لكل اللى عنده ابيزا

[drmasho]

انا ان شاء الله هشتري ابيزا الجديدة , بس بصراحة فيه بعض الناس برة بيشتكو من الdsg
و الواحد ابتدى يفكر تاني ....
لو فيه حد ليه تجربة مع الdsg يا ريت يقولها ...
و للاسف ال1600 ما فيش منه مانيوال .

[shooter123]

اية يا حج حاتم اللي بتقوله ده؟
ابيزا ايه اللي احسن من اللانسر؟؟؟؟؟؟؟؟؟؟؟؟؟؟؟
انا دخلت منتدي الابيزا عشان بدور لواحد صاحبي علي حاجة هنا ولكن عربيتي لانسر
لو كلامك مظبوط يا ريت تقارن بينهم بشكل عملي من حيث امكانيات المحرك ومرونة العفشة وسهوله صيانه السيارة وتوافر قطع الغيار وأشدد علي توافر قطع الغيار دي وصالون العربية والاهم من ده كله نسبة خسارتك في حالة اعادة البيع كذلك سهوله البيع
يا عم حاتم مينفعش تقارن قرد بطاووس

[MaXx]

المشاركة الأصلية كتبت بواسطة shooter123 اية يا حج حاتم اللي بتقوله ده؟ ابيزا ايه اللي احسن من اللانسر؟؟؟؟؟؟؟؟؟؟؟؟؟؟؟ انا دخلت منتدي الابيزا عشان بدور لواحد صاحبي علي حاجة هنا ولكن عربيتي لانسر لو كلامك مظبوط يا ريت تقارن بينهم بشكل عملي من حيث امكانيات المحرك ومرونة العفشة وسهوله صيانه السيارة وتوافر قطع الغيار وأشدد علي توافر قطع الغيار دي وصالون العربية والاهم من ده كله نسبة خسارتك في حالة اعادة البيع كذلك سهوله البيع يا عم حاتم مينفعش تقارن قرد بطاووس

لا لا لا يا Shooter ما تشتمش الانسة ايبيزا ,,, كمان في بيتها ؟؟؟؟


مش عارف اقولك ايه ولا ايه من كتر الكلام يا Shooter ( بالمناسبة الفيلم اللي بنفس الاسم حلو فعلا )

بداية الكلام ,,, المصريين هما اللي عملوا من اللانسر طاووس ( او حتي فرخة بكشك ),,, و الايبيزا الجديدة ما ينفعش تقول عليها قرد ,,, و القديمة لو قرد ماكانتش انتشرت

اول حاجة انت عايز تقارن بين اللانسر القديمة و الايبيزا الجديدة ولا اللانسر الجديدة و الايبيزا الجديدة ؟؟؟

1 - الايبيزا الجديدة مثلا 5 نجوم اختبار الحوادث ,,, يعني ترق في حيطة و انت ماشي علي 100 و لا يحصلك حاجة ,,, علي الجانب الاخر ,,,اللانسر قبل 2009 اقل في الامان في حين ان موديل 2009 حاصل علي 5 نجوم ايضا ( يعني الجديدة زيها ) في اختبارات الامان ( و برضو الناس عندنا مش بتحب الشكل الجديد طبعاً و بيفضلوا البومة

2 - الايبيزا الجديدة تحتوي علي ناقل حركة DSG 7 سرعات امامية بيدي قدرة افضل علي التسارع و استهلاك بنزين اقل ,,, في حين ان اللانسر سواء قديمة او جديدة مش هيبقي فيها التكنولوجيا دي ,,, ( كنت قريت كلام ان ال DSG بيساوي 30 حصان اضافي في التسارع ,,, بس حاسس انه زيادة عن الحقيقة ,,, و لكن يظل افضل في التسارع )


3 - الثبات علي السرعات العالية تحتوي الايبيزا الجديدة علي ESP و ده يعني ABS , EBD , TCS , Hill hold assist يعني اكثر ثبات علي السرعات العالية ,,, اللانسر اللي عندنا علي الاقل مفيهاش الكلام ده تماما بالكتير اوي الفئة ال Sport بيبقي فيها ABS , EBD زي ما هو موجود في عربيات صيني جديدة برضو ,,, ال ESP موجود في العربيات اللي فيها ثبات قوي علي الطريق ,,, يعني اللانسر باي في الحتة دي

4 - توافر قطع الغيار الايبيزا موجودة برضو في البلد يعني متوفرة ,, بس مش عند البقال زي اللانسر و الفيرنا و اللانوس (علي رأي الاعلان بتاع سبرايت ) يعني اللانسر انتشار اكتر لقطع الغيار

و ليا تعليق صغير هنا ,,, و ايه يعني لما ابقي عارف محلين ولا 3 عندهم طلبي كفاية ,,,

