استحلفكم بالله اغيثونى

[hossamhussein0]

طبعا انا هفترض ان منسوب المياه الان لا ينقص مع استخدام المروحة بشكل مباشر ،،، لإن من المفترض ان العربية لا تصل الي مرحلة الغليان اصلا و بالتالي احتمال التبخير ضعيف جدا خاصة و ان الجو يساعد علي ذلك في الفترة الحالية ، و عموما إن كانت المياه بتنقص يبقي هناك تسريب يجب منعه ، ممكن الريداتير و ممكن الوصلات و الخراطيم و ممكن طلمبة المياه و ممكن طبب السلندرت و حاجات صانية كثير ، و عموما ياريت لو فيه تسريب تبقي تحط مياه خضراء لانها هتبينلك التسريب منين بالضبط ،

و فيما يلي بعض الخطوات من الاقل تكلفة الي الاكبر تكلفة علشان المشكلة تتحل باذن الله في اضيق الحدود.

أولا : إذا كان تقليب الميه في الريداتير جيد ( إفتح الغطاء و شوف) علي السلانسية و بيزيد مع زيادة البنزين ،، يبقي كده طلمبة و مواسير المياه براءة و ان كان عكس ذلك فيجب الكشف عما اذا كان هناك خرطوم متني او تراكم للصدأ داخل ماسورة المياه او تلف ريش طلمبة المياه، (ملحوظة لو كانت المياه بها صدأ يمكنك افراغ عبوة زيت باكم في الريداتير و المشي عليها يومين ثم غسيل الدورة كلها بعد ذلك مع استخدام مياه خضراء + كوول امريكي )

ثانيا : إن كانت العربية مكيفة يبقي لازم تكشف علي سربنتينة الفريون لأنه من الممكن جدا ان تكون الريش بتاعتها متنية او مسدودة من التراب و الطين و في الحالة دي مش هيعدي الهواء منها بسلاسة ليصل الي الريداتير و تبريد العربية بشكل طبيعي ، و بالتالي العربية هتسخن و كمان لازم تشوف برضه نفس الملحوظة دي في سربنتينة الريداتير هل هي مكتومة و الريش متنية ام لا) لان ده حصل معايا قبل كده

ثالثا : إن كان تروموستات المياه اللي في الكوعة العلوية الخارجة من وش السلندر موجود ،، الغيه مبدئيا لأنه ممكن جدا يكون بيعلق (وده امر منتشر جدا لانه بيراكم علي البوابة بتاعته صدأ ) و ده بيؤدي الي انه ما بيفتحش كويس في التوقيت بتاعه و بالتالي يؤدي الي وجود احتباس الحرارة بشدة داخل الموتور (البلوك ووش السلندر) و بالتالي بيقي احتمال تلف جوان وش السلندر كبير

رابعا: إن كل ما سبق جيد و تمام و لكن الريداتير اللي راكب مش بتاع الفبريكة يبقي تغير الريداتير بريداتير جديد (الماني 3 ماسورة و ياريت تخلي بتاع الريداتير يعمله باكبر عرض ممكن ) هيخلي العربية ثلاجة باذن الله صيف و شتاء،، و ده عن تجربة في عربيات كثيرة

و اخيرا ، إن يكون وش السلندر اصلا فيه شرخ خفيف انت ما تشفهوش بعينك و طبعا الشرخ بيوسع نتيجة التمدد مع التشغيل و ده بيخلي العربية تغلي بسرعة و تضرب جوان و ساعتها يبقي تشتري وش سلندر استعمال و ممكن حتي تشتريه فاضي بحوالي 300 ج و تخلي الميكانيكي يغيرهولك و يركب فيه حاجتك (صبابات و كامة و ما الي ذلك ) ، و ده حصل معايا في عربية اسكودا فيفوريت و ايضا في عربية برايد بتاعة واحد صاحبي


و إن شاء الله تكون في الاخر حاجة هايفه و ربنا يسترها معانا و معاك
و ابقي طمنا عليك

[mostafakamal]

