|
المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
أدوات الموضوع |
#6
|
|||
|
|||
رد: هل و انت بتلف ملف بتفضل فى حارتك و لا بترمى لجوه
بزمتك يا ابوحميد بتشوف في امريكا السيرك اللي بتشوفه هنا احنا بجد المفروض يعدمونا في ميدان عام لا وزعلنين اوي ان اللي بيمشي عكسي بيتحبس 6 شهور ويتغرم من 1000 الي 3000 جنيه ده المفروض يعدموه مش يحبسوه
|
#7
|
|
رد: هل و انت بتلف ملف بتفضل فى حارتك و لا بترمى لجوه
المفروض انك فى المنحنيات الخطرة او غير الخطرة تلتزم بالحارة متخرجش منها حتى لو الطريق فاضى لكن دى عادة سيئةة عند كتير من الناس ولذلك لانى عارف العادة دى وبلتزم بحارتى دايما فى الملفات متوقع حد هيكسر عليا فايدى دايما قريبة من الكلاكس بمعنى انى نفسيا مجهز نفسى انى ادوس كلاكس وقبل الملف بمسافة بسيطة كلاكس خفيف كده انبهه يلتزم بحارته ثانيا / اللى بياخد الخطوط فى نص العربية (بيمشى فوقها يعنى) ده اصلا نفسيا خايف من كل اللى حواليه وده بناء على كلام سالته لناس كتير نفس السؤال( انت ماشى فوق الخط ده ليه ) فيقول علشان ميحرجش نفسه // كده احسن ومش عارف احسن فى ايه غير انه يضيق الطريق كل الحكاية انه مش عايز اللى جاى من الشمال يعدى منه بسرعة لانه بيخاف وخايف حد يطلع له من على اليمين طيب سعادتك راكبها ليه وانا شخصيا اعرف ناس مبيجيبش زيادة عن الغيار التانى ابدااااااااا ولو جاب التالت تبقى دى مغامرة لاتزيد عن 5 دقايق يعنى بالبلدى بيتمشى ثالثا / اخى العزيز الحارة مش بتختفى فجأة ولاحاجة لان اللى بيخططو للاسف ناس فاهمين واحنا اللى كتير مننا مبياخدش باله حكاية الحارة اللى بتختفى نشرحها لك المسالة بسيطة الخطوط اللى على الارض نوعين متقطع او طويل زى كده (- - - - )او كده(ــــــــــــــــــــ) المتقطع بيقسم الطريق حارات والطويل معناه نهاية الطريق الطويل ده بقى بتلاقيه مايل يعنى مش مستقيم ولو لاحظت ملحوظة صغيرة مش هتلاقيه موازى للطريق خارج الخط هتلاقيه مايل عليه ده معناه ان الطريق ده هينتهى على مفيش او الخط ده هيبقى اخره رصيف او جزيرة لكن لو موازى للجزيرة او للطريق خارجه يبقى الطريق هيكمل عادى وانا اتخميت فى الحكاية دى قبل كده و دى هتلقاها على الطريق الزراعى لبنها مع نهاية كوبرى قليوب على الشمال ولذلكك لما تلاقى خط طويل مايل تفهم ان اخره الطريق هيضيق هقول لك نكتة بقى مرة بسال سواق ميكروباس بقى له 10 سنين رايح جاى القاهرة / اسكندرية هيا الخطوط دى لازمتها ايه قال والله دى ناس حرامية عايزين يشغلو مصانع البوية وخلاص بقول له يعنى ملهاش لازمة قال / خالص فقلت له طيب ليه بيرسموها واحد متقطع وواحد طويل ميرسموهم بطريقة واحدة وخلاص فقال بغرور قاتل / لا فى فرق المقطع ده ياباشا علشان تخليه فى نص العربية بقول له والطويل فقال ده بقى ملوش لازمة // طبعا مش فاهم حاجة وبيألف لكن فوجئت ان كتير فاهمين زيه لكن فى كل الاحوال لازم تلتزم بالحارة فى اى مكان اعتقد بعد مسالة الخط المايل هتعرف ليه الطريق بيختفى فجأة ارجو انى اكون وضحت لحضرتك |
#8
|
||||
|
||||
رد: هل و انت بتلف ملف بتفضل فى حارتك و لا بترمى لجوه
شكرا يا استاذ خالد
|
#9
|
|||
|
|||
رد: هل و انت بتلف ملف بتفضل فى حارتك و لا بترمى لجوه
و جزاك الله خيرا
__________________
All truth passes through three stages First, it is ridiculed Second, it is violently opposed Third, it is accepted as being self-evident
|
#10
|
رد: هل و انت بتلف ملف بتفضل فى حارتك و لا بترمى لجوه
العفو يااستاذ احمد ده واجب عليا هو فى اضافة صغيرة بس
ان الخط الطويل معناه نهاية الطريق من الجانبين طيب لو هو فى نص الطريق يبقى معناه ان الطريق اتجاهين طيب لو الطريق اتجاه واحد يبقى معناه ممنوع التخطى فى الجزء المرسوم فيه او احتر س الطريق فى الجزء ده اتجاهين |
|
|