|
#951
16-09-2010, 09:04 PM
|
|||
|
|||
رد: أدب الرحلات
مبلاش والله واحد حبيبي كان شغال في الغردقة منقذ في فندق علي شاطئ وجه معايا العين السخنه وقالي جي سباق يا معلم قولتله مبلاش قالي انتا من اولها بتخلع قولتله يا عم انا جاهز وشدينا انا وهو وفي الطريق عمل نفسه قال جاله شد عضلي ومقدرش يكمل ولقيته بينهج وروحه هتطلع وشديته علي بره بدل ما يغرق ويوديني في داهيه فنصيحة متخلنيش اعمل فيك زي ما عملت في صاحبنا 
|
|
#952
16-09-2010, 11:36 PM
|
||||
|
||||
|
رد: أدب الرحلات
بــورسعـيـد
وبورسعيد مدينة جميلة بناها راجل مهندس مخبول ومغرور اسمه ديليـسـيـبـس فى عهد الخديوى اسماعيل وسميت بهذا الاسم نسبة الى فلاح اسمه سعيد لما لقى المنطقة دى كلها اراضى بور قرر يزرعها وزرع مساحة كبيرة ونط له فيها ديليسيبس وكانت الناس تقول سعيد زرع الارض البور فسميت بور سعيد نرجع لبورسعيد و من اول م تركب الاتوبيس فى الماظة ولحد م تنزل البلد تشم ريحة التجارة والتجار فى كل مكان وفى يوم بورسعيد ده اخدنا جمال (حبـيـبـى سواق التاكسى ) بتاع زمان وطلعنا على بورسعيد هنجيب شوية بضاعة من مستورد كبير هناك وكان جايب كونـتـيـنـر عطور كبير لحسابنا ورايحين نـتـفـق عليه ووصلنا بالفعل هناك وروحنا للراجل فى مكتبه بالحى الأفرنجى ولقيناه فى المينا بيخلص شوية شغل وقررنا نسـتـنـاه انا وشركائى ولأنى مبعرفش اقعد على حيـلى قلت ياواد انزل استكشف فى البلد وجمال مسك فى رقبتى وقال جاى معاك يالا ياعم جمال ولفينا فى البلد من التجارى لسوق السمك للتلاتينى لكن انا هاودت جمال وانا فى دماغى مبنى هيئة القناة وجريت اشوفه لقيت منظره حاجة ابهة صحيح يخرب بيتك ياديـليـسبس تبنيه بالابهة دى وتـتـقـنـزح علينا بعدها تقولشى بانيـه لوجه الله ولقيت معدية واقفة والناس والعربيات عمالين يركبو رايحة فين دى بور فؤاد نط ياجمال وراك ياحاج خالد ولفينا بور فؤاد كلها على رجلينا مدينة هاااااااااااااااادية خااااااااااااااالص (من 10 سنين ) جمال / يالا ياعم المغرب هيأذن وانا بخاف من الهدوء ده تـقـل قلبك ياجيمى ابدا يالا ياعم ماشى ورجعنا على المعدية وركبناها رجعنا بورسعيد تانى وطيران على الافرنجى لاننا نسينا نفسنا ووصلنا لقيت الراجل لسه جاى من 5 دقايق ولسه الجماعة فى المقدمة والسلامات والتحيات واحنا قاعدين دخل واحد كـشـر(بكسر الكاف والشين )وواضح انه ظابط مباحث الظابط موجها كلامه للمستورد بلهجة حازمة / انت الحاج فلان بتردد / أيوه انا وفتح لفة كانت معاه وقال / الحاجة دى بتاعتك ؟؟ والراجل اتخض وتردد وتلعثم (اتلجلج) / معرفش متعرفش ازاى كل السوق بيقول دى بتاعتك ممكن تكون بتاعتى وممكن لا احنا لقينا كونـتـيـنـر مرمى فى المينا ملوش صاحب وكل السوق اجمع ان دى بضاعتك ثم نظر الظابط الينا وكمل كلامه / عموما هسيبك لضيوفك وهستناك بالليل فى مكتبى ماشى ياباشا وجمال لسانه متـبرى منه وميل عليا وهمس فى ودنى بهزار / ابسط ياعم وشك حلو على الراجل دخلت عليه وجبت له ف رجليك المباحث وانا بكل حزم / بس ياجمال والراجل تمالك اعصابه ولقيته بيقول / يالا ياجماعة انا عازمكم تـتـغدو معايا فى مطعم البرج (مطعم مأكولات بحرية