|
#6
07-04-2010, 10:39 AM
|
||||
|
||||
رد: كل ما تريد معرفتة عن زجاج السيارة ( اهداء لأاحلي منتدي )
اهلا بحضرتك أسعدني مرورك و تعقيبك لا تحرمنا تواصلك دوما برجاء قبول تحيتي 
|
|
#7
07-04-2010, 10:41 AM
|
||||
|
||||
رد: كل ما تريد معرفتة عن زجاج السيارة ( اهداء لأاحلي منتدي )
اهلا بحضرتك ان شاء الله أكمل الموضوع للنهاية و موضوع التثبيت دة يخضع لتقييم الادارة و مدي فائدة الموضوع و أثق في رأي الادارة دائما أشكرك خالص الشكر علي المرور الجميل و التشجيع أيضا و ان شاء الله نكمل الموضوع برجاء قبول تحيتي
|
|
#8
07-04-2010, 10:43 AM
|
||||
|
||||
|
رد: كل ما تريد معرفتة عن زجاج السيارة ( اهداء لأاحلي منتدي )
شكرا علي اهتمام الجميع بالموضوع و هذا يجعلني اشعر بأن الموضع لة اهمية و يستحق التكملة و هنا نضع الجزء الثاني من الموضوع الزجاج التربلكس  واضح من الاسم ان الزجاج هو زجاج ( تربل ) أي يتكون من ثلاثة طبقات تكون احدي هذة الطبقانت من بلاستيك خاص و راتنجات تسمح عند تعرضها للحرارة مع كيماويات خاصة و تكنولوجيا تصنيع معينة أن تكون شفافة وتقوم بلصق طبقتين الزجاج الي بعضهما البعض بقوة و بهذا ينتج الزجاج التربلكس و يجب أن يكون سمك الزجاج النهائي بعد التصنيع ما بين 5 مم و 6 مم شامل طبقة البلاستيك و يكون السمك الناتج هو السمك الذي تم تصنيعة في التصميم الاصلي للسيارة بمعني ان السيارة التي تصميمها يوصي بزجاج سمكة 5مم لا يمكن عمل زجاج 6 مم لها لان ذلك لا يوفر الامان والمتانة لبروز الزجاج من علي فريم او وجهه السيارة يعني محدش يقول ان الزجاج 6 مم افضل من 5 مم واكثر متانة الزجاج التربلكس يكون من 3 طبقات اثنان منها من الزجاج والطبقة الثالثة من البلاستيك كما ذكرنا سابقا وهذا يسمح باختيار الوان متعددة للزجاج النهائي وكذلك درجات لونية من نفس اللون وكمثال علي ذلك يمكن ان تكون فردة من الزجاج لونها ابيض والاخري لونها برونز و البلاستيك لونة ابيض لينتج زجاج برونز خفيف ويمكن زيادة درجة لون البرونز بجعل الطبقتين من الزجاج برونز وطبقة البلاستيك ابيض ويمكن جعل البرونز غامق بجعل الثلاث طبقات برونز كما ان البلاستيك نفسة فية درجات مختلفة من البرونز الخفيف والثقيل وهكذا يمكن انتاج درجات متعددة من نفس اللون وعلي هذا المنوال يمكن ايضا عمل اللون الاخضر والازرق والرمادي والبرونز و.............. كما أن الزجاج التربلكس يتمتع بوجود شمسية في أعلي الزجاج وتكون من نفس لون الزجاج او بدرجة غامقة عن الزجاج مثل ان يكون الزجاج ازرق والشمسية لونها ازرق ثقيل وهي تحجب الشمس او تقلل من تأثيرها وتأثير الضوء الشديد اوانارة الاعمدة ليلا والشمسية يكون السبب فيها البلاستيك وليس الزجاج فالبلاستيك هو من يحوي الشمسية و لونها وايضا كما اتفقنا سابقا يمكن عمل تركيبات لونية باستخدام زجاج اخضر وبلاستيك ابيض لة شمسية زرقاء