شعورك أيه لو اشتريت عربية جديدة...وبعد كام يوم عرفت انها رخصت كتير؟!

[dr.darsh]

المشاركة الأصلية كتبت بواسطة Ahmed Anwer عاااادي احنا بنجيب العربيات عشان نستخدمها و نركبها مش عشان نتاجر فيها بس يعني متكونشي هترخص عشرين الف جنية ساعتها ممكن افكر ان ده فرق كان ممكن اعمل بيه حاجة تانية مفيدة

ما هي المشكلة يا أستاذ أحمد ان الخسارة ممكن تبقى كبيرة وفي الحدود اللي حضرتك بتقول عليها
وبعدين بيني وبينك مين فينا معاه قرش دلوقتي مش محتاجه والله ده لو ألفين تلاتة الاف جنيه الواحد هيزعل

[sam ram]

هي بتبقى عمليه نسبيه ... يعني لو لقيتها هي بس اللي رخصت والباقي زي ما هو ازعل واحس انها عربيه سكه
لكن لو العربيات كلها رخصت .. اتضايق اني مستنتش شويه
لكن لو العربيات كلها غليت و عربيتي بس اللي رخصت .. انتحر ...
وكده يعني

[AbOnOrA]

اكيد هزعل بس مش لدرجة الانتحار ptmnlo123per1106

يعنى لازم اتقبلها من ناحية القسمة والنصيب وان ربنا بيبارك فى الرزق كيفمايشاء

اكتر حاجة تزعلنا قيمة العربية العملية او ادائها لو نزل بس سعرها مقدور عليه لان زى ما قال الاعضاء احنا بنشترى علشان نركب ومحدش فينا بيغير عربية كل يوم

[hazem_khidr]

لو اول ما جبتها يعني اشتريها انهارده بكره الاقيها رخصت ولو 2000 جنيه بالتاكيد حزعل
انما بعدها ب 6شهور مثلا خلاص عادي جدا

[horas3000]

طب تقولوا اية لو واحد جاب عربية و حب يبيعها بعد 3000 كم ما جبتش نص سعرها ptmnlo123per144