جديد ولاّ مستعمل؟

[hazem_khidr]

المشاركة الأصلية كتبت بواسطة فــيــروز ما هو من ضمن أسباب رغبتى فى شراء عربيه جديده إنّى مش بافكّر أصلا أبيعها بسرعه .. ده إذا فكّرت يعنى فى البيع من أساسه .. بصراحه أنا مش من هواة التغيير أوى و باتخيّل بعد ما آخد على العربيه و اعتاد عليها -إن شاء الله يعنى- مش هابقى حابّه أوى أبيعها غير لأسباب قهريه .. كمان بيبقى عندى شك فى موضوع كسر الزيرو ده .. إيه اللىّ يخلّى حد يبيع عربيه شبه جديده و يخسر فيها إلاّ إذا كان فيها عيب جامد؟ كمان الفرق بين سعر الزيرو و سعر كسر الزيرو حسب ما سمعت مش بيكون كبير يعنى هادفع تقريبا نفس المبلغ بس العربيه مش هتكون جديده ptmnlo123per144 ده اللىّ بافكّر فيه يعنى و يمكن أكون فاهمه غلط

هو بالنسبه ليكي طالما مش ناويه تغير يبقي هاتي الزيرو و طالما اتعاملتي مع العربيه بحذر مش حتتخبط الا لو ربنا قدرو اتخبطط او اتحكت و هيا واقفه
انما مش منطق اني اجيب عربيه تبهدلني و تعطل مني علشان هيا قديمه و تمنها مش حيقل لو اتخبطط
بالنسبه لكسر الزيرو بيبقي عباره عن ناس جابت عربيات و ما عجبتهاش او حبت تغيرها مافيهاش حاجه
لان العربيه لو فيها عيب بيبقي في الموديل كله مش في العربيه دي بس
و اي عيب صناعه دلوقتي التوكيلات بتعالجه علي حسابها طالما في فتره الضمان اللي هيا 100 الف او 3 سنين ايهما اقرب
يعني مثلا لسه واحد قريبي شاري عربيه لانسر عامله 10 الاف كيلو موديل 2009 من كام يوم
طب العربيه دي معيوبه ؟؟!
لا طبعا ؟..بس كل ما في الامر اللي اشتراها معرفش يكمل اقساطها و هو اخدها منه
و ليا ابن خالي بايع ياريس بعد استعمال 3 سنين و العربيه نضيفه جدااااا لمجرد بس انه زهق من العربيه
فالموضوع مش موضوع عربيه معيوبه
اهم حاجه لحظه الشراء يبقي الواحد مفتح عنيه و ما يشتريش بالليل و يرفع العربيه في بنزينه او سمكري كويس يشوفها
و اقل فرق في كسر الزيرو مش اقل من 10 الاف جنيه لعربيه في حدود ال 65 مثلا و كل ما تعلي بتمن العربيه كل ما تلاقي الفرق دا بيكبر