لينتج في النهاية زجاج اخضر خفيف بشمسية زرقاء ويمكن عمل بدائل اخري طريقة تصنيع الزجاج التربلكس تختلف عن السيكوريت كثيرا حيث تكون التكنولوجيا مختلفة تماما حيث يستخدم طبقات من الزجاج وطبقة من البلاستيك وكيماويات معينة و افران بدرجات حرارة معينة وتكنولوجيا تسمح بضغط الطبقات علي بعضها عند درجات حرارة محدد وباستخدام عوامل مساعدة اخري تسمح بعدم تكون اي فقاعات هوائية داخل الزجاج وضمان ان يكون الضغط متساوي عند جميع اجزاء الزجاج وضمان الالتحام التام بين الطبقات في جميع الاجزاء مع اعطاء الزجاج البومبية المطلوب والشكل الخاص بة كل ذلك في وقت واحد وبكفاءة عالية تلبي الجودة عند درجات حرارة محددة لنجاح الانتاج بالجودة المطلوبة هذا عن الزجاج ولكن مازال هناك ما لم نتحدث عنة وهو من عمليات التصنيع وهو اضافة البلاك باند وكما ذكرنا في الجزء الاول مهمته جمالية ويمنع ظهور السليكون بشكل سئ بعد التركيب علي السيارة كما توجد في بعض انواع الزجاج جزء صغير من لون البلاك باند علي شكل دائرة او مربع او مستطيل او معين او اي شكل هندسي منتظم وجميل ويكون مكان هذا الشكل في أعلي الزجاج وفي المنتصف تقريبا بعد الشمسية ومهمتة تحديد مكان البراكيت ( وهو جزء معدني يتم تركيب مراية الصالون علية ) ويمنع ظهور القاعدة المعدنية او اللاصق من الزجاج بعد تركيبة علي السيارة من الخارج ونرجع تاني للفنيات ونقول ان فية انواع من الزجاج والحديث منها تحديدا بيكون فية سلك من مادة مخصوص وبيكون مطبوخ مع الزجاج بطريقة معينة ومنتظمة لا يلحظها الا من يقوم بالتركيز في الزجاج ومهمتة ان يكون اريال ويوجد في نهاية الزجاج في مكان محدد فيشة لتوصيل الزجاج بعد تركيبة او توصيل الاريال الموجود بالزجاج بالسيارة لجودة استقبال الارسال سواء الراديو او التليفزيون وبنفس الطريقة في بعض الانواع يوجد سلك سكرين ولة فيشة توصيل ايضا بالسيارة وتكون مهمتة رفع درجة حرارة الزجاج ليمنع تكون الشبورة علي الزجاج ويكون في الزجاج الخاص بالسيارات الحديثة في الامامي اما الخلفي فهو موجود في معظم السيارات لمنع تكون الشبورة علي الزجاج وبصراحة شديدة هو ملوش لزوم في جونا المصري او منطقتنا الا نادرا لاننا مفيش عندنا الشبورة الكبيرة والجو السئ والامطار كما في اوروبا بس احنا بنصنعة في الزجاج المنتج من طرفنا سواء المخص للتصدير او السوق المحلي المهم الزجاج بيركب علي السيارة اما باستخدام السليكون او بيكون كاوتش مش محتاج لسيلكون و دة حسب السيارة نفسها يعني كل سيارة معروفة دي تركب بسليكون و لا تركب كاوتش ومفيش مجال للاختيار لان دة من المصنع نفسة وشكل ومكان التركيب من خصائص الزجاج التربلكس انة شكلة الجمالي افضل ويمكن ان تستخرج من درجات لونية اكثر لتلبي كل الاحتياجات والوان السيارات وطيع في التشكيل بأي طريقة بصورة افضل كثيرا من السيكوريت كما انة عندما ينكسر لا يسقط