|
Hyundai هيونداى Hyundai General Discussion Forum هيونداى من انجح الشركات الكورية وازاد نجاحها وانتشارها بعد ان ضمت اليها شركة كيا الكورية ايضاً من اهم موديلاتها ( اكسيل - فيرنا - اكسنت - ماتريكس - النترا - سوناتا - جينسيس ) |
|
أدوات الموضوع |
#6
|
||||
|
||||
رد: هل ستغيب شمس غبور ؟؟
بخصوص كون نصير تاجر شاطر ده يخليك متاكد انه مش هيبيع الماركة الا لما يوقفها على رجليها وموضوع الموديلات الجديدة صعب دلوقتى لان سيزون الموديلات اتحسم خلاص ومفيش جديد يقدر ينزلة بشكل حصرى كل موديلاتى محروقة فى معارض من وليد او خليجى بس هو يلاحق على الصيانات والطلب العادى ديه لسه الحنفية مفتوحة عنده ملحقش يعمل حاجة اساسا والكلام بتاع انتظرونا فى اوتوماك ده كان دعاية طبيعية بس هو معندوش جديد يقدر يقدمة دلوقتى
لاكن ده لا يعنى انى مبسوط من مستوى كيا فى السوق حاليا بالعكس شايف ان لسه فى كتير المفورض يتعمل ولازم تتعمل دراسة سوق للماركة من جديد بناء على الاوضاع الحالية ولازم يبقى فيه تفكير جاد لشراء خط انتاج وتصنيعة محلياً البيكانتوا الشكل القديم خطوط انتاجها بتباع وماليزيا تخيل ده لو عندنا والعربية تتعمل صح وتتباع ب 45 مثلا ولا تخيل لو خد خطوط انتاج قديمة رى الريو القديم ولا حتى الحالية بس انا بقول هو لسه فى اول خطوه واكيد هيظبط البراند فى البلد عن كده بكتير وكفاية ان العربية كانت بتتباع حتى وهى ملهاش توكيل عدل واخير مكانش ليها توكيل اساسا |
#7
|
|||
|
|||
رد: هل ستغيب شمس غبور ؟؟
AboNoRa
[HTML]وبعدين غبور لسه عنده كارت الصينى ملعبش بيه ولازم هيلعب بيه [/HTML] ردى : انا لا اعتقد ان غبور ممكن يوصل لعقليه انه يشتغل فى الصينى لأنه عارف انه هايخسر كتير قوى قوى ..... و بالذات انه فكر مره يشتغل فيه و كانت العربيه هيا الجيتا الشكل القديم بس صينى و بالطبع مامشيتش عنده على الأطلاق و ده كان مجرد جس نبض للسوق المصرى و متهيألى اتأكد انه كان هايضيع نفسه و اكيد وصل له تعليقات العملاء عند رؤيتها فى صاله العرض بأبورواش و مدى الأستهزاء على غبور بسبب عرضه لهذه السياره. |
#8
|
||||
|
||||
رد: هل ستغيب شمس غبور ؟؟
ده ما يؤكد كلامى بان مبيعاتة بتزيد مش بتقل
القاهرة -- قالت شركة ((غبور اوتو)) المصرية لصناعة السيارات يوم الخميس ان صافي أرباحها في الربع الاول من عام 2008 زاد 89.8 بالمائة ليصل إلى 91.1 م ليون جنيه (17 مليون دولار) بفضل نمو مبيعات سيارات الركاب والعربات التجارية. وذكرت الشركة أن صافي أرباحها في نفس الفترة من العام الماضي بلغ 48 مليون جنيه. واضافت ان الايرادات زادت 30.3 بالمائة لتصل إلى 1.1 مليار جنيه. وبلغت ايرادات مبيعات سيارات الركوب 758.2 مليون جنيه بزيادة 28.4 في المائة, بينما بلغت ايرادات مبيعات العربات التجارية 193.7 مليون جنيه بزيادة 96.8 بالمائة. وقال رؤوف غبور الرئيس التنفيذي للشركة في بيان ان سيارات الركوب والسيارات التجارية حققت أفضل مبيعات في الربع الاول على الاطلاق. وزادت مبيعات سيارات الركوب 17.7 بالمائة مقارنة مع الفترة نفسها من العام الماضي. وبلغ نصيب الشركة من سوق سيارات الركوب في مصر 21.3 بالمائة في نهاية الربع. واضاف غبور أن التوقعات بخصوص باقي العام لا تزال ايجابية. وتملك الشركة ترخيصا حصريا من هيونداى موتور الكورية الجنوبية لتجميع وتوزيع سياراتها في مصر. |
#9
|
||||
|
||||
رد: هل ستغيب شمس غبور ؟؟
أيوه كده
