ماذا تفعل فى هذا الموقف

[fars2000]

المشاركة الأصلية كتبت بواسطة engmish أنا في رأيي اللوجان بس خلي بالك من سعر إعادة البيع لو بتفكر تبيعها بعد كدة

أولا أشكرك واسمح لى هل هى ليس لها فى اعادة البيع وهل مثلا تخسر النصف لو فكرت فى البيع بعد خمس سنين وهذا بيد الله والله أعلم ولكن هى عربية ممتازة من وجهة نظرك وأشكر مرورك

[pro mada]

المشاركة الأصلية كتبت بواسطة fars2000 والله أنت أستاذ كبيير ومحترم جدا والوحيد اللى فتح معايا الحوار بالرغم من شدة الحيرة اللى كنت فيها الا انك سهلت المأموريه عليا ولكن لما ذهبت لموضعاتك المحترمة وردودك الرائعة أسمح لى رأيتك تسنى على الفيرنا فما هو رأيك النهائى بعد أستبعاد السيينا من الترشيحات الفيرنا أم اللوجان

لو جينا عملنا مقارنه سريعه
الفيرنا افضل من اللوجان من نحيه المحرك ( مع ان الاتنين 1600 cc )
الفيرنا افضل من اللوجان من نحيه رخص اسعار الغيار و توافرها
اللوجان افضل من الفيرنا من نحيه جوده الخامات و التقفيل
اللوجان افضل من الفيرنا من نحيه العفشه ( ده علي كلام الناس )
فشوف اولويات حضرتك و بعدين قرر و متنساش صلاه الاستخاره

[m_o_sakr]

انا افضل الفرنا عن اللوجان
- موتور اقوى و انعم
- سعر اعاده بيع افضل
- مصاريف صيانه و اسعار قطع غيار اقل مع توافرها خارج التوكيل بكثره
- عربيه منتشره من سنين و قليله المشاكل والأعطال و كل الميكانيكيه عارفين فيها على عكس اللوجان لسه منتشرتش ومتعرفش اذا كان حيبان عيوب مع مرور الوقت ولا لأ
- العربيه من الداخل شكلها افضل بكتير جداً و الصالون اشيك
- قد تكون اللوجان افضل فى العفشه (حسب قول البعض) او خامات افضل ولكن من رلأى الفرنا انسب وافضل فى العموم

[ahmed_kamel]

فيرنا بكل تأكيد
- موتور ذو أداء أفضل بكثير
- قطع غيار بكل مكان ... وذات سعر معقول بالنسبه لفئتها
- سهولة الإصلاح عند أي ميكانيكي وبدون تعقيدات كمبيوتريه وخلافه ( هذه الفئه من السيارات الإقتصاديه لا تتحمل أن تأخذها للتوكيل كل لحظه لظهور عيب بالكمبيوتر)
- سهولة إعادة البيع بالإضافه للسعر الذي لن تخسر به كثيرا (إن شاء الله)

توكل على الله وماتفكرش كتير

[AbOnOrA]

اولاً اهلا بيك فى مصر موتورز ويارب تستفيد من اضمامك لاسرتنا المتواضعة

مبدئياً كلام كل الناس صحيح وفى الغالب المقارنة هتنحصر فى اللوجان - الفيرنا - الانوس - بعض موديلات الصينى

بس خلينا نتفق ان الكمال لله وحدة ومفيش شىء كامل الاوصاف حتى بعض المزايا فى بعض السيارات بتكون عيب فى نفس الوقت لناس تانية

انا مقدر حيرتك جدا لان كلنا مرينا بيها زى بالظبط الى داخل على جوازة من غير حب وخايف يتدبس علشان كده قبل ما نختارلك عروسة مناسبة لازم نعرف امكانيات وطلبات العريس الاول ايه وهل انت ميال لعربية من دول او بتكرهه عربية من دول ولا كلهم زى بعض فى عينيك ؟

ايه اولوياتك فى العربية وايه اهم متطلباتك وايه طبيعة استخدامك ليها ؟
ديه كلها حاجات مهم جدا تحددها علشان تخرج من الحيرة اللى انت فيها بعد كده صدقنى هتلاقى الموضوع سهل جدا ومحسوم وهنقدر احنا كمان نوجهك للانسب

تقبل تحياتى وكل سنة وحضرتك طيب