سير الكاتينة اتقطع طقم شنبر ..

[احمد على 1999]

متابع .........
يا ريت يا استاذ يسرى اول باول تقول انطباعك عن الشغل

[mr_astra]

الف مبروك
...................

[يسري أبو الخير]

المشاركة الأصلية كتبت بواسطة zing0 معلش أنا مليش فى اللانوسأوى بس بوجه عام حضرتك بتقول الزيت بينقص كتير رغم إن مفيش دخنه من الشاكمان طيب برضه مفيش دخنه من خرطوم الفايظ و حالة البوجيهات أيه, السن بتاعها عليه زيت و لا لأ؟ لو البوجيهات معليهاش زيت (على سن الإشعال مش القلاووظ) يبقى الشنبر بصحه جيده و الميكانيكى بيعمل شغل عليك. لو فيه زيت يبقى شنبر أكيد طيب لو مفيش زيت يبقى إيه السبب؟ ممكن , و ده توقعى, يكون أولسية الكرنك (فى العربيات القديمة فيه واحد أمامى و واحد خلفى معرفش اللانوس أخبارها أيه) و ده يسيل زيت و يخلية ينقص من عند طنبورة الكرنك أو الدبرياج (حسب مكانه) و فى كلا الحالتين الموضوع أبسط من الشنبر بكتيييييير - شوف البوجيهات الأول هيا اللى هتحكم على السبب

طبعا ما كنش في دخان من الشكمان و لا من خرطوم الفايظ .. لكن كان تعريق زيت مش كتير من المتور بجوار الموبينه .. الكلام دا ظهر بعد تغيير الصبابات ووش السلندر في المرة الاولى .. رحت له قال ده اويل سيل .. و عمله .. لكن بعدها في المرة التانيه حصل نفس تعريق الزيت في نفس المكان .. و لم رحت قلت الزيت بنقص قالي طالما كتير يبقى طقم شنبر .. لكن للاسف فاتني اشوف حكاية وجود زيت على سن البوجيهات .... كان بقى في كلام تاني مع الميكانيكي

[يسري أبو الخير]

المشاركة الأصلية كتبت بواسطة mr_astra اجابة على سؤالك حولين طقم الشنبر اختيار خاطىء ...... الافضل والاسرع هو موتور استيراد فك وتركيب يوم واحد مش اكتر انما طقم الشنبر هياخد اسبوع اقل تقدير والنتيجة مش مضمونة والتكلفة هاتدخل فى الف جنية انما الفكرة هنا هل فعلا موتورك محتاج شنبر

هو دا الكلام هل فعلا الموتور محتاج طقم شنبر أم لا ؟؟
لانه مكنش في اي مؤشرات غير نقصان الزيت فقط ...... السحب تمام مفيش دخان من الشكمان او من خرطوم الفايظ .... لكن في النهاية اتعمل طقم الشنبر و الامر لله من قبل و من بعد .. لكن احد الاصدقاء قالي اي طقم شنبر بيقعد من 3 الى 6 شهور فقط .. هل الكلام ده مضبوط .... تحياتي لكم

[يسري أبو الخير]

المشاركة الأصلية كتبت بواسطة احمد على 1999 متابع ......... يا ريت يا استاذ يسرى اول باول تقول انطباعك عن الشغل

شكرا لك باشمهندس أحمد على لمشاركتك ..
لغاية دلوقتي كله تمام بعد السير بها حوالي 400 كيلو متر متقطعة طبعا .. بالبداية كانت السرعات ما بين 50 و 60 كيلو متر و بعد التليين لمسافة 100 كيلو زودت السرعة ما بين 80 - 100 كيلو بعد السير لمسافة 200 كيلو زودت السرعة مابين 100 - 120 كيلو .. كده يبقى كويس و الا مفروض استمر على سرعات منخفضه .. لوقت و مسافة اكثر من كدا ..
بالنسبة لانطباعي عنها .. تمام و بالطبع لسه مقياس الزيت مش هايبين حاجة و مياه القربة مضبوطة مفيش نقصان .. صوت الموتور عادي جدا .. لأن التليين و السيارة متوقفه كان لمده اكتر 12 ساعة متصلة .. و بالطبع تم تغيير الزيت و الفلتر ..
تحياتي لك استاذ احمد .. و بالتأكيد سوف اوافيكم باي جديد ..