سؤال بخصوص الكبالن

[mr_astra]

لا غبار على الاصلى لكن فى عامل مهم جدا ،،،،،،،،، بكام.... كل الدنيا بتشكر فى الكبالن الصينى بص حسبتها ازاى ،،،،،،،لو الكبالبن الصينى اعدت سنة فاكثر تبقى احسن من الاصلى بكتير على فكرة سعرها الجوز بـ 120 جنية

[مهند سالم]

المشاركة الأصلية كتبت بواسطة wanderer شكرا لردك ,, نوع العربية كيا سبكترا وللاسف الكبالن بتقطق فى الملفات المشكلة انى سألت عليها ولاقيتها غاليه شويه ب550 يبانى بصراحه انا شايف كتير قوى على عربية كورى قديمة فعشان كده بسأل

طبعا الأصلي أفضل؛ لأنه هيعيش معاك وهتلاقي فرق السعر اتعوض في عمر القطعة، لكن عموما لو الأصلي غالي عليك ممكن حضرتك تشوف الاستيراد، بتبقى حاجات كويسة وبحالتها وأصلية طبعا، بس مفكوكة من عربية ثانية متقطعة، يعني هتبقى الكبالن الأصلية بتاعت العربية، وربنا يوفقك

[kh_fawzy]

التيوانى ناس كتير بتشكر فيه وهو فى حدود 200 جنيه للاتنين

[foolh_old_man2010]

بالنسبه للكوبلن ممكن تشترى الجديد افضل بكتير وخصوصا لما يكون يابانى اصلى ولو انت مفلس وكعك فلوس قليله اذهب الى شارع معروف هاتلاقى الصانيعيه بيناد عليك ويقولك كوبلن يابيه او تذهب عند محمد الصغير فى معروف وده بيعمل كبالن تصليح 000وربنا معاك

[حسام البورسعيدى]

من سنتين انا غيرت كبالن تايوانى كان الجوز بحوالى 230 جنية تقريبا (على ما اذكر) ..

والحمد لله شغالين معايا زى الفل ...

بس خلى بالك من الحاجات المضروبة ... انا مكنتش مقتنع بيهم خالص والراجل قعد يحلفلى انهم تمام .. ولما لقانى متردد قالى خدهم ولو طقطقوا بتوعى هاتهم وخد فلوسك ..

اخدتهم والحمد لله تمام .....