الميكانيكى بيقولى ان العربيه متلته

[zing0]

يا باشا أياً كان المسمى : عمرة - نص عمرة - شنبر المهم إن الميكانيكى فتح المكنه و بص عليها من جوه و إتأكد من الكبس و هو ده الصح بعينه, و لو شاف إنها محتاجه أى حاجه تتغير غير الشنابر كان عملها أكيد.

ثانياً بالنسبه للبستم إللى مش شغال ده
لو حضرتك عارف أنهو بوجيه يبقى كده تركز شغلك عليه
لو متعرفش يبقى تفك سلك البوجية الأول و تقربه من جسم الموتور من بره و تشغل المكنه, المفروض لو شغال هتشوف شرارة خارجه منه لجسم المكنه, لو شغال ركبه تانى مكانه, و جرب باقى البوجيهات بنفس الطريقه لحد متعرف البوجيه إللى قاطع.

تفك السلك بتاعة خالص (من البوجية و الإسبراتير) و تقيسه بأفوميتر أو تجرب بيه لمبه (تتأكد إن السلك مش مقطوع من جوه و إنه شغال تمام)
لو شغال تمام يبقى تتأكد من البوجيه نفسه, هتفك البوجيه و تتأكد إن سن البوجيه نضيف (مفيش عليه زيت أو كربون كتير)
و ترجع تركبه و تحكم السلك تانى.

غالباً السلك هو المشكله, و رأيى تغير طقم السلوك بنوع نضيف و يكون السلك بتاعه محّمل, هيفرق معاك جامد و ثمنه مش غالى 25/30 ج بالكتير (سلك عادى)

أفضل نوع أسلاك بوجيه إسمها سبليت فاير بس دى للسيارات الرياضية و إللى بتركب ديفل و ... و طبعاً سعره غالى جداً.

[محمد صالح - المحامى]

هى بتعمل اية معاك بالظبط
علشان انا متبهدل بسبب الموضوع دة
والعيب ممكن يكون ان الزيت زيادة وهو الى بيبهدل البوجيهات فى فترة قليله
وممكن يكون فى حاجة من قطع الغيار مضروبة وانت بتعمل طقم الشنبر

[eng.ahmed anwar]

انا هجرب حوار السلك دا واقولكوا بس لما الجو يتحسن شوية ^_^

[MohammedAladel]

أريدك بعد فترة وجيزة من استخدام البوجيهات بفكها مرة أخرى والوقوف على إذا ما كانت سليمة أم ملوثة بالزيت لمعرفة حالة المحرك

وبالنسبة للعضو الفاضل zingo حضرتك تقول الميكانيكى له رؤية ثاقبة يعلم ما يحتاجه المحرك فلماذا لم يستطع إصلاح السيارة ومازالت معطوبة حتى الآن !

وكيف له يختبر كبس المحرك وهو مفكوك ! وأعتقد أيضا أن الميكانيكى العادى المصرى لا يمتلك من أدوات الاختبار والقياس ما يكفل له الحكم على مدى كفاءة أجزاء المحرك الداخلية بالضبط لأن ال 0.1 مللى يفرق فهو يرمى حمله على الخراط
وهل تعلم أن لكل محرك كتالوج إصلاح خاص به ؟ ونسب برى وخراطة خاصة به عند عمل العمرة
وأن جوان وش السلندر بعد عمل مسح مكانه يكون مصنوع خصيصا مطابقا لمقدار المسح الذى تم
كل هذا لا يعنى الميكانيكى أو قل أنه لا يعلمه أساسا
لذلك العمرة الكاملة حتى لن تتم كما يجب إلا لو كان كل قطع الغيار الداخلية جديدة وإذا كان المحرك من النوع الذى يقبل تغيير الإسطوانة نفسها وقتها تستطييع عمل عمرة سليمة !

وإسأل نفسك هل معقول أن يتهالك الشنبر ويظل المكبس ( البستون ) سليم هذا لا يحدث إطلاقا

وإسأل أى ميكانيكى محترف فى توكيل محترم سيقول لك أنه فى التوكيل لا يصلح تغيير الشنبر فقط عند فك المحرك

هل تعلم أن سير الكاتينة يجب شده مرة واحدة فقط بمعنى آخر إذا قمت بتركيبه اليوم ثم قمت بفكه بعد أسبوع لسبب ما يجب تغييره بآخر جديد ! طبعا هذا لا يحدث على أرض الواقع ومن منا سيفعل هذا ويرمى نقوده الأرضه ولكن هذا الصحيح كما وصى به الخبراء !

