الحوار مع الاخوان

[ahmed_harb777]

المشاركة الأصلية كتبت بواسطة AbOnOrA السؤال الاول وهو سؤال شائع بيقولهولك كل اخوانى عايز يستعطفك ويحسسك انك معمولك غسيل مخ وان الاعلام والمفسدين فى الارض والشواذ والى واللى مبوظين دماغك بتشوية الاخوان وشيطنة ما يطلق عليه زوراً وبهتاناً بالتيار الاسلامى فى حين انهم اطهر ناس وانقى ناس وتاريخهم كله كفاح وتضحيات دفاعاً عن الاسلام وقضايا الامة الى اخرة فيقولك مثلاً تعرف ايه عن الاخوان ؟ مين قالك ان تريخهم دموى ؟ مين ضحك عليك وقالك انهم دعاة عنف ؟ وغيرة ما اختلاف الصياغة والمعنى واحد وانا برد بالاجابة بالرغم من لجوء الاخوان للعنف اصبح واقع نعيشة جميعاً الان الا ان التاريخ يشهد على استخدامهم للعنف ضد من يختلف معهم سواء كان الاختلاف فكرى او سياسى بل ويعتبرو اول من استخدم العنف من الجماعات الاسلامية فى مصر عبر تاريخها كله وعلى سبيل المثال = فبراير 1945 أغتيال (( أحمد ماهر )) على يد العيسوى 1945 = 6 مايو 1946 (( نسف سينما ميامى بمناسبة عيد جلوس الملك فاروق على العرش )) = 6 مايو 1947 ((نسف سينما مترو .. و سينما الكوزمو .. وسينما ميتربول )) = 17 فبراير 1948 (( أغتيال الملك يحى .. ملك اليمن )) ؟؟؟؟؟ = 6 مارس 1948 (( أغتيال القاضى أحمد الخازندار ))(ملحوظة تبرأ من دمة البنا والسندى قائد الجناح العسكرى فمن قتلة اذن) = 4 أبريل 1948 (( جرائم الأوكار ... فى شبرا و روض الفرج و شارع السندوبى و وكر الجيزة )) = 20 يونيو 1948 (( المرة الأولى لتدمير حارة اليهود )) = ليلة 20 يوليو 1948 (( نسف شارع فؤاد )) = 13 أغسطس 1948 (( نسف محلات عدس و بنزايون )) = 23 سبتمبر 1948 (( المرة الثانيه لتدمير حارة اليهود )) = الساعه 2 ظهر يوم 5 نوفمبر 1948 (( حادث السيارة الجيب بالقاهرة )) = 12 نوفمبر 1948 (( نسف شركة الأعلانات الشرقيه )) = 28 ديسمبر 1948 (( أغتيال محمود فهمى النقراشى رئيس وزراء مصر )) = 5 مايو 1949 (( محاولة أغتيال أبراهيم عبد الهادى رئيس الحكومه و حامد جودة رئيس مجلس النواب )) = يوليو 1954 (( محاولة أغتيال جمال عبد الناصر بميدان المنشية)) = إلقاء قنبلة علي النادي البريطاني في ليلة عيد الميلاد 1945 م = نسف شركة الإعلانات الشرقية الخاصة باليهود آنذاك في 12 نوفمبر 1948 م = تعطيل سفينة يهودية في ميناء بورسعيد = نسف بعض المساكن في حارة اليهود بالقاهرة اودى بحياة 20 قتيلاً واصابة 61 وحادثة فندق الملك جورج = وضع قنابل غير متفجرة في ستة من أقسام الشرطة بالقاهرة في 26 نوفمبر 1946 وديسمبر من العام 1946 = اغتيال سليم زكى حكمدار القاهرة ديه عينة من جرائم الاخوان الدموية فى تاريخهم الاول قبل حل جماعة الاخوان الاول وقبل سقوط الملكية ما الاخوان اتحلت جماعتهم فى الملكية وفى ايام عبد الناصر وهكذا تقريباً نقدر نقول ان الاخوان كان ليهم نظام دورى يعنى بدأو فى الاول ايام الملك فاروق يمجدو فيه واعتبروه خليفة المسلمين والموضوع ده كان عاجبة فعلاً وبعدين انقلبو عليه وبعدين كانت علاقتهم متضامنه مع ثورة يوليو وعبد الناصر وبعدين قلبو عليه نفس الكلام مع السادات وهكذا طبعاً بعض الجرائم ديه الاخوان بيتنصل منها لكن اغلبها لا نكره الاخوان زى اغتيال الخازندار والجرائم فى حق اليهود واللى كانو بيبرروها بحجج انها جهاد شرعى فى سبيل الله ضد اعداء الدين والوطن !! وبالتالى اذا قارنا افعالهم دلوقتى مع تاريخهم السابق وحسبنا فى النص الجرائم الارهابية عموماً اللى ارتكبتها تنظيمات تانية لا تنتمى مباشرة للاخوان لكنهم تلاميذ ليهم فى نفس المدرسة الفكرية هنلاقى بدون شك ان الاجرام والارهاب واحد من اهم اساليبهم فى التعامل مع الخالفين ليهم سياسياً او فكرياً وللحديث بقية .....

