اشترى لوجان ولا فيرنا محتار انصحونى

[hyundai2005]

طبعا فرنا لاسباب اعاده البيع وقطع الغيار والسحب والشكل

[خالداعزالناس]

الشكل الخارجى .... التوكيل .... الصيانه .... المنظر الداخلى للتابلوه .... الاعتماديه فى القياده ....
كل الامور لصالح العملاق الكورى هيونداى:14369 D~149:
والله الموفق لحسن الاختيار .... ومبرووووووك مقدما

[محمود زيزوو]

طبعا فيرنا لرخص قطع الغيار وتوفير فى الوقود واعادة البيع بس مش عالية قوى فى اعادت بيعها بس هى عربية هايلة

[محمود زيزوو]

فيرنا الف مبروك

[mokhtar872000]

المشاركة الأصلية كتبت بواسطة aimanmohamed82 اشترى لوجان ولا فيرنا محتار انصحونى؟؟؟؟

نصيحه منى اتكل على الله واشترى اللوجان واكيد حضرتك شايف العربيه انتشرت ازاى فى وقت قليل ماشاء الله قوه موتور عالى جدا وسحب عالى وواسعه اوى بتشيل 5 افراد مرتاحين والشنطه واسعه تكيف قوى عفشه ناعمه جدا والعربيه عاليه ودى احلى حاجه فيها مش بتحك فى المطبات والثبات نسبيا كويس يعنى لحد 150 ماحسيتش بعومان ولا العربيه كانت بتتنفض كلامى كله عن تجربه شخصيه لان معايا لوجان 2010 بقالها سنه ونص تقريبا وعملت 22000 كم وزى الفل والتوكيل ممتاز وناس محترمه جدا

المشاركة الأصلية كتبت بواسطة corsair الاستاذ شريف كلامه مظبوط بس في نقطه واحده بس احب اوضحها ان ثبات الفيرنا اكبر من ثبات اللوجن لان اللي مخلي ثبات اللوجن ضعيف علوها عن الارض اما الفيرنا فالعكس ونصيحتي ل صاحب الموضوع زي ما قال الاستاذ شريف لو عايز العربيه عائلية وعالية عن الارض وواسعه من جوه وشنطتها كبيرة يبقي خليك في اللوجن اما لو عايز عربية شبابية تعدل فيها زي ما انتا عايز الفيرنا بدون تفكير لان الفيرنا 108 حصان اما اللوجن 86 حصان والفيرنا تمتاز عن اللوجن في انتشارها وقطع غيارها وسعر صيانتها واعادة بيعها واعتماديتها لقلة مشاكلها وربنا يوفقك ولك الاختيار

احترم طبعا وجهه نظرك بس اختلف معاك بشده لان انا معايا لوجان ودايما بسافربيها وبجيب لحد 150 مثلا ومش بحس انها بتتنطط او بتتهز اصلا ساعات بنسى انى جبت السرعه دى الا ما ابص فى العداد او حد ينبهنى انما معلش مع احترامى الفيرنا الكام مره اللى ركبتها فيها والله قبل ماتجيب ال100 كم كنت حاسس انى هموت العربيه بتتنطط وتعوم بشكل وحش واحساس السرعه يوصلك بسرعه بس مش انا الللى كنت سايقها
وتقبل تحياتى