#6
|
||||
|
||||
رد: مساعده في كبوت ال 128 (البطاريه اتسرقت )
بالنسبة لمشكلتك لو مش هتعمل موضوع الفتحه فلازم انظار وتركن العربيه تحت او قريب من بيتكوا علشان تسمع الانظار ما هى ملاهاش حل غير كه او تروح لسمكرى يعملك حاجه حديد تقفل على البطارية بقفل مش جنزير لا مثلا تقفيصه حديد وبقفل غالى من الفرنسى مش اصينى ابو 10 جنيه ولازم تحاول عل اد ما تقدر كل شوية تطل على العربيه او لو عندكوا فى البيت حد بيسهر خليه يطل كل نص ساعه على العربيه وزى ما بقولك كده هى حله فى تقفيصه حديد على اد البطارية وليها باب بقفل بس وربنا يسترها على الجميع ويفضل انك وانت خلاص بتقفل العربيه وجيت تمشى تقول (استودعك الله الذى لا تضيع ودائعه ) وان شاء اله ربنا هيحميها ليك باذن الله وده الحى الذى لا ينام و السلام عليكم ورحمة الله وبركاته |
#7
|
|||
|
|||
رد: مساعده في كبوت ال 128 (البطاريه اتسرقت )
نفس اللى حصل معايا تقريبا فى اجازة العيد بطارية عربيتي اتسرقت وكانت لسة بضمانها وقدر الله وماشاء فعل وبطارية اخف من العربية كلها والحمد لله وحسبي الله ونعم الوكيل في الحرامية كلهم
|
#8
|
|||
|
|||
رد: مساعده في كبوت ال 128 (البطاريه اتسرقت )
الحمد لله احنا معنداش الكلام ده فى اسوان خااااااااالص احنا هنا عايشين فى امان .... داحنا عندنا ناس والله بتسيب عرابيتهم بايتة فى الشارع من غير مايقفولها ويبيقوا مطمنين عليها بصراحة اللى عايشين فى القاهرة بجد الله يكون معاهم ويعينهم ع اللى بنسمعه كل يوم
المهـــم قاعدة البطارية عبارة عن مستطيل طول وعرض روح لواحد حداد وخليه يعملك 4 خوصات حديد بمفصلات ويلحمهم على قاعدة البطارية بحيث ان تكون جانب المفصلة فى القاعدة والجانب التانى للمفصلة فى الخوصة ويلحمها من جانب الطول وفى نفس الوقت ييتنى الخوصة بحيث انها تتقابل مع اللى قصادهامن فوق ويعملك فتحة فى نهايتهم تقدر منها انك تقفلهم على بعض بقفل تمام وفى نفس الوقت يحط لك خوصتين صغيرين ويلحمهم فى قاعدة البطارية برضه بس من جانب العرض بحيث ان حتى انت متقدرش انك تسحب البطارية من تحت الخوصة الحديد وهى مقفولة وربنا معاك ومع كل اللى عايشين فى القاهرة |
#9
|
||||
|
||||
رد: مساعده في كبوت ال 128 (البطاريه اتسرقت )
اخى الغالى متزعلش نفسك انا اتعملت معايا مرتين فى شهر واحد اتسرقت البطارية وكان بقالها 3 شهور ( لان اللى قبلها اتسرقت برضه ) المهم اتسرقت نزلت جبت واحدة بعدها باسبوعين اتسرقت عادى يعنى قدر الله وماشاء فعل
المهم انى بعدها كنت متضايق زى حضرتك كدة طلعت على السمكرى اللى بتعامل معاه وقلتله شوفلى حل راح مركبلى افيز للبطارية بيمسكها من تحت بمسمار 13 ومزنوق وفعلا مقرف جدا فى فكه حتة بالنسبالى انا وراح ظابط الكبوت مغطسه شوية ومن ساعتها والحمد لله متسرقتش البطارية بقالها حوالى 7 شهور |
#10
|
|||
|
|||
رد: مساعده في كبوت ال 128 (البطاريه اتسرقت )
انا عملت مصيدة انذار من اختراعى وتصميمى قربة سنتر بيت او خن تبات فيه قربة السنتر ووصله سلك لغاية جهاز الانذار ورحت موصله على فردة من الباب اليمين للسواق بحيث قربة السنتر ما تفتحش الا لما اطفى الانذار لسه ما خلصتش بعدين جبت واير وقفل ورحت عاملة بيت يدخل فيه فى الكبوت ومسقطه من تحت بحيث طرفة يبان من تحت كساحة العربية قدام وفيه قفل بيدخل فيه ويعشق فى اكصدام العربية من جوه لو حاول يفتح مش هيشوف القفل اللى هيمنع الواير يفتح ابدا الا بمفتاح القفل وده معايا لو فتح الانذار هيشتغل ولو نجح هيلاقى البطارية مكتفته بسياج حديدى عليه قفل يبقى احسنه يشوف عربية تانية
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم |
|
|