ممكن استفسار

[SyCkO]

http://classifieds.masrawy.com/AdDet...5&CategoryID=1
هو ممكن حد يشوفلي ده ويقول إيه رأيه

[Injection]

المشاركة الأصلية كتبت بواسطة SyCkO متشكر جدا يا رجالة بس أنا بشوف المستعمل بيبقى عامل 10-12 على مصراوي اللي أنا سمعته إن في القاهرة هنا الناس بتبيع بالغالي فيبورسعيد بيبقى ارخص شوية

بص ياسيدى, اللى معاه موتوسيكل نضيف بيبيعه بسرعة جدا أما عن طريق تاجر أو حد من معارفه بيشتريه, كون أن حد يعمل اعلان على موتوسيكل مطلوب زى ال250 ده معناه أن المكنة متنفعش للسواقة ولا للبيع خردة.

وأنا بدور فى مصراوى ومرة شفت ريس 250 عادة ب8000 بس أسمع بقى, الفايبر عايز يترش والموتور عامل عمرة(ودى كفاية أن محدش يشترى) وألخ, ومعظم الناس اللى بتجيب البايكس الصغيرة زى ال250 بتطحنه جامد جدا وتبيعها متبهدلة, وممكن واحد صاحبك يغشك فى بيعة بايك.

وأنا نصحتك تجيب من التجار اللى فى موضوع جاك علشان معظمهم بيديلك فترة أسبوع تجرب الموتوسيكل ولو فيه حاجة يابيبدله يابيصلحه, وكلهم مابيحاولوش يغشوا فى البيع وعندهم سمعة كويسة جدا.

أما الناس العادية اللى بتبيع بيبقى هاممها بس هتبيع بكام, وممكن يوريلك البايك على أنه عروسة ومفيش زيه وتدفع 15000 وتاخد بايك متسواش 10000 وتكتشف فيها بلاوى ومش هتشوف وش صاحبها تانى.

فنصيحة تانية لوجه الله, طالما لسه مبتدئ ومبتعرفش تكشف على البايكس وتجربها وتعرف حالتها, أبعد تماما عن الأعلانات ومصراوى والأفراد اللى بيبيعوا, علشان التدبيس.

[Injection]

المشاركة الأصلية كتبت بواسطة SyCkO http://classifieds.masrawy.com/AdDet...5&CategoryID=1 هو ممكن حد يشوفلي ده ويقول إيه رأيه

ياباشا بذمتك, ده شكل ريس, دى مكنة صينى مدهوووووونة, و200 سى سى تعمل بيهم أيه, دى لو جابت 100 كيلو يبقى الحمد لله, وبعدين يا باشا لما يبقى سعر الهوندا ال 250 12000 وسعر بايك زى دى حوالى 4000, ال 8000 جنيه الباقيين راحوا فين؟

لو فيه حاجة علمتهانى الحياة فهى أن الصبر دايما أخرته حلوة, والأستعجال بيوقع الواحد فى مواقف ما يعلم بيها ألا ربنا, وكمان الغالى تمنه فيه, والناس مثلا مبتشتريش سماعات كينوود ب350 جنيه ويسيبوا الصينى أبو 50 جنيه علشان هما أغبياء, كل حاجة غالية تمنها فيها, والصينى سواء موتوسيكلات أو أيا كان أثبت ردائته فى السوق المصرى بسبب غباء المستوردين وجهل المشترين بعيوب المنتج.

[SyCkO]

motshaker gedan ya injection

[Jack Box]

اجمل تحياتي ليك ياانجكشن علي مجهودك الرائع ده وفعلا كل كلامك الصح وفعلا البايك الكويس بيبيع نفسه وهو واقف منغير اعلان ولا غيره وياجماعه ابعد عن حيحا يعني ابعد عن الصيني حاجه مقرفه اخر حاجه ولا شكل ولا منظر ولا ادااااااااااء اللي هو اهم حاجه ربنا يتوب علي الناس منه واطمنوا للمصيبه الاكبر ان السوق السنه الجايه هيتغرق موديلات صيني شبه الF4 600 / suzuki B.K / cbr 1000 rr model 2008
ولا عزاء للبايكرز