المختصر المفيد في الإلانترا الجديد

[alymonir]

خلاصة الكلام
كلمة السر : غبور
العربية دي في ظل الظروف اللي البلد فيها ( جمارك و ضرايب و خلافه ) الفولي لودد اّخرها 130 ألف

[oceanboy425]

والله حراااااااااااااااام
ده على اساس انى اقل عربية المانى يعنى بكااااااااااام

[abdulkhaleq]

المشاركة الأصلية كتبت بواسطة shisho117 يا جماعة انا بجد حتجنن ازاي في ناس لسة بتفكر بالشكل دة - طبعا مع احترامي لجميع الاراء - بس المسالة بقت بجد شغل هبل في هبل, ناس بتنزل عربيات بدون ادني وسائل الامان وبسعر خرافي وناس بتنزل عربيات من فئة اقل وبسعر اكتر من الفئة الاكبروناس بتنزل عربيات كوري باسعار مبالغ فيها (اللي هي سبب انتشارها اساسا هو ميزة فارق السعر الكبير عن الصانع الاوربي), والمصيبة الاكبر انة في ناس بتشتري وبتدافع كمان علي الاستغلال, انا كل اللي حقولة اني حسيب تحت مشاركة ليا كانت في موضوع عاملة منسق مبيعات قسم هيونداي وللاسف ماردش علي ولا بند واحد من اسئلتي, وحسيب ليكو الرد يمكن انا اللي عايش في دنيا لوحدي, المشاركة كانت كالتالي: لما تكون عربية تمنها برة 13000 دولار يعني 78000 جنية تقريبا دة متضمن مكسب البياعين برة بردة , وحوالي 50% جمارك وضرايب يعني تفريبا 110000 جنية وتتباع ب 165000 للمواطن المصري يعني مكسب حوالي 55000 جنية في العربية (مع العلم باني حاسب ضمن الشعر مكسب البياعين برة وضاربة كمان في 2) دة يبقي اسمة اية؟ (يبقى اسمه استغلال وسرقه, ومع إحترامي لحسبة حضرتك أنا لسه قاري موضوع تاني تقريبا على مصر موتورز برضه بيقول ان التوكيلات دي اصلا مش بتدفع جمارك العربيه كامله وانه يدوب بيدفع عليها 15 أو 20 ألف جنيه, الله اعلم بالحقيقه لكن في ظل نظام افتح الدرج ومشي حالك ممكن جدا اصدق) لما تكون السيارة الاتنرا اللي سبق دكرها في النقطة السابقة بتنزل بمواصفات اعلي بكتير من اللي عندنا حتي الموتور بينزل GDI والناس هنا تاخدها بتكنولوجي قديمة موتور قديم MPI وتنزل با تنين اير باج بدل 8 وبدون الاوتو باركنيج بيقي دة اسمة اية؟ (ده بقى اسمه تهريج وضحك عالناس, بحجج مختلفه بس اسطمبات جاهزه وحفظناها ومللينا منها, زي ان التكنولوجي العالي مش مناسب للمصريين عشان هما بصمجيه والخبراء الاجانب جم وعملوا دراسه للشوارع والسواقين واكتشفوا ان الانسان المصري آخره كارو 2 حمار) يعني الناس اهم خايفين علينا برضه لما الوكيل يستهبل الناس ويديهم ضمان 3 سنين وبرة ضمان الهيونداي 7 سنين في اوروبا او حتي الخليج يبقي اسمة اية؟ في ظل تكالب الناس على منتج معين (طبقا للإشاعات من نوع بيقوللك وكده) اكيد الوكيل هيسرق واحد بيبيع الهوا في أزايز والناس بتقتل بعض عليها مش عايزه يغللي ؟؟ لما نص شركة هيونداي التاني اللي هو KIA تنزل عربية زي السيراتو واللي اسعارهم علي النت واحدة برة وفي الخليج ويبقي سعر الهاي لاين في السيراتو 129000 جنية واختها من نفس المصنع تبقي ب 165000 جنية يبقي اسمة اية؟ (نفس رد نقطه 4) لما الوكيل يشيل كل وسائل الامان القياسية من العربيات وطظ في امان الناس واولادهم وحياتهم, ولما تسال العربية دي فوق ال 100000 جنية لية يقولك دي كاملة تكييف وباور وسنتر, ههههه دة علي اساس ان دي كماليات مش اساسيات بتنزل في اي عربية بمواصفات قياسية او علي اساس اني دافع فوق ال 100000 جنية علشان اخد عربية من غير باور ومن غير تكييف, دة يا راجل بيشيل حتي حلية هيونداي الليي بتبقي علي الدركسيون علشان يوفر , بالذمة يبقي اسمة اية؟ ماتقلقش من الكماليات قدام شويه بإذن الله هتكون الكماليات دركسيون و 4 فرد كاوتش, أما عن الأمان فحدث ولا حرج لما الوكيل يغلي سعر العربية علشان فرق سعر العملة ولما تنزل العملة تاني ما ينزلش سعر العربية, يبقي اسمة اية؟ (لو تفتكر فيلم الكيف, ننزلها شعبي, ولما يبقى ليها زبونها تعمل لنفسها سوق وتغلى) مع ان الموضوع هنا تجاوز فيلم الكيف جدا, بس هقول ايه, حماية مستهلك مفيش, اجهزه رقابيه نايمه, تفكير مستهلك....... لما الوكيل يغلي سعر العربية 2000 جنية ويجي بعدها بشهرين ويقول فرصة تخفيضات 2000 جنية لفترة محدودة, يبقي اسمة اية؟ (............) لما الوكيل ينزل عربية كوري ب 165 الف جنية ويدخل في فئة الاوروبي الخالص يعني تركب فليوننس وتوفر 15000او لو زودت 8000 جنية ممكن تركب جولف 6موديل 2012, او حتي اوكتافيا فانتازيا - مع احترامي لتطور الصانع الكوري- الا انة صعب جدا المقارنة مع الصانع الالماني سواء من جودة او عمر افتراضي او امان, بجد شتان في المقارنة,حتي في اسعارهم خارج مصر, يبقي دة اسمة اية؟ (برضه.................) انا بقي عايزك وعايز الاعضاء المحترمين يردو ويقولو اسمة اية؟ لاتعليق

