صديقي العزيز قارئ الموضوع
هل تحب عربيتك ؟؟؟؟
هل عانيت من أصوات كعكه , صهصله ، تعتعه ، نقنقه ، فهفه , زقزقه ، والفاظ غير مفهومه اثناء السير بها ؟؟؟
هل خذلتك يوما وعطلت بيك في شارع الهرم الساعه ( مش هاتفرق هو زحمه في اي وقت) ؟؟
هل عانيت من اصوات الكلاكسات المتذمرة التي تطلق بأبواقها شتائم تعد من قاموس قله الأدب حين وقفت في وسط الطريق؟؟
هل صرفت عليها دم قلبك ؟؟
هل عانيت من فتي الميكانيكيه المتفزلكين ؟؟
هل استيقظت صباحا ذات يوم وحاولت تدورها مادرتش وقعدت تدور علي 2 رجاله يدولك زقه ولو كنت ياعيني من ذوات اصحاب الفتيس الأوتوماتيك وفضلت تدور علي كابل الساعه 7 صباحا وعربيه تعملك وصله ؟؟
والأن صديقي العزيز اليك بعض الحقائق العلميه
أثبتت تجارب الشارع المصري وخصوصا كوبري أكتوبر ان مافيش عربيه مافيهاش السابق ؟؟
كم من عربه 128 رايتها فاتحه كبوتها علي ذالك الكوبري الملعون وكم من بي إم ومرسيدس رأيتها علي عربه انقاذ
إذن ماذا افعل أرد واقولك حب عربيتك
إليك ياصديقي بعض النصائح حتي تحبها
- اعتبرها زي ابنك
صون العربية تصونك هنها تهينك
- هذا الكم الهائل من الأصوات التي تصدره اشياء مختلفه في السيارة واحيانا تكون غير مفهومه ينبغي عليك ان تكبر دماغك في بعض الأحيان مع قليل زياده صوت الكاسيت ( ابني بيعيط رزاله ) واحيانا اخري ينبغي ان تجري بيها الي اقرب متخصص ( ابني بيعيط علشان تعبان )
ترجع من واحد لتانى - يعنى فى اصوات اسمعها واعمل نفسى مش سامعها وفى اصوات متنيمنيش اليل الا وانا تحت العربية وبفتشها ههه![CHUBBY~36](images/smilies/CHUBBY~36.GIF)
-مش أي حاجة تحصل او تتسمع تجري علي الميكانيكي حاول تتقفد المشكله الأول بنفسك وبذلك تكون قصرت علي نفسك كتير من الوقت والمال وفزلكه الميكانيكيه ( تفسير للي فات)
تشخيص المرض نصف العلاج ونصف الكلفة ايضا
- وعند ذهابك إلي الميكانيكي حاول ان تري وتفهم ماذا يفعل بحيث تكتسب خبره معرفه فين العطل
يبقى مكسب حاجة فى حياتة الى ميعملش كدة لازم يتعلم وان ارغم نفسة
- في بعض الأحيان ينبغي عليك ان تتبع نظريه Run To Failure في بعض الأجزاء الغير مؤثره نسبيا
![CHUBBY~36](images/smilies/CHUBBY~36.GIF)
- كل شهر اتنين جبلها هديه ( مش انت بتجيب شوكلاته لأبنك )
دا انا بصرف عليها اكتر من نفسى هههههه![CHUBBY~36](images/smilies/CHUBBY~36.GIF)
- كل ماترجع من مشوار جامد حميها
لازم تستحم قبل وبعد
- دايما افتكرلها حاجة حلوه ( يوم ماشديت بيها مع العربيه الفلانيه - يوم ماسافرت بيها الغردقه وماعملتهاش معاك - .........إلخ)
في النهايه كل ماأريد ان أقوله
" حب عربيتك كما هي بمميزاتها وعيوبها ويوم ماتحبها من قلبك هاتلاقي كل الأصوات اختفت يا اخي دا مافيش بني أدم من غير عيوب يبقي الحديد مش هايبقي فيه "
![01FDAB~189](images/smilies/01FDAB~189.gif)