مشكلة عندى فى الفيرنا المروحتين شغالين

[احمد على 1999]

طبعا متسكتش على الموضوع ده مش طبيعى ان الميه تنقص
و زى ما قالوا الاعضاء لازم تشيك على سبب نقص الميه
بالنسبة للمراوح من الى انت حكيته يبقى طبيعى الاتنين بيشتغلوا و يفصلوا مع بعض و مع التكييف بيفضلوا شغالين على طول و مع ظروف التشغيل القاسية سرعتهم بتزيد ( عندى فى اللانوس كده و معظم الجديد كده )
على العموم اسباب نقص الميه :

1. تسريب خارجى يعنى ممكن تشوفه زى
   1. خرم فى الرادياتير - الاربه - الخراطيم ......الخ
   2. غطاء الاربه باظ و بينفس على طول
   3. خرم فى سربنتينة السخان ( جوه تقفيصه ورا التابلوه ) صعب تبان بس شواهدها بيبقى فيه ميه بتدخل جوه الصالون و بيبقى فيه ريحة عطانه
   4. المضخة
   5. معظم الحاجات الى فاتت بيبان تسقيط ميه تحت العربية
2. تسريب داخلى :
   1. جوان وش السيلندر
   2. شرخ فى البلوك

انا شاكك في حاجتين عندك ياما الريداتير مخروم وبيسرب ياما الغطاء باظ وعايز يتغير شوف كدا حد بتاع ريداتيرات تكون واثق فيه وخليه يبصلك كدا عليها غير كدا متخليش حد يلعبلك في العربيه واطلع بيها علي مركز الصيانة

[mesho70]

حاليا ً كل يومين اذود لها فالقربة حوالى نص لتر ماء وبصيت عالتسريب مش شايف حاجة واضحة وموضوع نقص المياة موجود من اول ما اشتريت العربية وقلتلهم علية فالتوكيل وان كان اليومين دول المية بتنقص بسرعة اكبر
انا بلاحظ ان المية فالقربة بتسخن بعد ما امشى شوية بالعربية واعتقد ان دة دليل على ان طلمبة المية شغالة وكمان العربية مش بتسخن والمراوح بتشتغل وبتفصل كما كانت من قبل يبقى اكيد فية تسريب من الدورة فى مكان ما ولكن للاسف انا بعيد جدا ً عن التوكيل فى حدود 700 كم
ولكنى كنت سمعت ان فية جهاز بيضغط دورة المية لاكتشاف التسريب فهل الجهاز دة ينفع مع الفيرنا ؟
مع الشكر لكل من اهتم بالموضوع وشارك فية

[ايمن منصور ((عباسى ))]

بص ياباشا .اولا علشان تعرف الطرمبه شغاله افتح غطا الرديتير وخلي حد يدوس بنزين لو الميه زادت واتحركت لفوق يبقي كده الطرمبه شغاله
ثانيا .اتاكد من غطا الرديتير سليم ومقفول كويس علشان لو بايظ او مش مقفول كويس حينقص الميه ومش حيخلي القربه تزود ميه الرديتير
ثالثا.اتاكد ان مفيش تسريب من الخارج وده سهل لوفي تسريب لازم يبقي في ميه حتنزل من الرديتير او الوصلات
اخيرا شوف مقاس الزيت هل الزيت نضيف ولا دخل عليه ميه يعني تسريب داخلي
لو كل حاجه تمام ومفيش اي حاجه من دي يبقي عليك وعلي التوكيل لو لسه في الضمان
ومتخليش اي حد يلعب في العربيه
لو بره الضمان روح اي مركز صيانه محترم وشوف الموضوع هناك
ويارب يبقي مفيش حاجه