استفسار عاجل لأحبتنا الخبرة بأحلي منتدى

[حسام البورسعيدى]

المشاركة الأصلية كتبت بواسطة عبد الله الناصح للرفع يا احبة

العربية نوعها ايه يا مستر عبد الله

[عبد الله الناصح]

....اكسنت....

[حسام البورسعيدى]

تمام .. مبدأيا حضرتك محتاج تروح لاى محل بتاع بطاريات وتقوله عاوز اكشف على شحن الدينامو وعلى قوه البطارية وشوف الارقام اللى هتطلع على الجهاز كام .. المفروض بالنسبة للدينامو (بيتكشف عليه والعربية دايره) ميقلش عن 13.30 فولت وبالنسبة للبطارية المفروض متقلش عن 12.50 فولت ..

وممكن بشكل مبدأى تكشف على الدينامو بنفسك بانك تدور العربية وتفك الطرب السالب (-) بتاع البطارية ولو العربية طفت يبقى الدينامو مش بيشحن او شحنه ضعيف ولو مبطلتش يبقى الدينامو بيشحن تمام وممكن ساعتها تروح لبتاع البطاريات يقيسلك بالجهاز ونشوف الوضع ايه ..

لو البطارية والدينامو تمام ولسه العيب موجود ممكن يكون المارش فيه مشكلة (محتاج جاب او شربون) وده اللى بيخليه "يعتل" معاك كأن البطارية ضعيفه او ممكن كتاوت المارش عاوزه تتغير (لو معمول له كتاوت)

ويا ريت حضرتك تبلغنى بالجديد باذن الله ..

[عبد الله الناصح]

جزاكم الله خيرا ا.حسام علي الاهتمام..وإن كنا نطمع برد جميع جهابذة المنتدى...ربما مشغولين....فعلا عملت ما قلته بالضبط....لكن السؤال هل ممكن البطارية الجافة تنتهى منى فجأة بدون أى سابق إنذار....؟؟؟

[tata33]

المشاركة الأصلية كتبت بواسطة عبد الله الناصح جزاكم الله خيرا ا.حسام علي الاهتمام..وإن كنا نطمع برد جميع جهابذة المنتدى...ربما مشغولين....فعلا عملت ما قلته بالضبط....لكن السؤال هل ممكن البطارية الجافة تنتهى منى فجأة بدون أى سابق إنذار....؟؟؟

حضرتكك كان معايا لانوس وجاى من مشوار طويل والعربية كانت فيها بطارية الفابريكة وبعد ماوصلت مدينتى نزلت اشترى حاجة رجعت ادور حلفت ماهى دايرة وطلعت البطارية خلاص