كبير ومكانش له فروع تانية لكن فتح فرع تانى من كام سنة فى تقاطع الطيران مع مصطفى النحاس) وطبعا بعد اصرار منه لانه كان حاجز الترابيزة من قبلها بيوم روحنا معاه ودخلنا المطعم وحصل شىء غريب جنب كل واحد مننا واقف واحد من جرسونات المطعم زى م تقول كده حارس او غـفـيـر أيه ده ياعم انت جايـبـلنا دول يراقبونا والا ايه المهم انا انكسفت واكلت من الاكل اللى اتحط ادامى وكان حاجة اسمها كفتة السمك (6 قطع بالظبط)ويادوب خلصتها لقيت الغـفـيـر بتاعى راح حاطط طبق تانى (و كل طبق تحس محطوطة فيه كميات بسيطة كأنها مقصودة وفعلا كانت مقصودة) ويادوب خلصته راح حاطط صنف تالت ورابع وهكذا وانا تعبت من الاكل ومكسوف من صاحبنا اللى واقف جنبى زى عامود النور وكل م اخلص حاجة يحط غيرها وبصيت للشركا هيموتو من الاكل ونفس القصة محرجين من الغـفـيـر وصاحبنا جمال مبقاش قادر ياخد نفسه (من التنفس) وميل عليا وقال / الحقنى ياخلود هموت والغفير ده مش عاتـقـنـى وتشجعت وكلمت صاحب العزومة / ياحاج فلان انا تعبت من الأكل وصاحبنا ده مش عايز يبطل وانا هودى الأكل فين ؟؟؟؟ ضحك وقال / هو عنده تعليمات ميـبـطلش اصناف لحد م انت تقولو كفاية والله ؟؟ اه والله طب م تقول كده من الصبح خد ياعم وروحت مدى الغفير بتاعى فوطة السفرة وقمت وكلهم قامو جرى ورايا وخرجنا بعد م شكرنا الراجل واتفقنا هنستلم البضاعة امتى وازاى وجمال لازم يشترى سمك هو والشركا والحقيقة دى عادة سيئة فيا خلصت شغل ارجع البيت بغض النظر عن البلد اللى انا فيها بتشتهر بأيـه واشترو سمك وملابس وشغلانة كده وانا اشتريت شيكولاتة بيضا مقسمة مربعات صغيرة وبس وركبنا العربية ودخلنا الجمرك ولقينا معاملة سيئة ايه يااخواننا ليكو قرش خدوه وخلاص خالتى وخالتك واتفرقو الخالات وبعد الجملتين دول لقيت شوية اشرار سابو الجمرك كله واتلمو حواليا وانت مين يافيلسوف وانت هتعرفنى ليه هتناسبنى ؟؟؟؟ ولقيت صوت بيقول / فتشو العربية ؟؟؟ وفتشوها زى م يكون مهربين مخدرات مقبوض عليهم اثناء التفتيش نادانى واحد وقال / لم نفسك شوية لان المصرى مغلوب من الاهلى بجون مش معترفين بيه والبلد مولعة اااااااااه ه ه ه هو الأهلى كان هنا النهاردة ؟؟؟ اه ماشى واتصلت بالحاج فلان الحقنا ياحاج خير مزنوقين فى الجمرك والمصرى مغلوب وانت فاهم بقى ضحك وقال / عينى 5 دقايق بالظبط هتكون مشيت وفعلا فوجئت بمأمور الجمرك بعد 5 دقايق بينادى فين الاستاذ / خالد خليفة ورديت / انا لامؤاخذة يابيه احنا اسفين اتفضلو لكن ببص على جمال اختفى ودورنا انا والشركا عليه اتاريه فى المعمعة ركن عربيته على جنب بعيد ورا عربية كبيرة كده علشان محدش يكسرها ومشينا بس بعد يوم شاق انتهى بحركة من بتوع جمال ههههههههههههههه التعديل الأخير تم بواسطة خالدخليفة ; 16-09-2010 الساعة 11:42 PM
|
|
#953
17-09-2010, 01:00 AM
|
||||
|
||||
|
رد: أدب الرحلات
مبسوطه جدا لرجوع حضرتك للكتابه تانى ويارب ما تنقطع ابدا
بس حقيقى البياعين ليهم اسلوب بردو موش اى اسلوب بردو  ع فكرة اكيد حضرتك بتحب جمال السواق دة اوى اوى وبتعزه اوى اوى ))
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#954
17-09-2010, 01:28 AM
|