بناءا على كل هذا إذا قربت تكلفة المحرك الاستيراد من تكلفة العمرة الكاملة المحرك الاستيراد أفضل بالتأكيد لأنى شخصيا لا أقتنع بأنه يوجد ميكانيكى فى مصر ومخرطة تستيطيع إرجاع المحرك كما كان مع العلم أن أغلب المحركات مصممة لإحيائها 3 مرات أى عمل 3 عمرات ولكن أين قطع الغيار الأصلية والميكانيكى المثقف الذى يعمل لك عمرة كما قال الكتاب ؟

[zing0]

وبالنسبة للعضو الفاضل zingo حضرتك تقول الميكانيكى له رؤية ثاقبة يعلم ما يحتاجه المحرك فلماذا لم يستطع إصلاح السيارة ومازالت معطوبة حتى الآن ! وكيف له يختبر كبس المحرك وهو مفكوك ! وأعتقد أيضا أن الميكانيكى العادى المصرى لا يمتلك من أدوات الاختبار والقياس ما يكفل له الحكم على مدى كفاءة أجزاء المحرك الداخلية بالضبط لأن ال 0.1 مللى يفرق فهو يرمى حمله على الخراط وهل تعلم أن لكل محرك كتالوج إصلاح خاص به ؟ ونسب برى وخراطة خاصة به عند عمل العمرة وأن جوان وش السلندر بعد عمل مسح مكانه يكون مصنوع خصيصا مطابقا لمقدار المسح الذى تم كل هذا لا يعنى الميكانيكى أو قل أنه لا يعلمه أساسا لذلك العمرة الكاملة حتى لن تتم كما يجب إلا لو كان كل قطع الغيار الداخلية جديدة وإذا كان المحرك من النوع الذى يقبل تغيير الإسطوانة نفسها وقتها تستطييع عمل عمرة سليمة ! وإسأل نفسك هل معقول أن يتهالك الشنبر ويظل المكبس ( البستون ) سليم هذا لا يحدث إطلاقا وإسأل أى ميكانيكى محترف فى توكيل محترم سيقول لك أنه فى التوكيل لا يصلح تغيير الشنبر فقط عند فك المحرك هل تعلم أن سير الكاتينة يجب شده مرة واحدة فقط بمعنى آخر إذا قمت بتركيبه اليوم ثم قمت بفكه بعد أسبوع لسبب ما يجب تغييره بآخر جديد ! طبعا هذا لا يحدث على أرض الواقع ومن منا سيفعل هذا ويرمى نقوده الأرضه ولكن هذا الصحيح كما وصى به الخبراء ! بناءا على كل هذا إذا قربت تكلفة المحرك الاستيراد من تكلفة العمرة الكاملة المحرك الاستيراد أفضل بالتأكيد لأنى شخصيا لا أقتنع بأنه يوجد ميكانيكى فى مصر ومخرطة تستيطيع إرجاع المحرك كما كان مع العلم أن أغلب المحركات مصممة لإحيائها 3 مرات أى عمل 3 عمرات ولكن أين قطع الغيار الأصلية والميكانيكى المثقف الذى يعمل لك عمرة كما قال الكتاب ؟

كلام حضرتك نظرياً سليم 100%
بس واقعياً بيتم تغيير الشنبر فقط مادامت الشمايز سليمة مفيهاش تجريح أو إتبرت لتغير قطرها
بالنسبة للبساتم دى أصلاً جسمها لا يتصل بالشمايز مباشرة و لكن الشنابر بتكون فيها زى سوسته علشان تحكم الكبس و تبعد جسم البستم عن غرفة الحريق (و تقلل الإحتكاك)
و أكيد أكيد مفيش عمرة هترجع المكنه إستاندرد, بس على الأقل بتحسن الكبس بدرجة كبيرة بعد تغيير الشنبر المتآكل بشنبر جديد.
بالنسبة لمشكلة صاحب الموضوع فى الحريق, و دى غالباً بتكون بسبب أسلاك البوجيهات أو البوجيهات نفسها.
أنا معاك إن تقريباً كل الميكانيكية معندهومش بياكوليس و بتاع قطع الغيار برضه ميعرفوش بس الميكانيكى الخبرة بيستخدم الضوء العادى بعد كبس البستم علشان يتأكد من تمام الكبس (مفيش ضوء فى جوانب الشنبر لو أضاء لمبه وراه)
و نفس الكلام للمكنه الإستيراد, مستعملة و متعرفش من جوه عامله إيه, لذلك ناس كتير بتفضل تعملها طقم شنبر أول متجيبها.

الخلاصة: كلام حضرتك علمى و دقيق بس مبيحصلش فى مصر
و شغل الميكانيكية قد يكون للتحايل على قلة الإمكانات و الإجهزة و العلم الدقيق, بس للأسف لا يوجد حل آخر غير شراء مكنه جديدة و دى طبعاً سعرها Too high in the sky



دى صورة للبياكوليس