غيرت طقم الدبرياج .....بس فى تقل فى عصاية الفتيس

[mahdyez]

المشاركة الأصلية كتبت بواسطة احمد على 1999 معلش حكتبلك الاول طريقة ظبط عصا الفتيس الفكرة كالاتى : ان المفروض و العربية دايرة و واقفة ( على السلانسيه ) تقدر تغير جميع الغيارات بسهولة لو فيه صعوبة يبقى اتاكد من الظبط : 1- بطل العربية 2- حاول يكون معاك عدد 2 حاجة اسطوانية قطرهم 5 مم ( نص سم ) ( ممكن بنط ) 3- افتح الكابوت 4- حاول تتعرف على امتداد وصلات ازرع التحكم فى الفتيس عن طريق واحد يقعد فى العربية و هى مبطلة و يقعد ينقل و انت حاول تراقب الحركة و تشوف اى حاجة مش طبيعية ( زى حاجة مبوشة جامد حاجة معصلجة حاجة غريبة عامله اعاقة زى وساخة جامدة او جزىء صلب غريب محشور فى الوصلات ) 5- اثناء الاختبار حاول تتعرف على الاتى ( امتداد الوصلة الى جاية من العربية من جوة - و الزراع اللامع الى داخل على الفتيس من خلال علبة راكبة على الجيربوكس و الذراع ده راكب عليه و صلة مفصلية ) ( يعنى سيبك من الكلكعة الى فى نص السكة المهم الذراع الى داخل فى الجيربوكس) 6- لو كل حاجة باينة طبيعى يبقى حنتاكد من الاطوال مظبوطة كالاتى : 1- فيه المفروض امتداد العصاية الى موازية للارض و واصلة ما بين عصا الفتيس الى جوة العربية و باقى الوصلات الى جوة الماتور امتداد العصاية دى و هى طالعة من جوة الصالون و داخلة الماتور عليها كلامب ( افيز ) بمسمار فكهم ( الكلام ده جوة حوض الماتور ) 2- كده انت حررت العصاية من جوة عن بقيت الوصلات الى فى الماتور 3- باقى ان انت تحط البنوز الى معاك الى قطرها 5 مم 4- فيه طبة صغيرة على يمين الذراع اللامع الى داخل على الجير بوكس فكها 5- حاول تلف الذراع لغاية ما تقدر تدخل البنز الى معاك افقيا فى الفتحة الى مكان الطبة الى انت شلتها ( واحد من الاتنين الى قطرهم 5 مم ) 6- جوة العربية 7- فك بوت عصاية الفتيس و ارفعه لفوق ( هو داخل كابس من قاعدته ) 8- مور الفتيس 9- هات العصايا شمال شوية 10- حاول تدخل البنز التانى راسيا فى الاخرام 11- على الوضع ده ارجع ركب الافيز تانى 12- بكده انت ضامن الاطوال المثالية لعصا الفتيس بالوصلات لغاية الجيربوكس 13- طلع البنوز 14- ركب الطبه 15- ركب بوت الفتيس كبس جرب معلش انا مسافر و حاجى تانى يوم الجمعة ان شاء الله

شكرا لردك ولشرحك بس انا حاسس مش هاعرف اعمل دة لوحدى اذا كان لديك متسع من الوقت ممكن نتقابل وتبص عليها وشكرا

[احمد على 1999]

طبعا
انا من الاسكندرية 0101648489
حبقى فى قمة السعادة لو عرفت اساعدك

[atgps]

ياترى المشكلة فى صعوبة تحريك عصاية الفتيس فى مشوار كل نقلة ولا المشكلة فى فى تعشيق كل نقلة؟
اذا كانت المشكلة فى مشوار كل نقلة فالحل كما ذكره الأستاذ أحمد على
أما اذا كانت المشكلة فى تعشيق النقلات فيمكنك الكشف على خلوص الدبرياج، يمكن يكوت الدواسة واطية شوية، ولاتقوم بفصل الدبرياج بالكامل.

[mahdyez]

المشاركة الأصلية كتبت بواسطة احمد على 1999 طبعا انا من الاسكندرية 0101648489 حبقى فى قمة السعادة لو عرفت اساعدك

كفاية ذوقك ياباشا لوروحت اسكندرية هابقى اكلمك تبقى معرفه خير 0105208285

[sherif_taher]

ممكن يكون الموضوع طبيعي عشان حصل معايا كنت مغير طقم الدبرياج برضه(اسطوانه+بليه+ديسك) (معايا لانوس 2)و كان فيه تقل الاول عامه و كانت بتبان اوي لو حاولت انزل من التاني للاول و لكن مع الوقت بقى ناعم وكويس..............في الغالب ان شاء الله مفيش حاجه و اتأكد من الميكانيكي اللي انت ركبت عنده برضه.....