|
موضوعات متميزة لا يسمح للأعضاء بنشر موضوعات بهذا القسم |
|
أدوات الموضوع |
#6
|
||||
|
||||
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
للأسف فيه ناس تهاجم المنتج الصينى كأنه منتج إسرائيلى مثلا
يعنى مثلا اللى بيقول أسهل حاجه تبيع عربية فى مصر مش عارف الفكر دى جت إزاى ده معظم المصريين بيستروا العربية و فى دماغهم إنها هتبقى عربية العمر و كل واحد يقعد يحسب لو فى المستقبل اتزنق و حب يبيعها هتجيبلوا كام و مبيشتريش إلى لما يفصص السوق حته حته أما موضوع الإيه بى سى فأنا بأمانه مش عارف يعنى ايه ده لكن لو حضرتك تقصد ABS يبقى فيه مشكلة نظام الفرامل لمنع الإنزلاق مش كماليات خالص ده من ضمن وسائل الأمان أما الموتور بقى فصحيح هما بيستخدموا مواتير متصممة فى شركات تانية لكن مين من الشركات اليابانى أو الكورى معملش كده فى بداية نشاطة و لكن برضه هما مبيستخدموش مواتير من الحرب العالمية الأولى .... بلاش عصبية و مبالغة أما بخصوص الخامات المستخدمة فى الإنتاج فدى بتبقى إختيارات المستورد مش المصنع حكاية أى حاجه صينى هى كما يلى المستورد يروح المصنع فى الصين يختار المنتجات اللى عايزها يلاقى لكل منتج تلات أسعار شعبى .... متوسط ...... متميز كل مستوى منتج بدرجة جودة مناسبة لسعرة يقوم المستورد الذكى يختار زبالة المصنع و يلمها بتراب الفلوس و دى مستوى جودتها 60 % مثلا يعنى من كل عشر قطع تلاقى 4 بايظين + إن عمرها الإفتراضى عموما قصير السبب اللى بيخلى المستوردين تعمل كده هو طبيعة السوق المصرى (قدرة ماليه محدودة السعر من أهم عوامل الشراء) لكن أنا عايز أقول إن الجيتا بتتعمل فى الصين و البى إم و الجى إم و الفورد و المرسيدس و غيرها و أكبر شركات الكمبيوتر فى العالم بتصنع مكونتها فى الصين و معظم المصانع الجديدة فى مصر دلوقتى بتجيب المكن بتاعها من الصين معدش حد بيجيب ألمانى و لا إبطالى و لا امريكى ععموما اللى بيقرف من الصينى يبص على كل حاجه حوالية هيلاقيها صينى من أول الكمبيوتر للموبايل للتليفزيون للراديو للقميص للشراب إنما نيجى للعربيات و نقول يععععععع عموما قبل ما نهاجم الصينى يا ريت نفكر نحاول نبقى زيهم فى الشطارة مش كلام كلام كلام كلام كلام و بعدين نوم أسف خرجت عن الموضوع لكن بالنسبة للعربيات الشيرى و الإسبرانزا صحيح البداية مش كويسه نتيجه لسوء إختيارات الموديلات من وكيل شيرى لكن بعد كده التوكيل إختفى و قدمش حاجه مميزة من ناحية الإعتمادية ففى ما عداQQ فالموديلات التانية أعتقد إنه لسة ماسكه نفسها لغاية دلوقتى صحيح برضه الفترة صغيرة للحكم عليها لكن بتدى مؤشر على موضوع الإعتمادية ممكن تبقى عاملة إزاى و وجود مصنع تجميعالإسبرانزا ظبط العملية شوية و قدر إنه يقدم موديلات ناجحه نسبيا زى 516 بالنسبة للفئة السعرية بتاعتها و بعد شوية قدم عربية فى رأيى ملهاش منافس فى فئتها و هى 113 أعلى موتور بالسعر ده و مؤخرا التيجو اللى شدت ناس كتير و ابتدت تنتشر و فى رأيى هتبقى هى نجم مبيعات الوكيل و خصوصا بعد طرحها بمحرك 1600 مشاكل الإسرانز أولا قله الجودة نوعا ما يعنى فى بعض الحالات العربية تخرج من المصنع تلاقى فيها عيوب تقفيل أو تجميع و ده بيعمل سمعة وحشة ليها ثانيا التوكيل فى بعض الموديلات استخسر فى المصريين الإيرباج مش عارف ليه رغم إنه حاطط ABS فده بيقلل معامل الأمان شوية ثالثا عدم استقرار سعر المستعمل منها يعنى لسه موصلت لمرحلة الأكسنت أو اللانوس مثلا رابعا بعض مشاكل مراكز الخدمة نتيجة للضغط الرهيب عليها أرجوا إن أكون محايد و شكرا التعديل الأخير تم بواسطة حازم شاهين ; 25-05-2009 الساعة 02:29 PM |
#7
|
|||
|
|||
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
انا مازلت غير مقتنع بالصيني اللي بينزل مصر
الصيني في منه عشر درجات..و اللي بينزل مصر درجة 5 او 6 علشان يبقي سعره رخيص انا مش هشتري عربية كل يوم..دا مش قميص لو اتقطع هرميه دي عربية هروح بيها شغلي و هسافر بيها مع عيلتي معلش..انا شايف ان الوكيل هو الملام في الحتة دي..لازم يهتم بالخامة و الجودة شوية علشان يضمن الاستمرارية
__________________
No Pain No Gain Dr. Mohamed El-Refaey Radiologist |
#8
|
||||
|
||||
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
عايز اعلق علي حاجة فقط ،، بخصوص حكاية درجة اولي و درجة عاشرة الحكاية دي اه موجودة في السلع الاستهلاكية و المنتجات البدائية لكن مش موجودة في الصناعات الميكانيكية و الصناعات الكبيرة يعني العربية اللي بتخرج من المصنع بيكونوا كلهم نفس الخامات مش حكاية التزام و شرف حكاية انه ده شئ غير اقتصادي بالنسبة لخط انتاجه ممكن استخدام محركات قديمة ممكن الغاء كماليات و اوبشنز ممكن مواصفات اقل لكن الاساسيات واحدة لأنه طلع عينه عقبال ما يعمل موتور مش مجدي اقتصاديا بالنسبة ليه انه يطلع عينه عشان يعمل موتور خاماته اقل و سعره ارخص لمصر |
#9
|
||||
|
||||
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
متفق مع الأستاذ أحمد انور
الموتور و الشاسية و الأنظمة الأساسية فى العربية بتكون واحدة طبعا لكن مثلا الكاسيت و خام التابلوة و الكراسى و التكييف و تنجيد الصالون و الفوانيس و الشبكة و الجنوط دى كلها حاجات ممكن يتلعب فيها |
#10
|
|||
|
|||
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
و انا يا استاذ حازم متفق مع حضرتك تماماً
و اللي اقصده بقى هنا إن الحاجات ده بتفرق بعد كده مع الاستخدام و بالتالي في تمن العربيه و فعلا هي زي م قال الأخ alref مش قميص ولا حاجة ممكن يجيبها كل يوم. على فكره المصريين بيحبوا المنتج الرخيص فعلاً بس هم مش حمل فلوس تندفع و بعد فتره قصيره يلاقي نفسه خسرها يعني آجيب العربيه ب ٧٠ ألف و بعد سنه أبيعها ب ٥٠ مثلاً و هي عامله ١٢ الف كيلو بس طبعاً حرام و خاصة ان معظم اللي بيشتروها من الموظفين (إذا كان قطاع عام ولا خاص) |
|
|