مقبل على صيانة 30000 كم و محتار أروح التوكيل ولا لأ

[melsheshtawy]

أنا بقى ليا رأى مختلف عن كل الزملاء اللى شاركوا
أنا رأيى توكل على الله وإعمل الصيانه بره التوكيل وده للأسباب الآتية
1. من خلال 6 زيارات ليا فى التوكيل إكتشفت إنهم بيتعلموا فى العربية ولا ليهم أى ميزة ف التعامل
2. إحتفاظك بالضمان ليس له أى معنى لأن عند حدوث مشكله هيكون حضرتك السبب من وجهه نظر التوكيل حتى لو ماليكش فيها خالص (هديلك مثال صغير أنا عوامة البنزين عندى بتقرا غلط من 17 ألف كم ودى طبعا مافيهاش أى شبهة سوء إستخدام منى خالص راحوا البهوات بتوع التوكيل طلعونى حط بنزين بتراب من النوع الردئ وعملولى توصية بتفريغ 50 لتر بنزين وغسل التنك - ماذا وإلا تبقى مصر تمشى فى نفس السكة الغلط) وفى الآخر بوظوا العوامة زيادة عن ما كانت لدرجة العربية بقت تقطع بنزين والمؤشر على النص
3. الصيانة مهما كانت تافهة هتدفع فيها مش أقل من 80 جنيه زيادة عن برة مابين مصنعيات وضريبة وطبعا الرقم ده لوجمعتوا على بعضة مرة على مرة حتى لو حاجه باظت وغيرتها هتبقى موفر تمنها مسبقا (مثال عندى العوامة بالطرمبة ب400 جنيه لو أنا وفرت التوكيل 5 مرات كنت لميتهم وجبت واحده ووفرت لمشاوير رايح جاى والقعدة 7 ساعات عشان أغير زيت)
4. جميع من معة العربية تم توصيته بتغيير تيل وطمبورة على ما لا يزيد عن 25 - 30 ألف كم وده معناه إن التيل نوعة سئ جدا جدا وإصرارك على التغيير فى التوكيل معناه إن دى هتبقى عاده عند حضرتك تغيير تيل وطمبورة وده مبيحصلس فى أى عربية تانية حتى الفيات التعبانة (تغيير الطنابير ممكن تصادفة مره كل 7 - 10 سنوات)
إذن الخلاصة وفر فلوسك ووقتك وإمل شغلك صح برة مرة واحده وإعفى نفسك من حرقة الدم بتاعت إن أى حاجه هتبوظ عندك هتبقى ضمانها آخرة قبل الرقم إللى حضرتك عاملة ب5 آلاف كم
ودى خبرة لناس قالوا الكلام ده إن معرفش إيه ده ضمانه 20 بس وده ضمانه 30 بس وهكذا وممكن برضة حد من إللى إتعرض للمواقف دى يفيدنا برأيه مرة تانية فى الموضوع ده
وأخيرا أنا قبل منصحك بكده بدأت بنفسى وعملا صيانه ال25 برة وإشتريت دماغى ووفرت فلوسى

[sherifabden]

بصراحة انا اكتر حاجة بحبها اني اعمل الصيانة لوحدي وخصوصا لما يكون التوكيل سئ زي توكيل البي واي دي
وثانيا متخفش من موضوع الضمان
انا عمري ما سمعت ان في عيب صناعة خطير ظهر في الاف ثري
واي حاجة تظهر حلها سهل جدا

[lonedoctor]