أستاذي الفاضل
اشكر ردك جدا وان كنت خايف لا تلاقي ردود من اللي لاقيتها انا في أول الموضوع من انك مش عايز الناس تعيش ومفتري وعشان ربنا مديك مش عايز الغلابه يركبوا ( ب 160 الف ههههه)
رديت على أسئلة حضرتك في الاقتباس من وجهة نظري المتواضعه بعد ما لفيت عالعربيه البلاستيك دي
وجهة نظرك ونظر الجميع تحترم حتى اللي خالفوني في الرأي, لكن انا كنت نفسي واحد يخالفني برأي علمي أو عملي, لكن للأسف ما اظنش.. واحنا بإيدينا اللي وصلنا نفسنا ان واحد في المبيعات يكون رده على عدم وجود ديسكات خلفيه للفرامل (ان العربيه طويله وهتعوّم)
معلش يعني واحد بيبوس إيدك وبيقوللك أرجوك إشتغلني, تعاملك معاه هيكون إزاي ؟؟
يعني تخيل مثلا لو انت معاك إلانترا الشكل القديم ولو سعرتها دلوقتي جابتلك 70 ألف, هاتلي سبب واحد يخلليك تغيرها بالجديده (أم 160 ) !!!! واديني اهه جايب أختها عشان ماحدش يقوللي الماني وياباني والكلام ده

إحنا اللي عملنا كده في نفسنا للأسف في المجال ده وفي مجالات تانيه كتير كمان فيها حد بيفكر يستغللنا كمستهلكين
وأخيرا موضوعي ده مش هجوم على اللي بيركبوا العربيه دي, ولا بحاول اوقعها, ولا داخل او خارج من جيبي ملليم
ولو العربيه دي كانت نزلت أخت اللي في كوريا وبسعر منافس أكيد كنت هقول فيها كلام زي الفل, العربيه دي مش واخده من ورثي يعني !!
لو واحد معاه 40 ألف وعايز يجيب عربيه غالبا هتكون كوري
وهنا ال price over value هتكون منطقيه
انما اللي غبور بيعمله ده من رفع أسعار في الفئات الأقل زي علبة السردين اللي اسمها الجيتز وصولا لمهزلة الالانترا ده كلام فاضي فاضي وأتحدى اي حد يثبتلي العكس
وموضوع صيانة الكوري بالنسبه للناس اللي بتتكلم على صيانه الماركات التانيه
اظن اللي عمل صيانه للكيا مثلا شاف فواتير ب 2000 جنيه, وحتى ده بقى عادي ومقبول وهيدفع وهو مبسوط !!!
ليه ماحدش عايز يفكر وليه بقت كل حياتنا أمور مسلّم بيها ؟؟ الله اعلم !!
وبرضه لسه في ناس بتتكلم في الصيانه !!