تقريبا مبتجوشي غير بالعين الحمرا ptmnlo123per113 هوا كلام صديقي ده مش شرط يكون واقعي ،، ممكن يكون موظف عادي و عنده شوية احباطات عايز أرد بس علي بعض النقاط اللي اثرتوها أ / شريف باشاا انا لا اشك لحظة ان هيونداي ماركة محترمة و دي مش شهادتك و لا شهادتي دي شهادة العالم كله و لكن فين فيات ؟؟ هل حد يشك ان فيات من اعرق الشركات في العالم و رائدة السيارات الاقتصادية مش كانت السيارة الأولي في مصر لمدة ثلاثين سنة ؟؟؟ ايه سبب مواتها غير توكيل غبي اسمه اوماترا في رأي في مصر الماركة مش هيا العامل الأول ،، الوكيل هوا العامل الأول ، بس تكون ماركة معقولة مش خدمات الوكيل في حد ذاته و لكن ذكائه في التسعير و التسويق و توفير خدمات ما بعد البيع و عمل انتشار و سوق لماركته الماركة مش كل حاجة !!!!!!! ولاء العميل قابل للتغيير بكل سهولة أ / طارق زياد ،، للأسف ان كنت اعتقد ان غبور هوا النوعية دي من رجال الأعمال و عندي دلائل مصنع اتوبيسات التصدير استثماراته في خدمات ما بعد البيع ( 120 مليون جنية مخزون قطع غيار - 36 مركز خدمة معتمد ) خطته لشراء شركة النصر للسيارات اكبر تشكيلة موديلات في السوق المصري و احدث انتاج لهيونداي بينزل مصر في نفس الوقت تقريبا تسويقه لهيونداي اكتر من علب السمنه كل الطرق السريعة في مصر - قنوات الدش - طبعا مع الإعتراف بوجود سلبيات كتيييييييير بس كان في وجهة نظري الإيجابيات اكتر بمراحل من السلبيات مش عارف بقه ابتديت اغير وجهة نظري دي خاصة نقطة رفع اسعار الصيانة و قطع الغيار ،، ابو نورا مختلف معاك في نقطة عمرو الإسكندراني مصر مختلفة ،، مايكروسوفت سابها بيل جيتس نفسه لكنها لسه مايكروسوفت مصر الوضع مختلف الإعتماد مش علي منظومة اكتر منه علي افراد و علي فكرة صاحبي ده بيقولي ان غبور بيفكر زيك ( عقبالك لما تبقي اجدع منه ) بيقول ان كل ماجيب حد اعتمد عليه يسيبني و يخلع قام راح جاب استشاري ادارة اجنبي يعمله نظام عشان ميبقاش معتمد علي افراد بس ماعتقدشي ده نظام ناجح في مصر ،، مصر بلد الإبداع الشخصي مش مختلف معاك في النقطة الثانية اكيد مش بكره هيفلس بس انا بجد من غير ماعرف حصته من السوق كنت متوقع ان هيونداي حصتها في السوق قلت و مش 31% ابدا ،، مكنتش شايف ان ما بين كل تلت عربيات جديدة ،، واحدة هيونداي خالص يا راجل ده انا بحس ان اللانسر لوحدها اكتر من الفيرنا المبيعات بتزيد بس حصته في السوق بتقل واحدة واحدة مش هيكون الأول ،، خصوصا لو الكلام ده صح ،،، خلي بالك ان بكلم علي نقطة انه بقي فاقد الرؤية الإستراتيجية مش أي حاجة يعني انتا مش فاكر لعبه بالسوق مش فاكر لما وصل الفيرنا في وقت لأقل من ستين الف و حرق كل المنافسين ، مش فاكر العروض اللي كان بيعملها للماتريكس ، مش فاكر حملات الصيانة المجانية و تخفضيات قطع الغيار ، مش فاكر لما كانت هيونداي ارخص اسعار صيانة بمراحل عن المدابح اللي كانت في التوكيلات التانية بخصوص نصير ،، أنا متفق معاك بس مثلآ ليه غبور نزل الآي 30 و نصير منزلشي الكيا سييد ؟؟؟ رغم ان الكيا سييد أقدم في النزول بره من الآي 30 و سمعتها اعلي ثانيا نصير مشهور بانه خدمة خمس نجوم مقابل اسعار عشر نجوم طبعا انتا عارف ان مصر سوق سعر قبل اي حاجة تانية لو استمر علي نفس السياسة استحاااااااالة ينجح لا كيا و لا رينو و لا داتشيا اعتقد وليد توفيق كان افضل ،،، خاصة ان دايما فيه كلام علي عدم استثماره في مخزون قطع غيار ،، نظام تاجر يعني مبيحطش فلوسه غير لما تكون كسبانه الأول دول مآخذيني عليه |
#10
|
|||
|
|||
رد: هل ستغيب شمس غبور ؟؟
احمد باشا ...... ارفعلك الفبعه و احييك بشده ....
و فعلا كلام مفيش رد عليه لانه تحليل سليم 100% ... زي تحليل الدم بالظبط ههههه نجاح غبور حاليا ... هو ناتج القصور الذاتي لنجاحه السابق و لو مظبطش سياسته قريب وبسرعه ... حيخسر كتير وحيبقى صعب التعويض |
الكلمات الدليلية |
غبور, هيونداى, هيونداى غبور |
|
|