المشاركة الأصلية كتبت بواسطة melsheshtawy أنا بقى ليا رأى مختلف عن كل الزملاء اللى شاركوا أنا رأيى توكل على الله وإعمل الصيانه بره التوكيل وده للأسباب الآتية 1. من خلال 6 زيارات ليا فى التوكيل إكتشفت إنهم بيتعلموا فى العربية ولا ليهم أى ميزة ف التعامل 2. إحتفاظك بالضمان ليس له أى معنى لأن عند حدوث مشكله هيكون حضرتك السبب من وجهه نظر التوكيل حتى لو ماليكش فيها خالص (هديلك مثال صغير أنا عوامة البنزين عندى بتقرا غلط من 17 ألف كم ودى طبعا مافيهاش أى شبهة سوء إستخدام منى خالص راحوا البهوات بتوع التوكيل طلعونى حط بنزين بتراب من النوع الردئ وعملولى توصية بتفريغ 50 لتر بنزين وغسل التنك - ماذا وإلا تبقى مصر تمشى فى نفس السكة الغلط) وفى الآخر بوظوا العوامة زيادة عن ما كانت لدرجة العربية بقت تقطع بنزين والمؤشر على النص 3. الصيانة مهما كانت تافهة هتدفع فيها مش أقل من 80 جنيه زيادة عن برة مابين مصنعيات وضريبة وطبعا الرقم ده لوجمعتوا على بعضة مرة على مرة حتى لو حاجه باظت وغيرتها هتبقى موفر تمنها مسبقا (مثال عندى العوامة بالطرمبة ب400 جنيه لو أنا وفرت التوكيل 5 مرات كنت لميتهم وجبت واحده ووفرت لمشاوير رايح جاى والقعدة 7 ساعات عشان أغير زيت) 4. جميع من معة العربية تم توصيته بتغيير تيل وطمبورة على ما لا يزيد عن 25 - 30 ألف كم وده معناه إن التيل نوعة سئ جدا جدا وإصرارك على التغيير فى التوكيل معناه إن دى هتبقى عاده عند حضرتك تغيير تيل وطمبورة وده مبيحصلس فى أى عربية تانية حتى الفيات التعبانة (تغيير الطنابير ممكن تصادفة مره كل 7 - 10 سنوات) إذن الخلاصة وفر فلوسك ووقتك وإمل شغلك صح برة مرة واحده وإعفى نفسك من حرقة الدم بتاعت إن أى حاجه هتبوظ عندك هتبقى ضمانها آخرة قبل الرقم إللى حضرتك عاملة ب5 آلاف كم ودى خبرة لناس قالوا الكلام ده إن معرفش إيه ده ضمانه 20 بس وده ضمانه 30 بس وهكذا وممكن برضة حد من إللى إتعرض للمواقف دى يفيدنا برأيه مرة تانية فى الموضوع ده وأخيرا أنا قبل منصحك بكده بدأت بنفسى وعملا صيانه ال25 برة وإشتريت دماغى ووفرت فلوسى

الكلام اللى حضرتك قولته ده انا اكتشفته بدرى بدرى ومن صيانة 15 الف وانا باعمله بره
ربنا يخلى الاسطى نبيل الذ حاجة فيه انه ورشته تحت البيت يعنى لا باروح ولا باجى وشغل 100%
تقبل تحياتى

[gad_fcis]

متشكر جداً لكل الاعضاء على ردكم الكريم ، و كدا الكفة بتميل ناحية اني أعمل الصيانة برة التوكيل ، نيجي بقى للسؤال التاني ، اعملها فين ؟؟؟؟؟ يعني أنا ساكن في القاهرة الجديدة و بروح مدينة نصر و مصر الجديدة و حدائق القبة ، أنا أسمع إن فيه واحد في الزاوية الحمرا كويس بس مش عارف هيبقى عارف في كل حاجة في العربية ولا إيه ؟؟ و لو احتجت قطاع غير هيبقى سهل اني اجبها من جانبه ؟؟؟ يعني بإختصار يا جماعة أنا محتاج واحد يكون كويس أعمل عنده الصيانة و واحد تاني بتاع قطع غيار


أنا أسف اني بتعبكو معايا و بطول عليكم

[lonedoctor]

ممكن حضرتك تيجى عندنا فى صقر قريش منزل الدائرى العمارة التانية على الشمال 232 ب الاسطى نبيل وقوله انا من طرف د.شريف جارك اللى فى العمارة اللى جنبك بس المشكلة بيبقى زحمة وعليه ضغط ربنا يعينك ولا يتعامل الا فى السيارات الحديثة فقط وعنده ماشاء الله ونش رفع زى اللى فى التوكيل
تقبل تحياتى