|
#891
13-09-2010, 04:19 PM
|
|||
|
|||
رد: أدب الرحلات
متقلبش عليا المواجع يا عم الحج خلينا كاتم في قلبي وساكت وبعدين انا لاقيت نفسي عاطل لمدة 4 ايام فقولت اعمل حاجه مفيده وملقتش حاجه تفيدني اكتر من مواضيع خلوده 
|
|
#892
13-09-2010, 04:59 PM
|
||||
|
||||
|
رد: أدب الرحلات
حكاية عـجــل (بكسر العين )
وعمك حسنين راجل حبـيـبـى وراجل كريــــــــــــــــم جدا لكن عنده ابن بخيـــــــل جدا متفهمش ليه وكان عنده محل كبير فى جرجا اكبر مراكـز سوهاج (اتكلمنا عليها قبل كده) ولكنه مقيم فى بلد قبل جرجا وانت جاى من سوهاج على جرجا اسمها لا أذكره الأن وكان قريبا منهم بلد اسمها البربا (بكسر الباء الاولى وفتح الثانية) وهى بلد مشهورة بالانتاج الحيوانى الغـزير وبها سوق كبير للبهاائم (اعزكم الله) مثل التوفيقية فى الوجه البحرى (بعد كفر الزيات) المهم فى يوم ذهبت لعمنا حسنين فى المحل قالو فى البلد فكلمته فى التليفون فقال / معلش تعالى على البلد بسيطة ياعمنا وركبت بعد نص ساعة ازيك ياعم حسنين مهموما / الله يسلمك مالك الواد باعتـه من الصبح بدرى يشترى عدم المؤاخذة عجل جاموس من البربا و مجاش لحد دلوقت (لم يكن المحمول انتشر مثل هذه الأيام ) الغايب حجته معاه حجته ايه بس .... ده خرج من 9 الصبح والساعة 4 دلوقت واحاول اهدى الراجل مفيش فايدة بعد نص ساعة دخل ابنه ماشى على رجله وجنبه العجل وجرى عليه ومسك الشومة ونزل فيه ضرب وجريت احوش عنه هدى اخلاقك ياحاج لكن طبعا صاحبنا كان كالثور الهائج وطبعا لطشنى واحدة بالشومة وجات فى كتفى وكمل على ابنه وبحوشه راح لاطشنى التانية بدون قصد وتحاملت علشان نخلص الموضوع لكن التالتة جات فى العجل والعجل زعل (صحيح ذنـبه أيه فى الليلة دى) وراح معدول ولف واتدور وترااااااااااااااخ نطحنى فى ضهرى وانا طرت الى الامااااااااااااااااام وووقعت على الارض زاحفـااااااااااا هنا صاحبنا فاق و ساب ابنه وجه يجرى عليا وهوماسكنى بين ايديه شخط فى ابنه / غور دخل العجل على الزريـبـة وابعت اخوك يجيب دكتور وجه الدكتور ووقال لازم انام على كنبة خشب على ضهرى لمدة 3 ايام وكتب ادوية وعلاج للجروح وربط دراعى لان كان فيه جزع وبعد 3 ساعات عصـيـبـة سـألنا الواد /كنت فين فرد بغباء متناهى /بشترى العجل وابوه كان هيقوم يغتاله انا / اعمل معروف مفيـاش حيـل احوش فكظم غيظه لكنه سأل الولد مرة تانية / كنت فين وبمنتهى قمة الغباء اللى فى العالم / كنت بشترى العجل وأنا مسكت نفسى بالعافية عن الضحك لانه مكانش بيهرج كان بيتكلم بجد جدااا وأبوه قام هيموته انا / صلى على النبى ياحاج عليه الصلاة والسلام اللهم طولك ياروح وشخط فى ابنه / كنت فين ياد ولو جلت (قلت) بشترى العجل هطلج (هطلق) امك انا نائما على ظهرى / وامه مالها بس هيا اللى جابته (منطق برضه) الولد / روحت اشترى العجل وبعد م اشتريته جلت (قلت ) البلد جريـبـة( قريبة) مفيش داعى ناخد عربية للعجل (انا سبق وقلت عليه بخيل جدا رغم ان ابوه كريم جدا) الوالد / وبعدين الولد /ومشيت فى الشارع والعجل جنبى وبعدين واانا ماشى نط على غيط واحد من الناس اكل منه وصاحب الغيط زعل وكانت عركة كبيرة وفى الأخر دفعنى تمن الخضار اللى اكله العجل الوالد / وبعدين مشيت وجنبى العجل وجينا فى بلد جنبنا...... العجل خبط عيل صغيره واتخانقت مع اهله ومشيت وبعدها بشوية العجل خبط كام قفص فاكهة لواحد فارش فى الشارع بوظهم وبعد خناقـة دفعت تمنهم ابوه وقد اصابه اكتـئـاب تقريبا ودفعت كام ياحيلة أمك ( الحيلة هو الابن الوحيد وغالبا مايكون دلوعة امه ولايفقه اى شىء وهنا قيلت للسخرية لان الراجل مخلف 5 ماشاء الله) كله ؟؟؟؟ الوالد وهو فى قمة الغيظ / ايوه طبعا اومال نصه بتردد/ 150 جنيه وهنا انفجر الأب ده السوج (السوق) جنبينا اتخن عربيه هتاخد 50 جنيه وانت بـسبـب بخلك دفعت 150 جنيه والله العظيم ..... قاطعته من فوق الكنبة / استنى ياحاج خير متحلفش اعمل معروف هو اتصرف على اد م يعرف على كد ( اد ) م يعرف كيف ؟؟؟؟ ده اتخن من العجل اللى هو مشتريه ده بخيل وحمار ومبيهونش عليه الجرش( القرش)و.........و........ .....و....... خلاص ياحاج وحد الله لا اله الا الله فيـــــــــــــــــن على م سكت وطبعا نمت عندهم 3 ايام زى م قال الدكتور وللحق كان كريما جدااااااااا لكن لاحظت فعلا ان ابنه ده مبـيـهونش عليه يصرف حتى على نفسه ومش عارف هيتجوز ازاى ده واهل مراته هيقولو عليه ايه وخاصة انى عرفت انه خاطب وانا ماشى من عندهم طبعا انكسفت اطالب بالدفعة بتاعتى لكن الراجل كان كريما وقال عطلناك 3 ايام فلازم نديك فلوسك كلها مش الدفعة بتاعتك بس وراح مطلعلى كل المبلغ اللى عليه لكن طول الطريق للقاهرة (لانىمشيت من عندهم محتاج راحة اسبوع تانى ) وانا بضحك على الكريم اللى مخلف بخيل جلدة التعديل الأخير تم بواسطة خالدخليفة ; 13-09-2010 الساعة 05:17 PM
|
|
#893
13-09-2010, 05:35 PM
|
||||
|
||||
رد: أدب الرحلات
__________________
حـازم خـضـر
|
|
#894
13-09-2010, 05:59 PM
|
||||
|
||||
رد: أدب الرحلات
كنت لسه بتكلم مع والدي في الموضوع دا امبارح بالليل و احنا راجعين من فرح و داخل شارع(جنب الكموني بتاع العربيات اكيد عارفه) و لقيته بيقولي حاسب قولتله دا عامود علي حفره انا واخد بالي و دا بعد ما عديت., لقيته بيقولي لا دا عمود خرسانه علي الارض و مصبوب عليها و الكموني حاطه علشان العربيات بتاعه!!!!! تصور حاطط عموا في نص الشارع و لا كأن الشارع بتاع اهله النهارده الصبح اول مشوار عملته روحت عملت فيه بلاغ في المرافق علشان يبقي عبره لمن لا يعتبر لقيت امين الشرطه في منتهي البلاهه بيقولي اطلع اكتب مذكره بره قولتله اولا انا مش حقولك انا مين ولا ابن مين ثانيا لو ما عملتش المحضر و البتاع دا اتشال انا حصور العامود و حبعت صورته علي سايت وزاره الداخليه و اعرفهم باللي حصل و حكتب اسمك و اهو قدامي اهو اقول انك رفضت تستلم مني البلاغ و انت عارف كويس دا يبقي معناه ايه. لقيته بيزعق و بيقولي انت بتهددني قولتله اهدد مين يا سياده الامين انا اكبر من كده بس انا حقي ان الشارع يبقي نضيف و من حق كل الناس انها تمشي في شارع سليم و حقي و حق الناس حاخده و حتشوف انا حعمل ايه....