الطريق إلى الغردقة ... (و الناس مش مصدقة)

[mainz]

حمد لله على السلامه يا حازم باشا ويا رب تقضى اجازه حلوه وترجعلنا بالسلامه وعلى فكره الغردقه دى مدينتى المفضله لقضاء الاجازات سواء الاجازات الصيفيه او الشتويه وفى بعض الاحيان انزلها طيران مباشرتا لقضاء الاجازات واحيان اخرى اسافرلها من محل اقامتى فى المنوفيه بواسطه الاتوبيسات البولمان وهيا فعلا بتبقى رحله جميله ومسليه لكن بتبقى مجهده شويه لطول المسافه وعلى فكره اسعار العقارات والاراضى فى الغردقه ارتفع بصوره خياليه لدرجه ان واحد صاحبى من اهل الغردقه عرض عليا قطعه ارض ملك له 400متر مربع فى واجهه قريه عربيه من 7سنوات تقريبا بحوالى 30الف جنيه وانا كنت فى الوقت ده بشطب الشقه بتاعتى وبجهز عفشها وما كنتش عامل حسابى انى اشترى ارض والمهم انه ما عرفش يبيع الارض فى الوقت ده وبعد سنه واحده الاسعار ابتدت تزيد وكل يوم فى الزياده لحد ما باع نصها 200متر ب500الف جنيه والكلام ده من تقريبا 4 سنين وبنى عماره بالمبلغ ده على النص التانى للارض ودعانى هناك من سنتين عنده فى الغردقه لقضاء اسبوع اجازه بسم الله ما شاءالله وفرجنى على العماره الى كان ينقصها بعض التشطيبات وسعتها فكرنى وبيقولى فاكر يا عاطف لما كنت بعرض عليك تاخد الارض دى كلها ب30الف جنيه وما رضيتش شوف بقى وصل سعرها قد ايه لدرجه ان 100الف جنيه فى الغردقه ملهمش اى قيمه حاليا يالا بقى ايام وكل واحد بياخد رزقه معلش طولت عليكم وعلى العموم اتمنالك يا حازم باشا اجازه سعيده

[tarek elbadry]

اجازة سعيدة
انا كنت بامشى على الطريق دة من 13 سنة كان طريق فردى عرضو اقل من 8 متر بس واصعب حتة فى ملفات السخنة قبل ما تتعدل دلوقتى كانت العربيات بتمشى بمحازات الجبل يعنى الجبل على يمينك والبحر على شمالك على طول وانتة رايح الغردقةوالملفات صعبة جدا كانت عربيات النقل الثقيل كانت بتقع فى البحر فى الملفات بس هما كسرو شوية فى الجبل ووسعوة شوية والمفروض تريق زى دة يتعمل علية اسعاف طائر
لان المسافات بعيدة جدا علية بين المدن الى علية انا متزكر حاثة كانت بين غارب والغردقة فى المنتصف بلظبط يعنى بتاع 70 كيلو لغارب و80 للغردقة تخيلو لو فى مصاب العربية علشان تروحلو وتودية لاقرب مستشفى هتاخد وقت اد اية ومشيت بردو على نفس الطريق بس من الغردقة لحلايب وشلاتين بتمشى علية وربنا يسترها عليك بس سبحان الله فى مناظر البحر والجبال حاجة روعة فظيعة جدا طبيعة بكر

كدا يا كبيرنا تشد ترحالك من غير ما تودعنا كدا تعملهلنا مفاجاة ماشي يا زعيم حمدلله علي السلامه وان شاء الله تكون رحلة سعيدة ليك ولللاسرة الكريمة وكل سنة وانتا طيب

[bmkbmk]

ما شاء الله يا باشا ,,, ايه الحلاوة دى ,,رحلة جميلة ما شاء الله و وصف دقيق و تفصيلى لا يخلو من التشويق و الحرفية العالية .... و اكيد الموضوع ده هيكون مرجع لكل اللى عاوز يعمل الرحلة دى ,,,, و كمان فكرتنى بالرحلات البرية من الكويت لمصر و العكس .... تسلم ايدك يا باشا

و اتمنى تكون قضيت رحلة ممتعة و جميلة

[نبيل عبدالرحمن]

رحلة سعيدة يا أستاذ حازم وأتمنى أن تكون قد قضيت وقتاً ممتعاً فى هذا المكان الجميل ، والموضوع ده عايز يتثبت فى قسم السفارى والطرق ليكون دليل لمن يرغب فى السفر لهذه المدينة لأن وصفك للطريق فى منتهى الدقة وقد زودته بالخرائط التوضيحية والصور