||||
|
||||
|
رد: أدب الرحلات
ههههههههههههههههه ربنا يخليكى يافطومة
ده جمال ده شخصية عجيبة لكنها لذيذة
|
|
#955
17-09-2010, 04:38 AM
|
||||
|
||||
رد: أدب الرحلات
معلش يعنى يا باشا أنا أعرف أن بور سعيد أسمها port said يعنى ميناء سعيد بالأنجليزى وأتسمت على أسم والى مصر سعيد باشا زى بور فؤاد port fouad على أسم فؤاد الأول والمصريين شالوا التاء للتخفيف. وقريت معلومات حضرتك عن الأسكندر وهنيبعل, معلومة كليوباترا أنا أول مرة أسمعها فأضطريت أدور لأنى كنت شاكك أن الأثنين من نفس الفترة, لأن كليوباترا هى أخر البطالمة اللى حكموا مصر, والعصر البطلمى بدأ بعد وفاة الأسكندر بفترة. وده لينك لويكيبديا وهنيبعل كنت بسأل حضرتك عليه لأنه برضه واحد من أعظم القادة العسكريين فى التاريخ, وطارد الرومان خلال أوروبا كلها أنتقاما لكرطاجة اللى الرومان دمروها, وقتل من الرومان حوالى نصف مليون وملأ حقولهم بالدم, وكانت الأمبراطورية الرومانية هتنتهى على أيده, ده غير انه أول من قطع جبال الألب بجيشه.
ولما دورت على خالد أبن الوليد رضى الله عنه تفاجأت بضئالة معلوماتى عنه, وبعدم الأهتمام به مثل باقى القادة الأخرين, وأستفدت كتير من معلومات حضرتك وأكثر من تدويرى على النت بوحى حضرتك, وده لينك لصفحة خالد أبن الوليد فى وكيبيديا الأنجليزية. وعجبنى أوى سرد حضرتك لطرق الأحتيال المنتشرة, والشبشب أبو 25 جنيه اللى نزل ل 7,5 و5 جنيه, الفصال بقى أسلوب حياة. طب تصدق ياباشا المرة الوحيدة اللى نزلت أشترى جاكت فيها, أخدت أبن خالى معايا وهو أبن شارع يعنى ,المهم عجبنى جاكت خطيير ودخلنا نشتريه, بكام ب 450 جنيه, فاصل مع الراجل فيه ل 350 جنيه, 100 جنيه بحالها, وأنا من غيره يا كنت هامشى ياهشترى زى العبيط. بس الجاكت تحفة, لو لبسته على جلبية حتى هيقلب منظرها تماما. وحكاية البلد كلها حرامية دى برضه من نتاج نظرية المؤامرة, وعدم القدرة على الثورة اللى أتزرعت فينا, وللأسف هنفضل كده مهما حصل, شكائين بكائين, زى اللى عنده صداع والأسبرين موجود, لكن مكسل ينزل الصيدلية وبيفضل يشكى وخلاص, وكنت بفكر برضه ليه الواحد مينزلش يقول شعارات ويعمل مظاهرة, ولقيت السبب هو لامبالاة الناس, وأنى لو نزلت محدش هيقف جنبى وهتسحل لوحدى  , وهأقضى بقيت حياتى فى مارينا .والجيش المصرى فعلا من أعظم جيوش المنطقة, ومن أكثرها تضحية وقدرة على الحرب, كفاية أن التجنيد عندنا لسه أجبارى, المشكلة هى أنعدام الشفافية, وعدم معرفتنا (كعامة الشعب أمثالى) بأى معلومة مؤكدة عن الجيش ومعداته أو أعداده, وبرضه الدافع الأستشهادى للجندى لحماية بلده بيخلى الجندى لايقهر, وده فى الشعب المصرى بكافة طوائفه ودياناته, وأحد الأسباب اللى بتخلينى متأكد أننا لو دخلنا حرب عادلة من غير نووى أو بيولوجى هنكسبها. "لولا" (العربية) موجودة, بس عندى أحساس أنها بتفكر تعمل "أنقلاب" بيا, وحاسس أنى وأنا ماشى بيها هلاقى العجلة طارت وأدخل بيها فى المنصة. وربنا يخليك لينا يا كبير وتقوم من المرض بالسلامة. وأسف على الأطالة, هو الواحد بيعلق كام مرة
__________________
التعديل الأخير تم بواسطة Injection ; 17-09-2010 الساعة 05:03 AM
|
 |
|
|
.
