بخصوص الكيا ريو 2010

[faielmasry]

اتوماتيك بتاعها 1600 والمانيول 1400

[بلبل الكوتش]

هى سعراها كام وياريت لو جربها يقول المميزات والعيوب

[ESL NSR]

المشاركة الأصلية كتبت بواسطة faielmasry اتوماتيك بتاعها 1600 والمانيول 1400

أنا بأكد على الكلام ده حقيقي ... الكيا ريو 2010 الموجودة في مصر حسب كلام الوكيل EIT لما اتصلت بيهم قالولي إن الموديلين الي موجودين مانوال 1400 سي سي والأوتوماتيك 1600 تقريبا كل الكماليات الممكنة والعربية حلوة طبعاً شكلاً ومضموناً وتعتبر أخت النيو أكسنت في التصنيع الكوري والكماليات وتكنولوجيا الموتور طبعاً واحدة مع الاعتبار إن موتور الأكسنت أقوى وكمان اعتبار إن حجم العربيات الي من الفئة دي أعتقد يناسبها أكتر موتور الريو الي مش أقوى بس مناسب لحجمها عشان الثبات على الطريق ، فكل واحد معاه عربية أياً كانت من الفئة دي ياخد باله من النقطة دي كويس وربنا يسترها ع الكل ...

مشكلة الريو 2010 الوحيدة بحسب الي أعرفه عنها -طبعاً ماهياش مشكلة فنية- في التسليم لما سألتهم من حوالي يومين تلاتة قالولي التسليم حسب اللون الي طالبه وحسب مكاني في قايمة انتظار بس في المتوسط هيكون التسليم كمان 3 شهور لإنها مش متوفرة دلوقتي ...

الأسعار غالباً مش مختلفة عن موديل 2009 وأنا بقول "غالباً" لإن اتصلت أكتر من مرة بيهم وكذا حد من المبيعات يقولي على سعر ومرة واحدة بس حد فيهم قالي سعر تاني بس شكله مكانش متأكد ، المهم غالباً سعر الفول أوبشن مانوال 81 ألف والفول أوبشن أوتوماتيك 87 ألف ...

[Gody :)]

انا قالولى التسليم كمان شهرين فعلا .. ودى حاجة ضايقتنى اوى ومش فاهم ليه كل التأخير دة عشان كدة دورت فى المعارض الصغيرة اللى شغالين فى الكيا يمكن الاقى عندهم حاجة تسليم فورى .. ولقيت فعلا بس طبعا الوان عجيبة وكمان ناقص منها حاجات عن اللى موجودة فى التوكيل ( فوج لايت - usb - مرايات كهرباء ) ... يا إما الاقى حد عنده الخليجى وطبعا الضمان مع التوكيل يا اما سنة واحدة يا اما مفيش مش زى التوكيل 5 سنين
انا بجد عاجبانى العربية بس المشكلة فى موضوع التسليم دة ... بعيد اوى
لو حد اشتراها او عنده اى حل للموضوع دة ياريت يخدمنى فيه ... ويا ترى العربيات الخليجى بتبقى احسن فعلا ولا كله زى بعضه ؟؟

[tawfic]

شهدت علامة كيا نهضة هائلة فى السوق المصرى للعام 2009 ولإستكمال تلك النهضة أطلقت الشركة المصرية العالمية للتجارة والتوكيلات eit طراز كيا ريو الجديد خلال إشتراكها فى فاعليات الدورة السابعة عشر لمعرض فورميلا الأهرام 2010 والذى أقيم فى الفتره من 20 يناير وحتى 24 من الشهر ذاته وهو الطراز الذى نال وجه كيا الجديد بعد أن شهد عملية بسيطة للتجميل .


الطراز الجديد والذى كان قديأتى بتحسينات على صعيد التصميم والمحركات حيث نالت مقدمة ريو الجديدة شبكة تهوية جديدة التى أعتبرت رمزاً جديداً لطرازات كيا مؤخراً كما نالت كيا ريو 2010 الجديدة تغييرات فى تصميم المصد الأمامى و شبكة تهوية سفلية رياضية جديدة ساهمت فى شكل أكثر إشراقاً للسيارة .


داخلياً لم تشهد كيا ريو 2010 الجديدة تحسينات كبيرة بإستثناء بعض التغييرات فى الكونسول الوسطى للسيارة ، بينما التغير الأكبر كان فى إدخال محرك جديد رباعى الإسطوانات بسعة 1.6 لتر وبإستخدام تكنولوجيا cvvt يولد هذا المحرك قوة حصانية تصل إلى 110 حصان عند 6000 د / د ، كما يمكن لهذا المحرك توليد عزم دوران يصل إلى 145 نيوتن متر عند 4500 د / د ، وبهذا المحرك ترتفع اسهم كيا ريو الجديدة أمام منافسيها خاصة هيونداى نيو أكسينت التى تعتبر المنافس الرئيسى لكيا ريو والتى تنال حصانين أكثر من ريو ولكن ريو تتفوق بخفة الوزن حيث إنها أخف بتسعة كيلو جرامات ، ويستهلك هذا المحرك 6.9 لتر لكل 100 كيلو متر بمعدل توسطى ، وسيستعمل مع هذا المحرك ناقل أوتوماتيكى فقط مكون من اربعة نسب أمامية .


المحرك الثانى هو محرك رباعى الإسطوانات بسعة 1.4 لتر ويولد قوة حصانية تصل إلى 94 حصان عند 6000 د / د بالإضافة إلى قدرته على توليد عزم دوران يصل إلى 124.5 نيوتن متر عند 4700 د / د ، ويستهلك هذا المحرك 5.9 لتر لكل 100 كيلو متر بمعدل توسطى ، وسيستعمل هذا المحرك ناقل حركة يدوى مكون من خمسة نسب أمامية ،

الأسعار

1. سعر طراز كيا ريو 2010 1.4 mt سيكون 78.000 جنيه مصرى
2. سعر طراز كيا ريو 2010 1.6 at سيكون 87.000 جنيه مصرى

الكماليات :

• باور سترينج
• تكييف هواء يدوى
• تحكم كهربائى فى النوافذ الأربعه
• تحكم كهربائى فى المرايات الجانبية + إشارات بالمرايا
• مصابيح ضباب
• راديو cd + mp3
• إطارات حديدية قياس 14 بوصه + غطاء
• إمكانية طى المقعد الخلفى
• عداد لفات المحرك
• ساعة رقمية
• مخرج إضافى 12 فولت
• خاصية ضبط إرتفاع الكرسى

منفقول من ( احمد عبد العزيز - من احد المنتديات)