مصر للتامين ولا قناة السويس للتامين

[تامين سيارات]

المشاركة الأصلية كتبت بواسطة egyptawy يعنى بالنسبة لقناة السويس لا يتم التصليح فى التوكيل وبعدين ده العرض http://masrmotors.com/vb/showthread.php?t=4532

السلام عليكم ممكن اعرف عرض ايه و مين الى اداك العرض ده لانه سعر لايمكن يطلع ابدا الا فى عرض شركه و عرض كبييير اتاكد الاول من الكلام

ومين الى قال ان قناه السويس انت ما تقدرش تصلح فى التوكيل

[Tota El Masry]

بص الشركتين كبار و محترمين
عند أختي في الشغل مأمنين مصر للتأمين
و ناس كثير مأمنة قناة السويس و خصوصاً الناس إللي مقسطة تبع بنك ناصر

أدرس العروض
شوف الفرع الأقرب ليك
استخير ربنا - و لو شاكك أبعت لدار الإفتاء (أنا منتظرة ردهم على برنامج المعاش)
توكل على الله فهو حسبك مهما كانت الفتوى أو نتيجة الاستخارة مش على كيفك أتبعها

[احمد عدوي]

ياباشا العرض اللى انت عارضه في الرابط بتاعك
بتاع الاستاذ عمرو اللى هو اسمه تأمين السيارات ماشي
بس شوف الترايخ امتى يا باشا دا من 2009
احنا في 2012 دلوقتى السعر اللى انا ذكرته هو سعر قناة السويس دلوقتى
وبعدين كل شركات التامين مسموح انك تصلح في التوكيل
ولكن ايضا كل شركات التامين يتم خصم 10% في حالة الاصلاح في التوكيل
ولكن انا ذكرت ان قناة السويس عندها ورشة خاصة بها تصلح السيارات
وبتركب الحاجة الاصلية للسيارة الا استناءات ويتم تبليغها للعميل قبل العمل في السيارة
وقلت ايضا انه عند الاصلاح بالورشة لا يتم المحاسبة وصرف الشيك
بل تأخذ عربيتك بعد الاصلاح وتدفع اذا كان هناك نسبة تحمل فقط
اما في حالة الاصلاح في الخارج او التوكيل تحاسب ومن ثم تقدم فواتير للشركة ويتم صرف التعويض

[egyptawy]

المشاركة الأصلية كتبت بواسطة eman2205 بالنسبة لمصر للتأمين التعويضات بتتأخر فى حالة واحدة بس اذا لم يتم استيفاء المستندات المطلوبة و كمان شركة قناة السويس ممتازة جدا و ليها اسمها و العرض بتاع مصر للتأمين دة خاص بشهر رمضان فقط

استاذة ايمان هل العرض ده شامل بدون نسبة تحمل ؟
طيب باترى لو التامين بتحمل يبقى السعر كام ؟


وانا فى شبرا ايه اقرب الفروع لى ؟

وياريت حضرتك تقوللى اه الاجراءات والاوراق المطلوبة عشان التامين
علما بانى السيارة مرخصة من شهر تقريبا

[1alsakka]

نصيحتى قناة السويس افضل الاتى مامن مصر للتامين وحصل حادث على المحور والعربية قعدت اسبوع على ما المندوب يصور العربية ورفض نصف الحاجات الى التوكيل طلب يصلحها مع العلم انها مكتوبة فى محضر الشرطة وممكن تدخل على هذا الربط http://masrmotors.com/vb/showthread....n::fun_broken: