|
#87
14-05-2009, 07:00 PM
|
||||
|
||||
رد: حكايتى مع السيارات فى العراق !
بعد 6 شهور من العمل فى الشركه البرازيليه ! كنت جالس لوحدى ساعة مغربيه وموش نايم ولا فى عينى
النوم والدنيا هاديه جدآ لدرجة ممكن تسمع رنة الابره كما يقولون ! فجآة سمعت صوت أمى ( رحمها الله ) بتنادى على !؟؟ طبعآ أنا انهبلت ! لآنى سمعت الصوت مرتين و أنا بكامل قواى العقليه ! وبينى و بينها ألاف الكيلوميترات وتليفونات مافيش ! بعد تفكير عنيق ! قلت لآ ياواد كده جابت آخرها ! أنا عاوز أشوف أمى ! و ذهبت للمدير الكبير فى الموقع الرئيسى وطلبت منه أجازه للسفر ! فرفض بذوق لآن العقد بيقول أجازه شهر كل سنه و أنا يادوب 6 شهور ! فقلت له ببساطه اذن أقدم استقالتى ! رغم كل الدوخه الماضيه للحصول على عمل ! أتركه كده ببساطه ( عادة المصريين عامة ) ! الراجل اندهش و طلع ذوق ذوق الصراحه و قال لى خلاص انزل أجازه أسبوعين بس وكمان 6 شهور اسبوعين ! ptmnlo123per154 توكلت على الله واشتريت التذاكر بس المشكله ازاى أطلع فلوسى بره ( 6 شهور و بأقول عليهم فلوس ) ! لآن أيامها كانوا يسمحوا بتحويل نصف المرتب فقط دا لو عرفت تحوله أصلا ! والسوق السودا طبعا الدولار فيهل أغلى من البنك ! وأنا لا كنت بأصرف مليم ! موش بخل بس واكل شارب نايم فى الكامب و بعيد عن أى مدينه و ممنوع أساسا أتحرك منه علشان لو حصلت حادثه و لاحاحه لازم أكون موجود ! و اللى كاموا بيمسكوه بيغير عمله صعبه فى السوق السوداء أو مسافر ومعه دولارات كانت العقوبه اعدام على طول ! ptmnlo123per1106 والمصريين كانوا بيتفننوا فى تهريب الدولارات ! مثلا فى عمة صعيدى ! فى حبل ملفوف على هاند باج ! أسفل صور ملصوقه فى ألبوم صور ! المهم الحاجات دى أصبحت معروفه شويه ! قمت أنا جت لى فكره جهنميه ! كان معى كالكيولاتور ( وكان أيامها زى الموبايل دلوقت ) قمت فاتح البلاته بتاعته و مفضيها و حاطط دولاراتى القديمه بداخلها وحاطط البطاريات عادى وقافل الغطاء بمساميرها الدقيقه و بقت عال العال وقنت حاططها فى الشنطه وجرى على المطار ! سلمنا الشنط الآول و فى التفتيش قالوا لى ايه ده شرحت لهم و كنت ح أقولهم و جواها دولارات ! بس الحمدلله لحقت نفسى على آخر لحظه ! عدينا من التفتيش ووقفنا فى طابور طوييييييل للجواازات وكانوا بيلموا الجوازات من الناس اللى فى الطابور مره واحده علشان الناس ماتلخبطش الطابور وكل واحد يفضل مكانه ! وأنا لسه ما حصلتش نصف الطابور لقيت صوت زى الرعد فى ميكروفونات المطار بيزعق و يقول ! بولبولان يعرف عن نفسه ! بولبولان يعرف عن نفسه بسرعه لآقرب ظابط أو رجل شرطه ! ptmnlo123per144 آه جالك الموت يا تارك الصلاه ! لازم كشفوا الدولارات اللى فى الشنطه ! اعدام يا حلو و رحمة الله و بركاته ! انا لله و انا اليه راجعون ! و موش ح ألحق أشوفك يا أمه !! ptmnlo123per184 وبكره انشاء الله نشوف مع بعض اييه اللى تم فى المصيبه دى !!! Dr. Bolbolan ptmnlo123per1127 
|
|
#88
14-05-2009, 07:11 PM
|
||||
|
||||
رد: حكايتى مع السيارات فى العراق !
هههههههههههههه وقعت قلبى يا دوك منتظر بفارغ الصبرptmnlo123per172
|
|
#89
14-05-2009, 07:56 PM
|
||||
|
||||
|
رد: حكايتى مع السيارات فى العراق !
