تمت بحمد الله من أكسنت الى فيرنا

[moh taia]

السلام عليكم

شكرا اخوانى الأعزاء على المرور

النهارده الحمد لله خلصت حاجات كتير وسبب الحكه مش الجنط طلع التيش بتاع فرامل اليد الخلفيه للعجله اليمين كان مقطوع وهو الى عامل الخبط جوه العجله

فى البدايه طبعا رحت للميكانيكى الى بتعامل معاه و اتفقنا على ال هنعمله النهارده وبعدين روحت اشتريت الحاجات المطلوبه - انا اشتريت برضه من موزع معتمد لقطع غيار هيونداى عندنا علشان ابقى متطمن على الحاجات و أسعارها كالتالى لتعم الفائده

- بوجيهات 45 جنيه
- فلتر بنزين 35 جنيه
- سير دينامو 25
- سير تكييف 25
- سير الباور 25
- سير كاتينه 65 جنيه ( ألمانى ) و الأصلى كان موجود بس ب 165 جنيه قولتله طيب وده يتغير بعد 60.000 برضه قالى لأ سير الكاتينه الى بييجى مع العربيه بس هو الى بيتغير بعد 60.000 لكن سواء الألمانى أو الأصلى بعد كده بيتغيروا كل 40.000 كيلو فقط فطبعا اخترت الألمانى
- تيش الفرامل الخلفى 110 جنيه للأتنين ( جيبت اتنين مع بعض للعجلتين بالمره )

بس كده ومن بره جبت منظف كاربيراتير علشان البوابه وده كان ب 18 جنيه
وجبت علبة wd40 ودى كانت ب 15 جنيه علشان تنظيف الحساسات

الحمد لله لسه مخلصين من شويه ونضفنا البوابه والحساسات وعملنا أيدل ليرن وطلعنا جربنا العربيه مبقاش فيه أصوات خالص والفرامل بقت ممتازه بعد ما رجلشنا الفرامل الى ورا

المصنعيه برضه هو طلب 60 جنيه وبيتهيألى ده كويس على كمية الشغل الى عملها النهارده - على فكره الميكانيكى ده ممتاز لو حد من طنطا وعاوز ميكانيكى كويس للعربيات الأنجيكشن أو العاده يعرفنى وانا أقوله مكانه

وان شاء الله قريب هروح بقى اغير الطنابير الى قدام علشان لسه فيه رعشه بسيطه مع الفرامل وهغير زيت الفتيس وزيت وفلتر الموتور واربط العفشه وظبط زوايا وترصيص
وكده أبقى انا عملت الى عليا هى تعمل الى عليها بقى

لو فيه اى استفسار عن اى حاجه يا ريت تعرفونى

وتقبلوا تحياتى

[sherif_taher]

مبروك عليك ربنا يكتبلك خيرها ...............
بالمره اسم الميكانيكي وهو فاتح فين...........
مبروك مره تانيه.....

[moh taia]

المشاركة الأصلية كتبت بواسطة sherif_taher مبروك عليك ربنا يكتبلك خيرها ............... بالمره اسم الميكانيكي وهو فاتح فين........... مبروك مره تانيه.....

ان شاء الله النهارده هتأكد من اسم الشارع بتاعه بس واكتب طريقة الوصول ليه
وشكرا على مرورك

[moh taia]

السلام عليكم
معذره للتأخر فى الرد بس كنت عاوز أتأكد من اسم الشارع

عنوان الميكانيكى :

شارع الإمبابى فى نصه كده على ايدك الشمال وانت داخل من سعيد

اسمه الأسطى حمدى 0125642216

[sherif_taher]

المشاركة الأصلية كتبت بواسطة moh taia السلام عليكم معذره للتأخر فى الرد بس كنت عاوز أتأكد من اسم الشارع عنوان الميكانيكى : شارع الإمبابى فى نصه كده على ايدك الشمال وانت داخل من سعيد اسمه الأسطى حمدى 0125642216

شكرا يا باشا.....