10او 20 مرة احنا مبنقيسش الطريق احيانا خالص ودايما بيطلع فى الطرق بتاعتنا عيوب بس المهم طول ما لجنة الاستلام (طبعاً دول الكبار مش احنا ) شربوا الشاى بالياسمين وراحت البى ام جابتهم وودتهم تبقى الطريق مفيش بعد كدة مراية

المشاركة الأصلية كتبت بواسطة M.kal ابوس ايديكوا ظبطوا المطبات, الشعب المصرى معظمه قرب يجيله الغضروف من كتر المطبات العاليه اوى دى, ياريت الموضوع ده يكون فى محل اهتمامكم

المطبات هى عبارة عن طلب مقدم للحى او المحافظة قولوا للكبار اتقوا الله فينا وفى فلوسنا واشتغلوا شوية اما انا فعمرى ما وافقت على مطب علشان كدة تلاقينى مرتاح فى شغلى وكل الورق اللى محتاج شاى بيلف من بعيد عنى

المشاركة الأصلية كتبت بواسطة يسري أبو الخير نفسي أن تكون المطبات مطابقة للمواصفات كما في كل دول العالم .. مع ازالة كل المطبات العشوائية و خاصة بالطرق الفرعية و الشوارع الجانبية و التي يقيمها الأهالي بطريقة غبيه .. بهدف إيذاء اصحاب السيارات ..

يا استاذ لابد من نقل تبعية الطرق والنقل التابعة للمحافظة الى وزارة النقل وارجو انكم تنادوا بالموضوع دة لان كل الطرق الداخلية بتنفذها الطرق والنقل ودى مديرية تابعة للحكم المحلى مما يجعلها فاسدة ولا حول لها ولا قوة لكن لو انضمت لوزارة متخصصة اكيد هتفرق لا المحافظ لية دور معاها ولا رئيس الحى لان المحليات رأس كل فساد
واشكركم جميعا على المرور على موضوعى ولسة مشفتش اقتراحات فى الانشاء

[SHERIF MARLBORO]

مش مشكلة اشوفه ازاى انا نفسى تنسقوا مع الجهات الأخرى المسؤولة عن البية التحيتة
لايقاف مسابقة شق الطريق نصفين.
بمعنى اكثر ما يحزننى طريق يتسفلت و يترصف حتى لو بمستوى رداى بعديها بكام شهر تيجى تليفونات او كهرباء او غاز او مياه و يحفروا الطريق و حلنى على ما يتسفلت تانى
و ياريت تعملوا انت مطبات جيد تحدد السرعة دول الحاق اذى

[Komy]

بص يا باشا زمان كنت بشوف الطرق فى المنعطفات القاسية وغير القاسية إن الطريق بيميل , بمعنى لو إن حضرتك داخل على ملف شمال جامد بتلاقى إن الطريق من اليمين اعلى من الشمال وده بيتهيألى كان معمول عشان يحفظ توازن العربية فى حالة إن حضرتك داخل المنعطف بسرعة عالية ,

دلوقتى مفيش الكلام ده , يا ريت تنفذوه.

بالإضافة لكل مطالب الزملاء أعلاه وبالذات المطبات يا ريت تتلغى او يتم تنظيم ودراسة إنشائها.

[tamem]

اصعب حاجة ممكن تشوفها فى حياتك ان يكون الطريق ضيق وعلى جانبيه منازل او ترعة يعنى عمر الحكومة متعرف توسعه خصوصا لو مزدحم

[momen_bondok]

• اختصاراً للكلام نفسى أشوف طريق يصلح لسير الأفراد أولا ثم السيارات
• الواحد بيمشى بالسيارة بيشعر كانة ماشى فى ملاهى من كثرة المطبات والحفر

جزاك الله خيراً على الموضوع