ماشى يا مخ أفندى ! ماهو الفخرانى دكتور برده !ptmnlo123per1147
و على كل حال ما تتخضش قوى أكيد أنا ما أخدتش اعدام !! ptmnlo123per154 أمال أنا بأكتب لكم من الآخره دلوقت و لا اييييييييه ؟؟ ptmnlo123per122 Dr. Bolbolan ptmnlo123per1127
|
|
#90
15-05-2009, 07:49 AM
|
||||
|
||||
|
رد: حكايتى مع السيارات فى العراق !
بس ياعم ! خرجت من الصف و رفعت يدى وجاء لى شخص متوسط الطول شديد اللآناقه ( ضابط مخابرات )
و قال لى بصرامه شديده و وجه ينطق شرآ ! انت بولبولان ؟ أ 00 أ أ أيوه ! طب امشى خلفى ! ( بطريقه آمره ) مشيت وراه و العرق يتصبب منى رغم التكييف الشديد و أرجلى بتلف على بعضها ! الرجل يمشى بخطوه عسكريه سريعه و أنا أجر نفسى خلفه ! وظل يسير من باب الى باب الى ممر و أنا أسمع أصوات الناس تتلاشى ! و كأن المطار ليس به أحد ! يعنى لو انضربت بقنبله موش طلقة مسدس ! ما حدش ح يسمع و لا ح يشوف حاجه ! قمت أنا من حلاوة الروح قلت له طب و النبى يا عم أرجع أجيب شنطتى علشان ممكن الشنطه يدخلوها فى طياره غلط و لا حاجه ! ( علشان أرجع تانى للزحمه و أطلق ساقى للريح أسرع من البوينج ) ! لكنه لوى عنقه و نظر لى شذرآ وقال لى بعنف و اذدراء فى نفس الوقت ! ما هى كل الطيارات ح تنزل فى مطار القاهره ! هى يعنى شنطتك ح تروح مطار الفيوم ؟؟ ptmnlo123per144 يابن اللئيمه ! و كمان عارف الفيوم ؟؟؟؟؟ المهم آخيرآ وصل لباب مقفول وقف أمامه و عدل بذلته الآنيقه أصلا و طرق على الباب بأدب و فتح الباب ! نظرت من فوق أكتافه لقيت رجل طويا قوى البنيان و لابس برده بذله أنيقه و جالس على مكتب فخم و برده له نظرات شرسه بس بارده ! فقال له أخينا هوه ده بولبولان ! و تركنى و أغلق باب الحجره ! ptmnlo123per1106 قال لى هذا الرجل المهيب بحده ! انت بولبولان ؟؟ أ أ أ آآآآه أنا زفت ! قام و هو جالس على المكتب قالع الجاكته ! يالهوى !! وبعدين فك أزرار أكمامه وابتدى يقلع القميص ! ptmnlo123per1106 يا ليله سوده !! دا نا ح يتعمللى ايه ؟ ptmnlo123per144 دا الراجل بقوته الظاهره دى لو رزعنى قلم واحد موش ح ألحق أقول آه ! لم أستطع حتى التفكير و أصابنى سهم الله و كأنى بأتفرج على الحاوى و هوه بيطلع أسد من هدومه !!! و حصل لى حاله كده من عدم المبالاه مع شلل الآطفال و العته ! و فجأه رفع يده اليمنى الى أعلى ! فقلت دا ح ينزل بيها على أم رأسى ! و لكنه قال بكل أدب و استعطاف ( والله يا شيخ عندى دمل تحت ابطى اليمين ) ( و يؤلمنى جدآ و موش عارف أعمل فيه ايه ) ؟؟ ptmnlo123per154 أشهد أن لا اله الا الله و أشهد أن محمدآ رسول الله يااااااااا ه ياولاد ال00000 يابن ال 000000 والله لم أشعر بفرح فى حياتى مثل هذه اللحظه ! فقلت له و أنا أتكلم كالمهروش ههههه هاها هادى حاجه سهله خالص ! اعطنى ورقه و قلم وكتبت له مضاد حيوى و مسكن و مرهم و تقبلت منه الشكر وأتارى باسبورى معاه ! قام ختمه لى وقال لى ما تقفش فى الطابور روح اركب الطياره على طول !! 00000000000 وفى الطياره دى قصه أخرى لكن مضحكه شويه و ربنا عوضنى فيها عن لحظات القلق و اليأس اللى شعرت بهم فى المطار ! باى باى مؤقتآ ! ptmnlo123per111 Dr. Bolbolan ptmnlo123per1127
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| احدث جهاز لكشف اعطال جميع انواع السيارات launch pro3 | شركة الجراج | مراكز الصيانة | 0 | 18-11-2014 03:32 PM |
