رابطه ( قول معاك كام و انا اقولك تجيب ايه بفلوسك )

[The-Pirate]

مساء الخير
اولا احب اتشرف جدا باشتراكى فى المنتدى العظيم دا
ودى اول مشاركة لى فى المنتدى واتمنى انى اكون عضو مفيد

ثانيا
اتمنى ان حضرتك تفيدنى
انا محتاج عربية فى حدود 15 الف هتبقى استعمال عائلى
شبه خفيف يعنى ممكن للشغل وترجع السفر فى بعض الاحيان
انا بصراحة محتار بين فيات 132 ولادا 2105
اتمنى من حضرتك الافادة ولو ممكن حاجة افضل فى نفس السعر

[YahiaAshraf]

المشاركة الأصلية كتبت بواسطة The-Pirate مساء الخير اولا احب اتشرف جدا باشتراكى فى المنتدى العظيم دا ودى اول مشاركة لى فى المنتدى واتمنى انى اكون عضو مفيد ثانيا اتمنى ان حضرتك تفيدنى انا محتاج عربية فى حدود 15 الف هتبقى استعمال عائلى شبه خفيف يعنى ممكن للشغل وترجع السفر فى بعض الاحيان انا بصراحة محتار بين فيات 132 ولادا 2105 اتمنى من حضرتك الافادة ولو ممكن حاجة افضل فى نفس السعر

اوك تمام

عندك الفيات 132
بلاش اللادا
و عندك الفيات ريجاتا بس لو زودت المبلغ ل 18 الف

و عندك لو عاوز حاجه حديثه سوزوكى ماروتى
تحياتى

[YahiaAshraf]

المشاركة الأصلية كتبت بواسطة ahmed naeem السلام عليكم ورحمه الله وبركاته معايا اسبرانزا 516 موديل 2008 وعايز عربية اتوماتيك موديل عالي بس فرق السعر ميكونش كبير

ممكن تلاقى فى الهيونداى فيرنا
لان باقى الموديلات غاليه شويه

[Mossad Kassem]

المشاركة الأصلية كتبت بواسطة Mossad Kassem الاستاذ يحيى,,, ارجو منك ان ترد على سؤالى هذه المره لانك لم ترد عليه حتى الآن منذ ان ارسلته لك من حوالى اسبوع. سؤالى كان هل بامكانك ان تساعدنى فى شراء دايهاتسو تريوس اتوماتيك موديل من 2004 الى 2007 مع العلم بانى نازل مصر اجازه بعد عشرة ايام ومحتاج اشترى العربيه ديه بسرعه. علشان كده ارجو منك معرفة سعر العربيه ديه. اشكرك مقدمآ يا يحيى على ردك مع شكرى الجزيل لك......اخوك,,مسعد

تمام يا يحيى,,,
انا عايز اعرف تمن الموديلات الاتيه. موديل 2005 و موديل 2006 و موديل 2007. شكرأ جزيلأ,,,

[ابو زين و بدر]

اولا ازيك استاذ يحيى ثانيا انا معروض عليا سيارة ستروين axموديل 95 ب19500 وسوزوكى ماروتى2002 ب21000 كنت عايز اعرف راي حضرتك فى الاسعار وقطع الغيار بالنسبة للستروين غالية ولا لاوترشحلى ايه اكتر