عندما يعتصم أغلبية من البلطجية والباعة الجائلين والمجرمين في التحرير بداية من 9 ابريل (أقول للجيش دوس وطهر الميدان بالقوة لو لزم الأمر)

[ahmed1981]

المشاركة الأصلية كتبت بواسطة Ahmed Anwer الصراحة يا باشمهندس أحمد ،، مش عارف أصدق مين ،، أنا طبعا باثق فيك شخصيا ،، بس الناس علي تويتر ،، محسسني إن اللي في الإعتصام دلوقتي الملائكة بجناحتهم هل حضرتك متأكد ،، إن مفيش معتصمين مسالمين محترمين فعلا ؟؟

لو هنقول نسبة المحترمين من المعتصمين كام
المحترمين من المعتصمين كان نسبتهم 1% تقريباً
لكن بنظرة شاملة تحس إنك في وكر إجرامي

[mf]

لم ولن تستخدم القوة في فض اعتصام التحرير من قبل الجيش

الا في حالات معينه

بس اؤكد لحضراتكم ان كل ضباط القوات المسلحه قد فهموا واستوعبوا ما أُريد لهم ان يقعوا فيه

وباذن الله كلنا علي قلب رجل واحد

والانصياع التام لقرارات واوامر القيادات العليا

وملحوظه :

كل من اعتصم من العسكريين في التحرير يوم الجمعه وعددهم "8" هم من المفصولين من الخدمه

[Ahmed Anwer]

سبحان الله ،، نفس الشهادة تقريبا من ناشط و مدون ،،

بس برؤية تانية ،،

الوضع في ميدان التحرير اليوم


حزين جدا أني لازم أنقل الوضع في التحرير للناس عن طريق المدونة، كان نفسي ناس أكثر تنزل و تشوف لكن الناس معتمده على تويتر والتليفيزيون.

المداخل مقفولة بالسلك الشائك و لكن الأرصفه مفتوحة للمشاه والدراجات العادية والبخارية. حوالين كل مدخل في بتاع 50 واحد أو أكثر داخلين في حوارات، ممكن الحوارات تسخن و يكون في زعيق أو زق. (ما شفتش زق غير على فيديو متصور امس).

الميدان مش مليان و مش فاضي. ممكن نقول أن عدد المتوجدين حوالي 2000 أو أكثر بقليل. منهم معتصمين، باعه جائلين، ناس بضان على موتسيكلات عاوزين يعدوا من الميدان ويطلعوا من الناحية التانية وملهومش دعوة بالأعتصام أو أن في مشاه في الطريق، ناس جيه تشوف الوضع، ناس جاية تقنع المعتصمين أنهم يمشوا و ناس جاية تساند وتدافع عن المعتصمين وصحفيين أجانب قليلين.

ما فيش إذاعة وناس ملمومة عليها زي زمان، الاذاعة الموجودة متكسرة، واحد من المعتصمين قال لي أن الجيش أستهدف تكسير السماعات بالقصد فجر السبت.

في عيادة صغيرة عبارة عن فرشة على الرصيف أمام كنتاكي لمجموعة من الدكاترة قاعدين على أسبتة خضار. كل شوية مجموعة كبيرة من الناس تجري عليهم شايلين شاب، كل اللي شفتهم عندهم أضطراب تحولي (من الآخر مغمى عليهم بسبب الضغط النفسي)

الضغط النفسي هو كل حاجة بيعانوا منها المعتصمين دلوقت، كل شوية يجروا على مدخل علشان في ناس عاوزة تشيل الاسلاك الشائكة أو المتاريس أو ناس عاوزة تضربهم. مانامش منهم حد في الكام يوم اللي فاتوا.

الحوارات الدايرة مع الناس اللي جاية عاوزة تمشيهم وقلة دعم من بقيت الناس والتيارات السياسة ليهم عامله لهم حرب نفسية. ناس تتهمهم أنهم مش شباب 25 يناير وناس تخونهم.

المعتصمين أغلبهم شباب صغير تحت ال30 في منهم في جامعة (و جامعات خاصة) وعمال، بس كتير منهم فقراء. وده سبب أن ناس كتيرة عماله تقول عليهم أشكال بلطجية وأتهامات من هذا القبيل. كأنهم خبراء في علم الفراسة يا خبيتكم.

شافوا الرعب فجر السبت وبالرغم من كدة عندهم من الشجاعة أنهم يكملوا أعتصامهم ويقفوا أمام كل الناس اللي قايمة بالواجب للمجلس العسكري ومطلعة عنيهم حوارات خايبانه، نصها مستفز وطبقي وناس قافله المنطق بتاعها علشان تمشيهم وخلاص، على حسب كلام واحد منهم في ناس بتتفهم وتقتنع وناس مش عاوزه تسمع أصلا.