طبعا ازداد غضبا و قعد يتكلم و يعلي في صوته قولتله احترم الكرسي اللي قاعد عليه و الله لو طلعت من بقك كلمه كده ولا كده مش حقولك رد فعلي عامل ازاي و كل دا و لقيت الضابط داخل في منتهي الهدوء وو علي وشه ابتسامه و بيقوله خير يا امين محمد قاله يا باشا جاي الاخ بيتهجم عليا و بيبجح في الكلام قولتله اولا انا اسمي الاستاذ حازم و بعدين هو انت بتسمي اني جاي اقدم بلاغ دا تهجم عليك و سكت خالص و الضابط سالني فيه ايه قولتله الوضع كذا و كذا و كذا(و قولت اطينها علي دماغه) و لقيت الامين لما جاي اقدم بلاغ بيقولي اطلع اشتري لنا رزمه ورق كأني داخل قسم و متهم انا مش فاهم الصراحه. الامين بقي واقف متنح و بيقولي انا قولتلك كده قولتله اااااااااااااااه قولت كده هو انا حجيب كلام من عندي ليه انا واحد داخل المرافق لا اعرفك ولا تعرفني ايه اللي يخليني اتبلي عليك يعني. المهم خلصت الموضوع مع الضابط و عملت المحضر و انا مروح اشوف العامود اتشال ولا لسه  فعلا المشكله بقت مشكله اخلاق و الحكومه انصرفت عن الشعب و بقي كل واحد عاوز يعمل حاجه بيعملها و دا اكبر غلط. و برضه من كام يوم بتناقش مع واحد صاحبي في الموضوع دا و بيقولي الوضع المادي هو السبب في تدني الاخلاق و انا اقوله لاء دا سلوكيات الناس. المهم في نفس اليوم سبحان الله قاعدين في نادي البلديه و قاعد في الترابيزه اللي جنبنا شويه شباب سيس كده و اعمارهم من 18 الي 20 سنه و عاملين صوت عالي و قلق و حاجه قرف. و واحد منهم قاعد علي الترابيزه و حاطط رجليه الاتنين كل رجل علي كرسي!!!! يعني الناس تقعد تدور علي كرسي و البيه دا قاعد علي ترابيزه و كرسيين لوحده ... المهم بتاع الامني جه و بيقوله انزل من الترابيزه و اخينا بيبص له باستغراب و باستخفاف منقطع النظير لمجرد انه فرد امن و برضه ما ينزلش في الوقت دا ما قدرتش امسك نفسي و قولت للواد يا كابتن انزل من علي الترابيزه و اقعد علي الكرسي لقيته بيبجح معايا و بيقولي في حاجه هيا ترابيزتك؟؟ قولتله مش ترابيزتي بس اقعد علي الكرسي زي البني آدمين المحترمين لقيته بيقول يعني انا مش محترم قولتله انت ادري بنفسك و سكت و انا اسف اني ضايقتك و سيبته قاعد و روحت لعضو مجلس اداره في النادي و انا عارفه و وقولتله بيحصل كذا و كذا قام متصل بمدير الامن و قاله يجي معايا و لقي الواد قاعد علي الكرسي و منعه من دخول النادي اسبوع و سحب كارنيهه شباب مش متربي!!!!!
__________________
حـازم خـضـر
التعديل الأخير تم بواسطة hazem_khidr ; 13-09-2010 الساعة 06:06 PM
|
|
#895
13-09-2010, 06:08 PM
|
||||
|
||||
|
رد: أدب الرحلات
معتقدش انه هيتشال لان الكمونى من الناس التقيلة اللى بتدفع كويس وهل تعتقد ان المرافق مش عارفين اصلا العامود ده ؟؟؟ وأصلا المنطقة هناك مكسرة ومتعرفش تمشى فيها لحد أبو شاهين
عارفينه طبعا وبيعدو على الكمونى ياخدو المعلوم وغالبا محضرك لم يقيد فى الدفتر برقم احوال يعنى عمل المحضر ادامك وقطعه بعد م مشيت لكن المحضرعلشان يكون له قيمة لازم يقيد فى الدفتر برقم احوال ويديك رقمه للاسف دى مشكلة اخلاق وللاسف انى فوجئت بناس كتير تعانى من موضوع الاخلاق ده طيب لما كلنا بـنـعانى يبقى كل واحد فينا يبدأ بنفسه لكن المشكلة التانية ان كل واحد مستنى غيره هو اللى يبتدى ودى غلطة تانية
|
 |
|
|
