اساليب القياده المستفزه فى 2012 يا رييت نعالجها سوا

[حمادة ونور]

المشاركة الأصلية كتبت بواسطة Felefel Ahmed لما واحد بيعدي الطريق وممكن تقفله , اقف وعديه هيشكرك ويبتسملك وتكمل سواقه مستمتع لما تكون فى تقاطع وأدامك غى طريقك زحمه ولو عديت هتقفل التقاطع أاقف وسيب الطريق التانى يمشىولما يفضى طريقك عدي ومتزاحمش وخلاص ده رأيي الشخصي وبفضفض

يا باشا انتا عندك حق فى كل اللى قولته بس اخر جملتين صعب مع سواقين مصر وبالذات الميكروباصات ومش هيرحمك من الكلاكسات وهيبصلك اكنك بتعمل حاجة حرام واحتمال تقلب معاه بخناقة وبشكرك جداا على زوقك

[Hisham.Elgazzar]

انا برضو لما كنت راجع يوم الإتنين على طريق الإسماعيلية حدث ولا حرج
الواحد كان بيشوف حجات غريبة وأنا متأكد ان على الأقل 60% من السواقين على الطريق ده كانوا شاربين حاجة ، بس عادى إحنا المبدأ دلوقتى معانا فى السواقة فى مصر واللى لازم كلنا نعمله اننا نسوق بطرييقة دفاعية - هادية - والسرعة حسب ظروف الطريق- طبعا الطريق اللى تبقى عارفه كويس لكن على السفر منصحش بسرعة أعلى من 100 وخصوصا على طريق زى مصر إسماعيلية يوم الإتنين اللى فات
المبدأ التانى برضو إن العند بيؤدى إلى العند مضاد له فى الإتجاه، يبقى ملوش لازمة من الأول - اللى عاوز يعدى يعدى مش هتفرق غير فشوية بنزين يتحرقوا وضغط زيادة على الأعصاب
انا الصراحة كل ما بزود السرعة كل ما بقبض أقوى على الدركسيون ومش باخد بالى لن الموضوع تلقائى إلا بعد شوية لما دراعى يؤلمنى
كمان الحمدلله ربنا سترها معايا ونا ماشى معرفش اه اللى حصل فى الطريق تقريبا كان عالى وواطى أو الأسفلت اتزحلق لقيت العربية عامت منى على سرعة 90 بس الحمدلله انى مدوستش على الفرامل يدوب سيبت البنزين وكلبشت فى الدركسيون والحمدلله عدت على خير بس حسيت انى قلبى كان هيوقف

[engfathy]

انا من رأيي ان السواقة في شوارعنا اليومين دول بقت من اهم اسباب ارتفاع ضغط الدم والشيخوخة المبكرة
فعلا السواقة كلها بقت عافية وكل واحد حاسس ان الطريق بتاعه وبس ومفيش حد ماشي معاه
انا من المواقف اللي بتستفزني اوي برضة لما تبقى ماشي وتلاقي مطب عالي او حتة مكسرة وتهدي علشان تعدي بالراحة على العربية وتلاقي واحد لازق وراك وشغال بيييييييييب
يعني اكسر العربية علشان سيادتك مستعجل
واللي ينرفز اكتر ان بعد ما تعدي انت تبص عليه تلاقيه بيعدي بنفس الطريقة اللي انت عديت بيها

[Felefel Ahmed]

والله انا شاكر الردود المتعاونه الجميله ديه

[azzat 55]

فعلا السواقة فى مصر صارت شئ لا يطاق ولازم تروح بيتك أو تروح شغلك وأنتا عامل 100خناقة ونرفزة وزعل وشدة أعصاب وده بالتالى يؤثر على العلاقات الأسرية والانتاجية فى العمل ..