من الساعة 2 الى 5 ما سمعتش ولا شفت حاجة عن الأجنبي الي التليفيزيون المصري بيقول طعن في أيده.

أعتقد أعتصامهم في الأيام القادمة هايكبر ويكون أكثر شعبية من دلوقت.

المصدر ،،

http://moftasa.net/node/2704

[ahmed1981]

يوجد خبرين عن ميدان التحرير لم يثيروا إستغرابي
*-*- الإعتداء على سائح
*-*- العثور على مخبأ لقنابل المولوتوف المجهزة مسبقاً

http://www.moheet.com/show_news.aspx?nid=460350
http://www.shorouknews.com/ContentData.aspx?id=429536

بعد زيارتي للميدان أؤكد أن ما وصل للإعلام من بلطجة في الميدان قليل من كثير
أنا شخصياً وأنا واقف كان هيحصل أكثر من خناقة
وكل أبطالها من الوجوه البلطجية المعتصمة في الميدان

وبخصوص شهادة الناشط والمدون التي يقول فيها عن المعتصمين الآن :

(بس كتير منهم فقراء. وده سبب أن ناس كتيرة عماله تقول عليهم أشكال بلطجية وأتهامات من هذا القبيل. كأنهم خبراء في علم الفراسة يا خبيتكم.)

سؤال لهذا المدون
هل الفقير بيكون وشه مليان آثار تقطيع مطاوي وبشل عشان هو فقير ؟؟ !!
غريبة انا كنت فاكر الفقر حاجة تانية !

[emad7759]

المشاركة الأصلية كتبت بواسطة ahmed1981 يوجد خبرين عن ميدان التحرير لم يثيروا إستغرابي *-*- الإعتداء على سائح *-*- العثور على مخبأ لقنابل المولوتوف المجهزة مسبقاً http://www.moheet.com/show_news.aspx?nid=460350 http://www.shorouknews.com/ContentData.aspx?id=429536 بعد زيارتي للميدان أؤكد أن ما وصل للإعلام من بلطجة في الميدان قليل من كثير أنا شخصياً وأنا واقف كان هيحصل أكثر من خناقة وكل أبطالها من الوجوه البلطجية المعتصمة في الميدان وبخصوص شهادة الناشط والمدون التي يقول فيها عن المعتصمين الآن : (بس كتير منهم فقراء. وده سبب أن ناس كتيرة عماله تقول عليهم أشكال بلطجية وأتهامات من هذا القبيل. كأنهم خبراء في علم الفراسة يا خبيتكم.) سؤال لهذا المدون هل الفقير بيكون وشه مليان آثار تقطيع مطاوي وبشل عشان هو فقير ؟؟ !! غريبة انا كنت فاكر الفقر حاجة تانية !

احمد باشا ليه مردتشى عليا انتا شركت فى الثوره من البدايه وللا لسه نازل الميدان

اليومين دول وانتا قلت انك صورت بعض الصور

ممكن حضرتك تنزل لينا الصور

وانتا قلت فى موضوعك انك سعيد انك لم تجد احد من المعتصمين محترم

ورجعت قلت نسبه واحد فى الميه محترم

طيب ينفع واحد فى الميه محترم يعتصم مع شويه بلطجيه

وبياعين على الرصيف

طيب بياع الرصيف مش انسان ولا مش محترم

انا بصرحه مش فاهم حاجه من موضوعك كل اللى انا فهمه انك ضض الاعتصام

وبس وعلى فكره الناس اللى بتقول عليم بلطجيه دول وهم زى بتقول

اغلبهم من البيعين البيعين دول يبيعه على الرصيف ولا يقفه على نواصى

الشوارع ويبلضجه بجد ويسبته الناس ويخده منهم اللى معاهم

وبعدين لو الناس دى بلطجيه زى منتا قلت مكتش تلعط من الميدان سليم


نفس الكلام اللى كان بيتقال علينا لاما كنا معتصمين فى الميدان


كانت الناس بتقول ان احنا بناكل كنتاكى وناس تقول دحنا اسرئيلين

وبناخد فلوس وكلام كتير

فيريت للمره المليون حضرتك ترد عليا وتقول لى انتا شركت فى الثوره

واعتصمت كام يوم فى الميدان حتى تنحى حستى من الحكم

وطبعا بعد نجاح العمليه الجراحيه التى تمت لفصل حستى من الكرسى

ويريت تنزل الصور

وياريت متزعلشى منى ولك من كل الاحترام

وطبعا احنا اخوات ولايفسد فى الحوار قضيه

وطبعا انتا من الناس اللى انا بحترمه جدا