طيب ماهو لو الحوار كله بالطريقه دي يبقي ليهم حق مايقبلوش بالحوار لان معظم التهم دي من غير دليل مادي

وعموما ان شايف ان لا الاخوان ولا المعارضه عاوزه تتحاور او تقعد علي طاوله المفاوضات

كل واحد عنده شروطه اللي مش عاوز يتنازل عنها

[AbOnOrA]

معلش يا جماعة انشغلت اليومين اللى فاتو عن استكمال الموضوع وبصراحة كمان كنت مجهز فايل مجمعة من الاسئلة اللى بتجيلى دائماً ومش لاقيه بس معلش نكمل من الذاكرة وهبدء بالردود على مشاركات الاعضاء هنا

لو افترضنا ان الاخوان فعلا عملوا الاحداث دي ( مع ان اغلبها في اوقات متوترة زي اليومين دول اللي محدش فاهم حاجة فيها و اي حد ممكن يلبس اي حد تاني مصيبة بدون اي دليل و افكرك بحمادة ) الاخوان اكتر من 100 الف قتيل في المعتقلات اكتر من 500 الف مسجون اكتر من 500 الف مهاجر مليارات تمت مصادرتها لانهم اخوان

الجرائم ديه تاريخية والواقع بياكدها وحقيقة مفيش تيار دينى فى العالم ايا كان دينة الا ما بيخرج منه ارهابيين ودعاة عنف وتكفييرين
اليهود فيه منهم صهاينة والمسيحين فيه منهم صليبيين والمسلمين كذلك ديه المفروض بديهيات يعرفها اى عاقل اهل للحوار الموضوعى
والمفروض ان اي تيار يحمل نفسه عبء التسمى بالدين وهو عبء ثقيل لو يعلمون يكون عندة ضمانات واليات لردع المتشددين لكن اللى بنشوفه ان الاخوان بيدعمو المتشددين لاستخدامهم ضد معارضيهم

انا بصراحة بستغرب من انكار بعض المنتمين للاخوان حديثاً او (المتأخونين) من موضوع عنف الجماعة ودمويتها ده وغيرها من التيارات اللى انشقت عن الاخوان
فى حين انهم لو مش بيقرو فى التاريخ حتى اكيد عاصرو بشكل او اخر اغتيال السادات وفرج فودة ونجيب محفوظ واحداث الاقصر وغيرها واخرها ما حدث على ابواب الاتحادية وما نسمعة الان من فتاوى تكفير واهدار دم !!!

لكن خلينا نتجاوز النقطة ديه وارد على النقطة التانية اللى كتير بيرددوها برضو وهى ان الاخوان اتظلمو كتير من النظام السابق سواء بالسجن او مصادرة الاموال وخلافة
واللى بيقول كدة انا مش عارف بالظبط يقصد ايه يعنى
هل قصدة انهم من حقهم ينقمو يعنى ؟؟
ولا كونهم تعرضو للاضطهاد فهم مرضى نفسيين يغفر لهم افعالهم ؟؟
ولا انهم علشان اصحاب حق فكان بيتم اضطهادهم !!!

