#6
|
|||
|
|||
رد: رينو داستر ولا نيسان قشقاى
لازم نقر ان الداستر أميز فى العرض و الارتفاع و التصفيح الحديدى و مساحات التخزين و انها 4x4 مع امكانية القيادة بها او تحويلها سحب امامى من خلال قرص فى الطابلوة نفس اللى فى النيسان x-trail و كمان عفشة النيسان ال x-trail - موتور الداستر متجرب و مغرق السوق المصرى لانة هو هو بتاع الرينو لوجان + فتيس 6 نقلات بيريح الموتور و يزود عزمة - العربية راسية جدا على الطريق بشهادة كل اللى جربها
القشقاى اميز فى شياكة الصالون - سقف بانوراما - اوبشن زى 2 تكييف و بلوتوث عجلة القيادة و زراير تحكم افضل من الداستر. الفرق بينهم 25 الف جنية - لو انت ح تشترى - تشترى مين؟ |
#7
|
||||
|
||||
رد: رينو داستر ولا نيسان قشقاى
لو انت ميال للاوبشنز و الشكل الداخلي يبقى هات القشقاي
لو انت ميال للاوبشنز البسيطة و الاداء يبقى الرينو
__________________
خف من عالبنزين |
#8
|
|||
|
|||
رد: رينو داستر ولا نيسان قشقاى
|
#9
|
|||
|
|||
رد: رينو داستر ولا نيسان قشقاى
كلام حضرتك مظبوط تماما - أزيد علية ان الداستر هى عفشة و تعليق و 4x4 النيسان x-trail , وطبعا مافيش شك ان تقفيل القشقاى اجمل فى كل حاجة بس أقل عفشة على ما اعتقد و سحب امامى فقط و أغلى بكتير - أنا عجبانى القشقاى جدا بس حاسس ان السعر عالى شوية عن المعقل اللى يخليك تشتريها و تسيب الداستر مع ان الداستر أميز فى المقاسات و العفشة و 4x4 او سحب امامى زى ما تحب بالاضافة لوجود المميزات الرئيسية لعربية كويسة.
هنا نتيجى صعوبة الاختيار بينهم. واللة لسة مش قادر اخد قرار ما بين الاثنين علشان ما اندمش. |
#10
|
||||
|
||||
رد: رينو داستر ولا نيسان قشقاى
طبعاً هو الاختيار صعب ..لكن هل جربت تروح المعرض وتركب وتعاين السيارتين على الطبيعه؟؟انا ركبت الداستر وعاينتها فى المعرض وعجبتنى ورايى الشخصى ان عيبها انك تحس انك راكب لوجان نفس التابلوه ومفاتيح التحكم فى الزجاج عباره عن زراير فى التابلوه ولايوجد كونسول بين الكراسى الاماميه ولا باكيتات ابواب ..يعنى فقر شديد فى الكماليات الشكليه يعوضه اداء قوى وكماليات مثل ABS,APD, جر رباعى اوثنائى حسب الحاجه او وعورة الطريق بس طبعا المحرك 1600 وهو محرك مشهود له من رينو ..ده انطباعى عن الداستر اما ال قاشقاى فانوى معاينتها على الطبيعه فى المعرض وان شاء الله اكتب انطباعى عنها ولو ان من البروشور وشكلها ان كماليتها اعلى واشيك....المهم ربنا يوفقك للاختيار الاصوب وتحكى لينا عن عربيتك اللى ان شاء الله يقع عليها الاختيار..
__________________
"اللهم أنصر الاسلام وأعز المسلمين" |
الكلمات الدليلية |
قشقاى, رينو داستر |
|
|