|
برايد Pride اقدم سيارات كيا انتشاراً فى مصر تم اعادة تجميعها استنادا على موديل فورد - مازدا المسماه فورد فيستيفا او مازدا 121 ويعاد تصنيعها فى ايران وسوريا حتى الان |
|
أدوات الموضوع |
#6
|
||||
|
||||
رد: افيدونى فى شراء سايبا برايد
1-اصل فى ناس مخوفانى من الايرانى لسمعتها الوحشة فى البيجو الايرانى
2-الموتور بتاع السابيا 2009 لا تشرف علية كيا فى التصنيع دى معلومة صح ولا خطاء وحضرتك قلت ان الموتور 2009 مختلف عن موديل 2006 الى انت بتتمتلكها مختلف بس فى الانجيكشن ولا فى هيكل المتور كلة 3-وهل انت جربت موديل 2009 اعتمد على الله اشتريها ولا افكر تانى تنصحنى باية وشكرا لسعه صدرك |
#7
|
||||
|
||||
رد: افيدونى فى شراء سايبا برايد
1- مفيش علاقة بين البيجو الايرانى وبين البرايد الايرانى ديه شركة وديه شركة وديه عربية بتتصنع على نفس خط الانتاج بمكون محلى بنسبة اكبر لكن البيجو عربية متغير فى تصميمها اصلاً فمفيش علاقة او مقارنة
2- معلومة اول مرة اسمعها ومقدرش افيدك فى صحتها مواتير البرايد واحدة كلها وهى نفس مواتير Mazda B3 واستخدمت فى مازدا دومينو ومازدا 121 وفورد فيستيفا والبرايد بجميع موديلاتها الفرق بس فى الانجكشن موديل 2009 يختلف فى اضافة الباور والتغييرات الشكليه فى الخارج وفى الصالون فقط 3- مو 2009 شوفتة فى المعارض بس مسوقتهاش |
#8
|
||||
|
||||
رد: افيدونى فى شراء سايبا برايد
السلام عليكم يا ابو نورا
واحد اشتري عربية سايبا وبعت الاستفسار دة وخلاني قلقت هل عندكم رد في الكلام دة إمبارح إستلمت عربيتي الجديدة السابا و عندي سؤال يا ريت تساعدوني بارد عليه: 1-الماتور بيسخن--عداد الحرارة ممتاز بس الماتور نفسه بيسخن جامد ....لما بفتح الكبوت بحس بصهد جامد 2-عند السير علي سرعة 110 الدركسيون و السيارة كلها بدأت تترج و عند سرعة 120 بدأت أسمع صوت حاجة بترن في التابلوه المعرض قال لي إن السيارة مش محتاجة تليين هل الكلام ده صحيح يا ريت إي حد يساعدني بالرد أخوكم أحمد سمير من الأسكندرية |
#9
|
||||
|
||||
رد: افيدونى فى شراء سايبا برايد
1- سخونة العربية بتتقاس بعداد الحرارة اى شواهد تانى غير دقيقة وملهاش معنى مهم
العربية كبوتها صغير والموتور كبير نسبياً 1300 ومفيهاش عزل للمحرك كفاية فطبيعى تحس بحرارة وصهد طالع منة المهم عداد الحرارة يكون صح (بالنسبة للايرانى بين النص والتلات تربع) تشتغل المروحة ينزل للنص تانى ولو بتجرى هينزل للربع غير كده العربية بينزل فيها ترموستات تسخين علشان البلاد اللى جوها تلج مهمتة يقصر دورة المياة بتاعة الموتور فتسخن العربية فى الدوارة بسرعة احيانا الترموستات ده بيبوظ فتحصل مشاكل سخونية وحلها بيبقى انك تشيلة خالص (انا عملت كده) زى ما بيتعمل فى الادا وبس الاهم بقى ان الموتور بخاماتة ديه (وعن تجربة) بيتحمل ان العربية تسخن انا عربيتى وعربية الحاجة سخنت كذا مرة والحمد لله مفيش اى تاثير عربيات تانية مواتيرها يادوب تشم سخونية تجيب وش سلندر ديه بصراحة ميزة مهمة اوى فى العربية ديه 2- ده عيب ترصيص وبيظهر فعلاً على 110 وانت طالع وحلة انك ترصص العربية من الاول فى مكان كويس متعتمدش على ترصيص التوكيل وزى ما قولت لحضرتك قبل كده ان الجنوط السبور والكاوتش بيحسنوا الثبات كتير كمان وبالنسبة للصورت على 120 فالعربية فيها زى انزار (وده فى اكتر العربيات) علشان ينبهك انك ذودت السرعة عن 120 3- بالنسبة للتليين فالعربيات الجديدة كلها مش محتاجة تليين بالمعنى المعروف زمان بس دايماً يفضل انك تبداء مع العربية بشكل تدريجى ومتحملش عليها كتير او تحرق عليها قبل اول 1000 بعد كده براحتك خالص والميزة ان العربية عزمها كويس على rpm من 1800 - 2800 ومش محتاج تقرص عليها بعد 3000 RPM اصلاً فده برضو يخليك تحس انها مش محتاجة تليين خالص |
#10
|
||||
|
||||
رد: افيدونى فى شراء سايبا برايد
والله انا حبيت البريد من كتر كلام ابو نورا الحلو عليها. بس كنا عايزين نعرف السابا بكامptmnlo123per1127وربنا يبارك للاخ العزيز اللى هايشتريها
|
|
|