شغل المباحث فى التحكم الألكترونى بالسيارات

[samirayad]

الله يخليك يادكتور

ومتشكر على مرورك الطيب

[Komy]

جميل جدا التبسيط فى توصيل المعلومة.

الله ينور عليك

[samirayad]

شكرا لك

وهو ده المطلوب

تبسيط المعلومات بقدر الأمكان

من أجل الأفاده للجميع

[samirayad]

الأمر النهائى الصادر لمنفذات الأوامر بيكون بهدف التحكم فى زمن فتح الرشاشات

وكذلك التحكم فى وقت أرسال الفولت العالى للبوجيه المعين فى الوقت الملائم

تماما بهدف الحصول على حريق جيد

وده إللى بنسميه ( وقت أطلاق الشراره )

يعنى أمتى حنولع الكبريت ( شرارة البوجيه )

بالضبط لحرق المخلوط اللى فى أقصى حالات أستعداده للحريق

وبالتالى الحصول على أقصى قدره

_________________________ ___


نلخص بأه المجموعه دى من التقسيمات للحساسات ومنفذات أوامر التشغيل بأنواعها

VOLTAGE GENERATING SENSORS

حساسات مولده للفولت الكهربى

أنواعها

- PIEZO ELECTRIC ............مثل حساس التسقيف

- ZIRCONIA DIOXIDE .........مثل حساس الأكسجين

- MAGNETIC INDUCTANCE .....مثل حساس الكامه والكرنك


_________________________ _

RESESTORS ( مقاومات حراريه )

زى حساسات الحراره


________________________

SWITCH SENSORS ( حساسات مفاتيح صريحه )

أنواعها

- PHOTO TRANSISTORS & LEDS .....فوتو كبل

- SPEED SENSORS ......................... حساس سرعه فى نظام الABS


- G- SENSORS ...............حساسات الأيرباج

_________________________ _____

منفذات الأوامر

- STEPPER MOTOR

مثل المتواجد ببلف الأيدل كنترولر


- SOLENOIDS

مثل الخاص بالرشاشات وبلوف الفتيس الأوتو

وأيضا ببعض أنواع بلوف الأيدل كنترولر

_______________

إلى لقاء آخر

بأذن الله فى موضوع آخر

[aymanay32]

المشاركة الأصلية كتبت بواسطة samirayad زى العنوان مايقول بالضبط فعملية التحكم الألكترونى زيها زى شغل المباحث أزاى الكلام ده ..............ياعمنا أاقولكم على ماتوصلت إليه من خلال قراءتى قدرت بفضل الله أشبه مايحدث فى عمليات التحكم الألكترونى بشغل المباحث وتحرى الجرائم ويتبعه عملية التنفيذ للخطه المستهدفه للقبض على المجرمين _________________________ ___ 1- مصادر جمع المعلومات فى المباحث الجنائيه ................. هى الحساسات فى الحقن الألكترونى 2- عملية التفكير وتحليل معطيات البحث الجنائى داخل وحداث البحث الجنائى وأتخاذ الأجرات الازمه كأوامر لضباط الحمله ( علشان يمسكوا المجرمين ) هو ده دور وحدات التحكم بأنواعها .....أى كمبيوتر السياره 3- الحمله أو الضباط والعساكر ....إللى حتنفذ التعليمات والأوامر هو ده دور منفذات الأوامر برضه داخل منظومة التحكم الألكترونى ACTUATORS _________________________ تلك ببساطه شديده التشبيهات التى تتم داخل منظومات التحكم الألكترونى كمنظومات هندسيه متكامله إذا لكى تكون هناك عمليات تحكم لابد من توافر العناصر الثلاثه التاليه 1- حساسات لنقل صور حيه عن أمور معينه تتم داخل المنظومه 2- وحدة تحكم ألكترونى ( كمبيوتر صغير ) 3- منفذات للأوامر _______________________ فنحن نلاحظ أن الأنسان منا فى حد ذاته يعتبر منظومة تحكم طبيعيه ومن صنع الخالق ( جل فى علاه ) العين ترى ....وترسل بالبيانات للمخ .......ويقوم المخ بتحلل البيانات طبقا للبيانات القديمه المخزنه داخل الذاكره .....ثم بعد هذا يأمر المخ الجزء الفلانى بأتخاذ الأمر كمنفذا للأوامر التى يصدرها المخ ( لهذا المنفذ ) _________________________ ____________ العلماء الأجانب ونظرا لنهمهم العلمى وبحثهم دايما عن الجديد فى العلم قالك بس ....... ما أحنا ممكن نستفيد من إللى فينا ده ( كعملية تحكم ) ونعمل زيها صناعى وحناخد منها شغل محترم وقد كان فمثلا فى مجال السيارات أستطاع العلماء الأجانب من الأستفاده بما يتم بواسطة حاسة اللمس للأنسان فى تصميم مايسمى بحساسات الحراره والأستفاده بما يتم بواسطة حاسة النظر للأنسان فى تصميم مايسمى بحساس الكرنك وحساس الكامه ونظام الفوتو كبل والأستفاده بما يتم بواسطة حاسة السمع للأنسان فى تصميم مايسمى بحساس التسقيف والأستفاده بيما يناظر حاسة الشم فى تصميم مايسمى بحساس الشكمان أو الأكسجين والأستفاده بما يناظر أوضاع التحكم فى رفع القدم أو اليدين فى تصميم مايسمى بحساسات الوضع مثل حساس وضع البوابه throttle positioning sensor عالم بتفهم صحيح وعاوزه يكون ليها كيان عالمى مش أحنا مفيش ورانا غير الكوره وأبو تريكه وجدو وخالتو ( وياريتنا فالحين فى الكوره حتى ) وفى مجال الطرب .....ظهرت الآفات للأسف وسيبنا الأساسات .......ومشينا وراء التفاهات الطربيه _________________________ أستراحه ويتبع بأذن الله

ايه الكلام الجميل دة
الله ينور عليك