من علي السيارة بل ينشرخ فقط ما بين شرخ صغير او شرخ عميق الا انة لا يسقط ويسمح لك بتكملة المشوار و هو اكثر مرونة من الزجاج السيكوريت لانة لم يخضع لعمليات التقسية كما انة عندما ينكسر او عند تغييرة لا يترك قطع زجاج متناثرة او كسر لان الزجاج يكون ملتصق بطبقة البلاستيك فمهما تكسر الزجاج يظل ملتصق بالبلاستيك  دي صورة توضح طريقة الكسر في الزجاج التربلكس  و دي صورة الكسر في الزجاج السيكوريت ومش هو الزجاج الاصلي كما يعتقد البعض ولكن فقط هو تكنولوجيا تصنيع مختلفة فقط ومفيش حاجة اسمها اصلي وتقليد فالمنتج نفسة مختلف من حيث الخامة وتكنولوجيا التصنيع والهدف النهائي وبصراحة احنا في مجموعة شركات د.جريش الي بيجي يطلب مننا زجاج ويقول عايز الاصلي مش عايز التقليد واحيانا بيقول عايز المستورد مش المصري واحنا طبعا فاهمين انة يقصد التربلكس مش السيكوريت بس دة ميمنعش اننا بنضحك مع بعض ونعتبر دي نكتة ان واحد راكب عربية موديل 2010 وجاي لشركة زجاج عملاقة وعارف انها شركة تصنيع مش شركة استيراد ويطلب منتج أصلي شرط ان يكون من تصنيع هذة الشركة التي يفتخر بها علي أن يكون الزجاج المطلوب هو المستورد الأصلي ؟؟؟؟ حد يقدر يحل لينا اللغز دة!!! كدة مبدئيا نكون القينا الضوء علي التربلكس و نكمل الحلقة القادمة مع الزجاج المدرع (( ضد الرصاص )) برجاء قبول تحيتي التعديل الأخير تم بواسطة ameer900000 ; 07-04-2010 الساعة 10:48 AM
|
|
#9
07-04-2010, 11:22 AM
|
|||
|
|||
|
رد: كل ما تريد معرفتة عن زجاج السيارة ( اهداء لأاحلي منتدي )
معلومات قيمة جدا جدا الف شكرا ليك و تحية خاصة على المجهود الجميل ده و تحيه اكبر للمنتدى الاجمل ده
(كنت عاوز اسئل حضرتك لو الزجاج تربلكس و فيه جزئية صغيرة مخبوطة زى اللى حضرتك حاطتها بس هى صغيرة و فى مكان مش مأثر خالص على الرؤية - هل يمكن اعالجها ولا اغير الزجاج كله بسببها) مرة اخرى الف شكر على الموضوع
|
|
#10
07-04-2010, 11:43 AM
|
||||
|
||||
رد: كل ما تريد معرفتة عن زجاج السيارة ( اهداء لأاحلي منتدي )
و شكرا ليك علي الرد الجميل شوف بالنسبة للخبطة دي ممكن تكون زلطة و بتكون غير مؤثرة كما ذكرت و ممكن تمشي بالزجاج شهور و ربما سنين قبل ان تحتاج للتغيير هو فقط للمنظر الجمالي و دة يخضع لتقديرك لو الزجاج متركب كويس ومرتاح علي العربية مش مضغوط او مرحل و السليكون تحتة منتظم التوزيع و كافي فان الكسر يظل كما هو و لا يتسع و لكن لو التركيب مش جيد او ان السليكون مش كافي او مهرب من اتجاة يعني الزجاج نازل علي الصاج من ناحية ( ممكن الصنايعي يكون بيوفر في السليكون ) دة بيخلي الزجاج مع المطبات و الحركة عرضة للاجهاد و بيخلي الكسر او الشرخ يتسع و ممكن يوصل للزجاج حتي اخرة لو الخبطة دي من فترة و مستقرة عند نفس الحجم و غير مؤثرة علي الرؤية فالموضوع مش محتاج تغيير و كمل بية تقبل تحيتي
|
 |
|
|