طبعاً هيقول ايوه هى الاخيرة ديه

فاقوله لو ده منطقك يبقى الاولى ندور على الشيوعيين واليساريين اللى فى نفس الفترات ويمكن قبلها ذاقو الامرين على مر العصور بداية من ايام الملك لايام عبد الناصر والسادات وحتى ايام مبارك حصل معاهم نفس التنكيل والتعذيب وكل حاجة

فهل ده معناه انهم صح ؟؟
او انهم يستحقو الحكم واهل لية مكافئه على انهم اعتقلو واضطهدو ؟؟

منطق معلول للأسف لا يصلح الا لأستجداء تعاطف بسطاء الناس وابتزاز مشاعرهم
وده على فكرة اللى بيعملو الصهاينة بالظبط مع الغرب
بيستغلو انهم اضطهدو فى اوروبا عموماً وبالاخص على ايد هتلر علشان يحققو مكاسب سياسية وزى ما كلنا شايفين حكمهم اللى بيدعو انه ديموقراطى وعادل ماهو الا نموذج للتشدد الدينى والارهاب والعنصرية

[AbOnOrA]

طيب ماهو لو الحوار كله بالطريقه دي يبقي ليهم حق مايقبلوش بالحوار لان معظم التهم دي من غير دليل مادي

شوف سبحان الله نفس الكلام القتيل مقتول ودمة سايح ويقولك مفيش دليل مادى
يعنى عبود الزمر اللى طلعوة الاخوان وبيدعم مرسى وبيرهب معارضينة دلوقتى مفيش دليل مادى على انه قتل السادات والليبراليين والعلمانيين هما اللى قتلوة صح



طيب يا سيدى هما التيارات المدنية اصهلم مجرمين واعداء الدين تعالى نشوف اراء مشايخ فى جماعة الاخوان المسلمين

فتوى محمد ناصر الدين الألباني وهو امام عصرة فى الحديث واستاذ ابو اسحاق الحوينى
قال: "ليس صوابا أن يقال إن الإخوان المسلمين هم من أهل السنة لأنهم يحاربون السنة" []


وعلشان مطولش عليك ممكن تراجع الرابط ده
http://ar.wikipedia.org/wiki/%D8%A3%...85%D9%8A%D9%86

وممكن اطول لو تحب بس انت لو منصف هتعرف ان كبار مشايخ السلفية والحديث موقفهم من الاخوان كان واضح تماماً

وسبحان مغير الاخوان تلاقى دلوقتى مشايخ الفضائيات بقو يمدحو فيهم وده مش لان الاخوان اتغيرت عقديتهم او افكارهم الشاذة لكن لان الفئه ديه من السلفيه المتأخونة اختارت انها تشارك الاخوان فى اللهاث على الكراسى

http://www.youtube.com/watch?v=P1gWxmTn9R0

وطبعاً مقولكوش من ساعة من الاخوان ومن ولاهم ما ممسكو واحنا مهريين شريعة اهوه زى مانتو شافين





مطلعش شيخ واحد من اياهم استنكر المسخرة ديه باسم احزاب تدعى تمثيلها للاسلام !!
مطلعش شيخ واحد من اياهم استنكر الاجرام بتاع الحكومة ولا فشلها ولا تطبيقها لمخططات البنك الدولى الصهيونية اللى عايزة تجوع الشعوب ولا علاقتهم المشبوهه بقطر ولا ايران ولا امريكا ولا الكيان الصهيونى نفسه !!

علشان كدة زى ما بتقول الحوار لازم يفشل طالما مفيش استعداد للاعتراف باخطاء وتقصير كل طرف لكن الامل فى الشباب المخلص لبلدة واللى مش بايع دماغة وبيشغل مخة وصدقنى نفس الشباب دول بيكونو اول معارض لاخطاء التيار المدنى لكن على الجانب الاخر لا نرى الا السمع والطاعة

[AbOnOrA]

نموذج للحوار البناء انصح كل منصف انه يفضى نفسه الساعة ونص ديه ويسمعة كلة هيستفيد بجد

[محمد ابو سيف]

الله ينور عليك يا ابو نورا هوا دة خلاصة الوضع بين الفاهم وبين الحافظ وعلشان هما عارفين انهم حافظين مش فاهمين عملوا قناة الحافظ الى ليل نهار تبيح دم المسلمين