تسقيط موتور حديث على سيارة قديمة

[ahmed_eng2001]

المشاركة الأصلية كتبت بواسطة mr_astra تقصد بينزل فى عربيات اية ؟؟؟ لو دة قصدك يبقى كان بينزل فى التويوتا كيرسيدا وفى منة 2000 سي سي وفى منة 2400 سي سي ومعظم المواتير دى راكب عليها فتيس اوتو جبار الموتور بالفتيس بالديا كلها اشتريتة من سنة بـ 3000 واشتريت الفتيس لوحدة بـ 750 جنية الموتور دة زيرو اعطال زيرو اعطال زيرو اعطال

انا كنت اقصد ان حضرتك تكلمنا عنه اكتر ... انا سمعت اسم المحرك ده قبل كدة و لفت انتباهى ... بس لم اجد اى حد بيتكلم عنه باستفاضة

فيه منه مواتير جاز ؟؟

[سعيد الهوارى]

شكرا للردود على موضوعى انا اعرف الموتور 12r
واعرف واحد مركبه على مازدا 929 وواحد تانى مركبه على داتسون 240 (بس كان فيه تعديل على مكان القواعد بالنسبة للداتسون ) والاتنين بشكروا فى نوع الموتور جدا جدا بس فكرت فى الحديث لا لشىء الا لإعتقادى بكفاءة وتغير نظام تغذية الكهرباء عن القديم وقلة الاعطال المفاجئة ودى اهم مشاكل ممكن تقابلك فى القديم وسؤالى عن المازدا تحديدا لسعة الحوض بتاعها يعنى فيه مكان واسع للموتور اما فيات 132 انا بحترم العربية لإرتفاعها عن الارض ووسع الصالون بس للأسف مش مشكورة خاااااااالص عندنا فى الصعيد من حيث العفشة ومصايب اعطالها المفاجئة والعطل طبعا بيكون فى أى مكان يعنى انت ونصيبك ............ فهل ممكن موتور 22r يركب على فيات 132 برضو ولا لأ مع تحياتى

[world_of_kill]

موتور بي ام 1600 دا 4 سلندر بيعمل بالفتيس بالكرونه بالكردان بأدوات التغزيه في حدود ال 3500 بالضفيره بكله
وخلي بالك من موديل 95 لحد 98 عشان اللي قبل كدا فيه مشاكل
و لو موتور بس بفتيس ممكن في حدود 2500

[سعيد الهوارى]

ياترى موتور البى ام ده عن تجربة انه ينفع على فيات 132 ؟؟؟؟ اصل كمان لازم تعمل حساب حجم الموتور ووزنه واماكن التربيط ونزول الموتور وخروجه والله اعلى واعلم فى انتظار رد الخبراء وافضل اماكن البيع بالمرة

[mr_astra]

انا لسة جايب الاسبوع اللى فات موتور بى ام دبليو 2500 سي سي 6 سلندر جبت شورت بلوك مش موتور كامل بـ 3600
لازم تراجع على السعر الاول