5 - قطع الغيار ,, لما التكنولوجيا اللي في العربية تزيد ,, هتزود الامان و الثبات و علي الجانب الاخر سعر قطع الغيار بيزيد في الاجزاء التكنولوجية ,,و برضو الايبيزا قطع غيارها مش غالية و من هنا فرق سعر قطع الغيار مش هيبقي كبير علي فكرة ,,,

6 - الاداء ,,, جرب شد بعربية ستوك جديدة 1500 سي سي لانسر مع ال 1600 الجديدة DSG ولا بلاش لا تقول اني بظلمك ,,, شد بال 1600 البومة مع ال ايبيزا الجديدة DSG و ابقي قولي انت علي النتيجة

7 - الشكل ,,, نسبي طبعا بس اراء الناس ان الايبيزا الجديدة شكلها تحفة و هيديها دفعه في السوق المصرية ,,, علي الجانب الاخر اللانسر الجديدة 2009 مكروهه بعض الشئ و بيفضلوا عنها الشكل القديم ( و انا مختلف معاهم في الموضوع ده )

8 - الوجاهه و الشياكة --- العربية برضو في الاول و في الاخر مظهر ,,, و المظهر الشئ الشعبى فيه بتقل قيمته او علي الاقل بيبقي عادي ,,, انما اللي مش شعبى بيبقي حلو و بيخطف الانظار

ناقص ايه تاني ؟

9 - سعر اعادة البيع ( اعوذ بالله من ده سبب ) كتير اتكلمت عن السبب ده و انه خارج تقييمي الشخصي للعربية لاسباب الاتية :

أ - ان بنزول سعر الجمرك المستمر للسيارات الاوروبية هيضطر ينزل سعر العربيات الاسياوية و غيرها علشان يحافظوا علي الميزة التنافسية اللي خليتهم اصلا يبيعوا

يعني العربية الاوروبى اللي سعرها النهاردة 100 الف ,,, بعد عشر سنوات هيبقي سعرها 60 الف و سلملي علي الياباني و الصيني و الكوري اللي مفيش اتفاقية الجمرك معاه و بالتالي سعره هيبقي اعلي من الاوروبى

( الاوروبيون قادمون و بقوة )

و بما ان الزيرو سعره هيتنفض في خلال ال 10 سنوات لحد ما هينزل بنسبة 40 % اللي هي قيمة الجمرك يبقي كل المستعمل سعره هيبقي مش في الارض ,,, ده هيبقي تحت التراب

ب - المصريين اغلبهم بيجيب العربية و بتعد معاه اكتر من 5 سنوات و في اللي ما بيغيرش خالص لحد ما العربية تموت منه و لو ماتت يغيرلها كل حاجة بس ما يغيرهاش

و بعد 5 سنين ,,, اي عربية سعرها هينزل و القرق اللي حضرتك بتتكلم عنه في ان العربية ماسكة في سعرها مش هيبقي مرعب في زمنها يعني


10 - الصالون و الوسع ,,, اكيد انت عارف ان ما ينفعش تقارن في الموضوع ده بين هاتشباك و سيدان ,,, لان اللي عايز هاتشباك مش هيبص علي النقطة دي ,,, و اللي عايز سيدان مش هيبص علي الايبيزا حتي لو التقفيل بمية الدهب ( اعتقد في الحالة دي ممكن يفكر )

اخيرا,,, الايبيزا الجديدة واكلة دماغى اصلا بكل الامان و التكنولوجيا اللي فيها هي عيبها الوحيد التابلوه بتاعها مش حلو اوي بس ممكن يبقي حلو لو الجزء بتاع التكيف يبقي التتش مش البكر ,,, زي الصورتين دول




_________________________ ____________________


انا اسف لو كان كلامي في اي طابع هجومي بأكد من هنا اني ما اقصدوش ,,, انا بدافع عن فكرة مش اكتر <<<

[fezo]

كلام رائع Maxx
انا اساسا بموت فى حاجة اسمها ابيزا(و الهاتش باك عامةو الألمانى)
شكلها امكانياتها ثباااتها
دلعها

[shooter123]

الاخ Maxx والله ردك روعه الروعه وان كان اختلاف انواع سياراتنا لا يفسد للود قضية
بجد تحليلك رائع ومدعم بالصور والاراء العملية بس في حاجة
الواحد فينا لما بيشتري عربية ( بعد رحلة معاناه ) كلنا عارفنا ومرنا بيها بتبقي عربيته تقريبا زي بنته وبما انها زي بنته بيبقي القرد في عين امه غزال وبالتالي رغم كل كلامك واحصائياتك الللي قلتها تفضل اللانسر معشوقتي الاولي ولو نزلت منها مستحيل اركب غير الماني
ردك جميل ولك مني افضل تحية