[abdulkhaleq]

المشاركة الأصلية كتبت بواسطة khaabas يا باشا الصانع الالمانى الخرافى اللى بتقول عليه اتفرج على العربيات الجيتا ال نزله بعيوب فى الفتيس وشوف الموضوع ده http://www.masrmotors.com/vb/showthread.php?t=44392 يعنى من الاخر سيبك من الالمانى خلاص زمنو انتهى ثم العربيات الكورى اثبتت انها اكتر اعتمادية من الالمانى والاوربى فى اوربا نفسها وشوف التقرير دى http://www.masrmotors.com/vb/showthread.php?t=71480 لكن الكلمة اللى الكل بيقولها السييارة الكورى عمرها ما تحصل الاوربى فاحب اقول انها تفوقت موش لسه هاتتفوق على العربيات الاوربى

أستاذي الفاضل أهلا بيك
رميك للألماني كلله بعيب ظهر في موديل او توكيل في مصر هو زي اللي يقول على أي حد ملتحي مش كويس لمجرد انه مره قابل واحد حرامي بدقن
اه كانت العربيه دي فيها عيب واعرف واحد (شخصيا) كان معاه باسات بنفس الفتيس والتوكيل غيرها غصبن عنه بعد ما راسل الشركه الأم في المانيا
يعني انت نسيت الثبات والنعومه والكماليات وبتتكلم على مشكله واحده ظهرت في تكنولوجيا جديده, الله اعلم نازله كده ولا سوء استخدام
وعموما احب اطمنك بالنسبه للمشكله دي اتحللت في الموديلات الجديده
وكمان حاجه كده على جنب انا رديت على حضرتك في المثال اللي ضربته بس عشان اقوللك الحقيقه
انما اصلا مافيش وجه مقارنه بين عربيه كل شئ فيها تكنولوجي وعربيه يادوب ماشيه بمبادئ الميكانيكا
وبين عربيه عمرها الافتراضي 300 ألف كيلو
وعربيه تانيه عند ال 100 ألف خلاص بتكون جابت آخرها
وأنا طلبت من حضرتك وهطلب تاني معلش
اديني اثبات ان السياره الكوري (في مصر) تفوقت على الألماني (في مصر برضه)
بدلائل وكلام عملي لأن في الاول والاخر العربيه شئ تكنولوجي كما يفترض فالكلام والمقارنات تكون علميه شويه مش مجرد شعارات
في انتظار ردك

[HEKAYA]

السلام عليكم
كل سنه و انتم طيبين
أنا اشتريتها و ركبتها مجبرا عليها كنوع لأسباب خاصة
و لو كان بايدى كنت جبت الفوكس أو الميجان...أو حاجات تانيه كتير أخيرها التويوتا
أنا نازل من لانسر 1600 مانيوال ايرباج ا بى اس وكيل
عملت بالالانترا 2000 كم
السيارة قبل صيانة ال1000 كانت 8.1 لتر كل 100 كم الآن 12 لتر كل 100 كم
صيانات دورية كل 5000 ب 160 جنية للصيانه اللى مبيعملوش فيها حاجه
العربيه واطيه
التابلوه و خصوصا الكونصول اللى فى النص خاماته رديئه
السيارة كاداء أفضل من اللانسر سالفة الذكر
التوكيل تجارى بحت يعنى مش بيربى زبون هو اكتفى و عالرف انه مش هيقدم نجاح جديد فى الكورى فبدأ يوجه مجهوده لأنواع تانيه زى المازدا لكن هو مش هيفرق معاه الزباين يزعلوا يولعوا يقلل سعر العربيه و يخرب بيوتهم أو حتى يروحوا يصينوا بره للزحام الشديد و اللطعة ...خلاص هو مل النجاح مع الماركة و الزبون ده عايز مستويات تانية عكس كيا لسه بيكافحوا أو بيجو لسه بيدوروا على الزبون أو حتى رينو عايزين الزبون يعرف ان ليهم كونسبت اقتصادى...بتوع تويوتا بردو زى غبور ده رأىي