مشكلتي مع الفيرنا

تسلموا علي الكلام الجميل ده وفعلا الجنط عندي لونه فضي وكمان انا اتخنقت من التوكيل لاني حسيت انهم لازم ياكلاوك الاونطه بمزاجك او غصب عنك بالذات توكيل ابوارواش الراجل راكب معايا العربية وشيفها شوية تحدف يمين وشويه شمال ويقولي ده عيب طريق مش عيب في العربية بس انا عايز اعرف هوه المفروض ارصص واظبط زوايا كل كام الف كيلو

[lody1983]

متابع باهتمام جدا لانى عندى نفس المشكلة وغيرت جنوط وكاوتش برودا نفس المشكلة ولما اروح لاى حد ظبط زوايا يقولى العربية مظبوطة على الجهاز فلو فى مكان مضمون نروح هناكوخلاص

[mfa100]

للاسف دايما العيوب بتكون فى الاجزاء المصرى . حاجة تقرف
انا زيك برضو جكمان رايح فى داهية بتاع مصنع ابو اليزيد .
و فى عيوب فى التقفيل الخارجى المعمول بايد الولاد السمر الشداد بتوع 7000 سنة فهلوة ضحك على الذقون . يا ريتها كانت معملوة بايد اقزام كوريا الغلابة ما كناش اشتكينا و لا رحنا ولا جينا .
فعلا الجنط الفضى مصرى او تركى
الاسود مقاس 14 كورى و ده افضل . زى ما قال الزميل
ممكن تعدل ل p 185/60/R 14 82 T
P = Passengers car سيارة ركوب اشخاص
185 = 18.5 سم و هو عرض الكاوتش الملامس للارض
60 = 60% من عرض الكاوتش (ال 185) يعنى حوالى 11.1 سم و هو ارتفاع جانب الكاوتش من حرف الجنط لحرف الكاوتش
R = RADIAL التيل بتاعت الاطار مصنوعة من شرائط معدنية
14 = مقاس قطر الجنط
82 = معامل تحميل يساوى 475 كجم على كل فرده ( و ده لية جدول سوف ارفقة فى الرد القادم . بيبين كل رقم كودى يساوى كام بالكيلو جرام)
T= 190 كم / ساعة ( ده معامل اقصى سرعة يتحملها الكاوتش و برضو لية جدول سوف ارفقه )
و حاجة تانية تاخد بالك منها صلاحية الكاوتش من تاريخ الانتاج و ليس من تاريخ تركيبة فى عربيتك . و بيكون مكتوب بالشكل ده و ما اعرفش لية ( مثلا 2109 يعنى الاسبوع ال21 من سنة 2009 يعنى تقريبا شهر 6 - 2009 . و الصلاحية تقريبا بتكون حوالى خمس سنين . يعنى ما تركبش كاوتش منتهى تاريخ صلاحيتة او حتى قرب ينتهى و لو ما اشتغلش و لسة بورقتة .
و اعتقد ان ده مقاس مناسب للفرنا و يكسبها ثبات اكتر و مش حيأثر كتير على عزم المتور او استهلاك الوقود . من حسن الحظ ان الفرنا ال 1600 موتورها كبير عليها بتعوض الزيادة اللى حاتعملها فى حجم العجل
و عذرا للخطاء او النسيان

[mfa100]

جدول معاملات التحميل

جدول معاملات السرعة

منقول للأمانة

[احمد على 1999]

بالامانه الى انا عارفة ان لما العربية مرة تحدف يمين و بعدها تحدف شمال يبقى العيب مش فى العربية العيب فى الطريق او اتجاه الرياح
حاول تسييب الدركسيون ببطىء و هدوء لان لحظة ترك الدركسيون ممكن تاثر على اتجاه حدف العربية و كرر الموضوع كذا مرة و لو فيه مرات يمين و مرات شمال يبقى العربية تمام
لكن لو بتحدف دايما فى ناحية واحدة بس يبقى فيه حاجة فى الكاوتش او الزوايا او مجموعة التوجيه