اشترى تويوتا ياريس ولا لأ (سؤال هام للخبراء فى اليابانى )

[mkotp2009]

المشاركة الأصلية كتبت بواسطة ramy01011 العضو الفاضل mkotp2009 ارجو انك متزعلش مني انا مكنش قصدي اعدل علي كلام حضرتك بالعكس حضرتك عارض المقارنة باسلوب جميل جدا فعلان كدة اقتبست الكلام منها و الاختلاف في الرأي لا يفسد للود قضية

شكرا لك علي تعقيبك علي ردي و مفيش زعل و لا حاجة. دي كلها وجهات نظر و آراء من مستخدمين عادين

و أنا معاك فإن الراكب الأمامي للانسر مش هيكون مرتاح لو حد قاعد وراه بالكنبة و ده لأن الكرسي مرتفع والتابلوه في اللانسر منخفض (لتأمين رؤية أفضل للطريق) و ده بيضايق الراكب الأمامي في منطقة الركبة.

و بالنسبة لإرتفاع السيارة عن الأرض ده من واقع تجربتي بالمرور علي مطب عالي معين بالعربيتين و اليارس حكت و اللانسر عدت من غير مشاكل

و اليارس لإنها من الداخل بلاستيك صلب فأي صوت داخلي أو خارجي تحس بيه أكثر من اللانسر و العربيتين عزلهم تعبان مقارنة بالمازدا 3 أو الفورد فوكس أو أي عربية أوروبي

أنا عندي يارس هاتش باك 1500 سي سي موديل 2009 و لانسر 1300 سي سي موديل 2007
الإثنين أوتوماتيك و ده صورتهم

و تفضل بقبول إحترامي و تقديري

[magd131]

اتوكل علي الله في اللانسر احسن واقوي وشكلها احلي بكتير من الياريس

وربنا يوفقك

[hazem_khidr]

من الخطأ مقارنه السيارتان ببعض لاختلاف فئاتهم
لكن في المجمل اللانسر ما تتركبش غير 1600 علشان تاخد منها اداء
لكن ال 1300 مع الاتوماتيك بالذات بيموتها
عموما الاتنين كويسين و يشترط الحاله السليمه عند الشراء.
لكن اذا كان اغلب تنقلاتك علي الطريق فاللانسر افضل
اما اذا كنت ممن لا يسافرون كثيرا فالياريس سوف تكون اكثر من كافيه

[elprince_dody]

ربنا يوفقك يا برنس واليارس حلوه بس انا مجربتهاش في القياده و اكيد الاساتذه ردو عليك و افادوك
اما من حيث الشكل اللانسر احسن لكن اليارس تحرت بيها اكتر و اللانسر لازم 1600 اما اليارس عادي مش مشكله 1300 و استهلاك البنزين في اليارس راااااااائعه

[albalshy]

فعلا و عن تجربه اللانسر أفضل جدا .