و اخيرا ، إن يكون وش السلندر اصلا فيه شرخ خفيف انت ما تشفهوش بعينك و طبعا الشرخ بيوسع نتيجة التمدد مع التشغيل و ده بيخلي العربية تغلي بسرعة و تضرب جوان و ساعتها يبقي تشتري
وش سلندر استعمال و ممكن حتي تشتريه فاضي بحوالي 300 ج و تخلي الميكانيكي يغيرهولك و يركب فيه حاجتك (صبابات و كامة و ما الي ذلك ) ، و ده حصل معايا في عربية اسكودا فيفوريت و ايضا في عربية برايد بتاعة واحد صاحبي

لو فيه شرخ بالتأكيد هيكون فيه تنقيط زيت كتير وهيبان على طول

أهم سؤال فيه تسريب ميه من الردياتير، بس أعتقد فيه تسريب والميه بتقل عشان كده بيحصل إن الجوان بيضرب
وبالنسبة للبطارية المارش ملهوش دخل في مشاكل البطارية وطبعا ولا الضفيرة ليها دخل، المشكلة طبعا في الدينامو، روح لمحل بطاريات مش كهربائي وخليه يقيس الدينامو ويجرب الشحن وهو هيقولك المشكلة فين بالضبط، وأنصحك تغير الكهربائي بتاعك

[hossamhussein0]

المشاركة الأصلية كتبت بواسطة mostafakamal لو فيه شرخ بالتأكيد هيكون فيه تنقيط زيت كتير وهيبان على طول بتاعك

مش شرط علي فكرة ممكن يكون الشرخ يصل ما بين نقطتين ملهومش دعوه اصلا بفتحات مسار الزيت ، يعني ممكن يكوم مثلا ما بين قاعدة صباب و احد مسارات المياه مثلا و بذلك الكبس هيهرب علي المياه و يخليها تنقص و العربية تغلي

[mnp]

ستاذ حسام انا روحت للميكانيكى وفك وش السلندر وقاسه قال ان الوش دة كويس ومخرتطشى الا مرة واحدة هو محتاج كشط بسيط وغسله قولتله طيب فين المشكله قالى ان الجونات الا راكبه من تحت وش السلندر منحسه ومسدودة بعد كدة بعتنى لواحد بتاع جونات وبعت معاى الجوان القديم وفتح حوالى خمسه اخرام فى الوش القديم وقالى خليه بعد مايعطيى الجونات يخرملك الجونات الجديدة دة وركب وقالى جرب وان شاء الله موضوع سخونه العربيه دة مش هيرجع تانى قولتله طيب ولو رجع قالى يبقا فيه احتمالين الاول ممكن يكون فيه شرخ وفى الحاله دة ممكن نلحمه بمادة بتتباع فى البنزينه او كدة ممكن نفك الفرغه فما رايك فى هذا الكلام ياستاذ حسام

[maka]

المشاركة الأصلية كتبت بواسطة mnp ستاذ حسام انا روحت للميكانيكى وفك وش السلندر وقاسه قال ان الوش دة كويس ومخرتطشى الا مرة واحدة هو محتاج كشط بسيط وغسله قولتله طيب فين المشكله قالى ان الجونات الا راكبه من تحت وش السلندر منحسه ومسدودة بعد كدة بعتنى لواحد بتاع جونات وبعت معاى الجوان القديم وفتح حوالى خمسه اخرام فى الوش القديم وقالى خليه بعد مايعطيى الجونات يخرملك الجونات الجديدة دة وركب وقالى جرب وان شاء الله موضوع سخونه العربيه دة مش هيرجع تانى قولتله طيب ولو رجع قالى يبقا فيه احتمالين الاول ممكن يكون فيه شرخ وفى الحاله دة ممكن نلحمه بمادة بتتباع فى البنزينه او كدة ممكن نفك الفرغه فما رايك فى هذا الكلام ياستاذ حسام

معنى كلامك انه فك وش السلندر طاب ما بالمرة يتاكد انه مفيش شروخ