ايه رايك

[فادى]

شاهين 1600 انجيكشن موديل 2006.
مميزاتها :
محرك عصبى و متجاوب و تسارع مذهل, ثبات جيد فى المنحنيات, اعتمادية عالية و متانة أكثر من ممتازة, قطع غيار متوفرة, ممتعة فى القيادة, شكل رجولى و هجومى.
العيوب :
الثبات على الطرق السريعة منقوص, السرعة القصوى 175 كلم/ساعة فقط بالتجربة, لأن علبة التروس ذات نسب قصيرة, المقصورة بها بعض المواد عديمة الجودة خاصة الكونسول الوسطى.

[tag_turbo0]

انا معايا بروتون ويرا 1300 سي سي موديل 2004
العربية دى أكبر ميزه فيها الثبات بتعها بسم الله ما شاء الله وأوسع من عربيات كتير واستهلكها فى البنزين أكتر من ممتاز
أكبر عيب انها واطية على الارض وده يعتبر عيب فى بلدنا بس المفروض انه ميزه
كمان لما بشغل التكييف بيأثر شويه على الأداء بس فى ميزه ان التكييف درجتين كمبرسور يعنى ممكن تشغلة على الدرجه الاولى وميأثرش على الاداء أوي
أكتر حاجه مضيقاني فى العربية دي أكصدمتها من النوع الناشف يعني بتاخد الخبطه وتلاقيها اتفشفشت بس جامده فى نفس الوقت ومفيش حاجه بتوصل للصاج خالص

[mahmoudnada80]

المشاركة الأصلية كتبت بواسطة hazem_khidr متشكرين يا محمد علي الموضوع الحلو دا و بيفتح باب للمناقشه بس يا ريت بعد اذنك مشرف القسم يغير العنوان و يبقي ايه رأيك في عربيتك ؟ علشان يبقي جذاب شويه و يدل علي مضمون الموضوع. .................. نيجي لموضوعنا بقي انا حتكلم في المشاركه دي عن العربيتين اللي معايا دلوقتي و ان شاء الله في مشاركات تانيه حقول رأيي باتصار في معظم العربيات اللي امتلكتها قبل كده. اول عربيه ميتسوبيشي لانسر 98 لسه شاريها بقالي حوالي شهر و نص بسم الله ما شاء الله مريحاني جدا يعني لقيت فيها حاجات مالقيتهاش في عربيات كتير اول حاجه القاعده الواطيه اللي رجلي تبقي فيها مفروده بتخليك حاسس بالطريق والعربيه اكتر و كمان الكونسول واخد شمال شويه ناحيه السواق بحب الوضعيه دي اوي بيعجبني فيها الشكل الهجومي شويه اصلي بحب العربيه الشرسه هههههههه الضهر العالي و الوش الواطي و الملامح الحاده اللي مافيهاش دواير كتير بصراحه بحب شكلها اوي حاليا موتورها حلو برضه و تاديته معقوله بالنسبالي غير ان قطع غيارها رخيصه و متوافر منها اوريجنال و ياباني و صيني يعني لو معاك اي مبلغ حتصلحها حتصلحها !!!!!!!!!! الفرامل بتاعتها ممتازه و التحكم فيها حلو مش مرهقه يعني لما بشوف نقره في الارض علي بعد قريب بفاديها بمنتهي السهوله بفضل الدركسيون الدقيق من عيوبها انها واطيه شويه و دا بيساعد في الثبات بس لو واحد مليان او اتنين ركبوا ورا لازم اخد اي مطب بالعرض التابلوه بتاعها عداداته قليله مافيهاش حتي RBM و دا خانقني اوي و بفكر اجيب لوحه عدادات فيها RBM و اركبها بس مستني شويه . بصراحه حاسس ان العربيه دي حتبدأ تنافس ال 132 ال 2000 في حبي ليها !!!! العربيه التانيه اللي معايا و هيا تويوتا ياريس من اول ما شوفت صورتها في مجله ايام ما كنت في الامارات و قولت العربيه دي حتبقي بتاعتي شكلها هجومي برضه و كانت شكلها جديد و كان معايا ايكو هناك ومكنتش بحب شكلها بس انا كنت مستلمها من الشركه اللي انا كنت فيها المهم لما نزلت مصر لقيت ابن خالي شاري واحده منها و بعدين ربنا كرمنا و حبينا نجيب عربيه تانيه و فاضلت بين 10 عربيات و في الاخر اخترنا الياريس برضه!!! الشكل عجبني و الموتور اللي مجربه في الكورولا برضه عارف انه موتور صح الصح و مشاكله قليله المهم جبتها و جربتها عجبني فيها انها ما تحسسكش باي حاجه تدور العربيه و تمشي و مالكش دعوه بحاجه بتدلعني علي الاخر يعني ههههههه الباور بتاعها كهربا و تحفه الصراحه و سحبها جميل مووت لدرجه اني جبت بيها 200 بسهوله و جبت بيها علي الاول 60 و التكييف كان شغال كمان!!!!!!!!!!!!!!!!! اللي بيضايقني فيها ان التابلوه بتاعها بحسه فاضي ما فيهوش زراير كتير !!! و ابعادها صعبه لكن بالتعود بتيجي و بتتحكم فيه ا بسهوله اللي مضايقني ثباتها مع الفرامل مع الفرامل الجامده بتلاقي ضهر العربيه ممكن يلعب بطريقه بسيطه و دا الحل بتاعه انك تغير الكاوتش بكاوتش اعرض و ارتفاعه اقل و دا اللي ناوي اعمله لما اغير الكاوتش ثباتها العام معقول لكن ما تحاولش تاخد بيها ملفات فوق ال 140 علشان حتحس انها بتفقد ثباتها بس في المقابل بتاخد راحه لا مثيل لها في المطبات لدرجه تخليك تمشي بيها بسرعه و ما تحسش بحاجه و تبقي مستمتع

شكرا علي التفاعل
علي فكره انا شفت RPM تحفه ب175 جنيه في شارع التوفيقيه بس شكله حكايه
بالنسبه لموضوع الحدفه الي مع الفرامل ده مش طبيعي

[mahmoudnada80]

المشاركة الأصلية كتبت بواسطة فادى شاهين 1600 انجيكشن موديل 2006.

المشاركة الأصلية كتبت بواسطة فادى مميزاتها : محرك عصبى و متجاوب و تسارع مذهل, ثبات جيد فى المنحنيات, اعتمادية عالية و متانة أكثر من ممتازة, قطع غيار متوفرة, ممتعة فى القيادة, شكل رجولى و هجومى. العيوب : الثبات على الطرق السريعة منقوص, السرعة القصوى 175 كلم/ساعة فقط بالتجربة, لأن علبة التروس ذات نسب قصيرة, المقصورة بها بعض المواد عديمة الجودة خاصة الكونسول الوسطى.

ptmnlo123per122ربنا يحفظها ويكفيك شرهاptmnlo123per122

[ابو يمني]

انا راكب سوزكي سوفت 94 العربية حلوة وقطع غيارها متوفرة ورخيصة والعربية حلوة في السفر بس ثباتها خفيف شوية علي السرعة بس اتغلبت علي المشكلة دي بجنوط 15 وفي مشكلة ثانية ان سحب العربية بيضعف مع التكييف وبتستهلك بنزين لكن من غير التكييف سحب تمام واستهلاك بنزين ممتاز والتابلوة بتاعها شكلة كويس وصالونها واسع ومريح وشغالة ببنزين 80 كمان ومع ذلك سحبها كويس جدا