سايبا تيبا 2014 !!!

المشاركة الأصلية كتبت بواسطة أيمن الروبي بسم الله الرحمن الرحيم انا اسف للتأخير بسبب ظروف شغلي انا وديت العربيه للتوكيل في 6اكتوبر يوم السبت 8مارس 2014 وكانت عامله 1950 كم بسبب سفري كتير وظروف شغلي والمسافه دي تم قطعها في 10 ايام والعيوب اللي ظهرت عدم استقرار الار بي ام علي السلانسيه واتحلت هناك والابواب تقيله في القفل بس مردتش اقولهم عليها علشان كنت مستعجل وكان في مساعد امامي شمال ضرب من والدي كان راح بيها مشوار ونزل بيها في حفره غيرت زيت توتال 5000كم وفلتر ب 147.5ج وغيره المساعد بسوسته ببلاش بعد جدال لبعض الوقت لأن قطع الغيار مش في الضمان بس انا استعبطت عليهم وقولتلهم اني استلمتها من السواق وانا برخص كده وتم تربيط العفشه الصراحه مكنتش مرتب اعمل في الصيانه دي بس كان اهم حاجه بالنسبالي تغيير الزيت والمساعد وقد كان بس ناوي ان شاء الله لو ظهرت حاجه هكتبها علشان منسهاش وافضي نفسي يوم واروحلهم وفي العموم العربيه كويسه الحمد لله جدا ومفيهاش العيوب اللي بتظهر في عربيات تانيه قبل الالف كيلو صوت الموتور بعد 4 ار بي ام عالي شويه اقصي سرعة مشيت بيها لحد دلوقتي 150كم بس مبقتش احب اجري كتير وكان ثباتها تمام اوي وللعلم هي دونجل خلفي وده عامل مركز ثقل في الخلف العربيه عاليه كويسه في المطبات الغبيه ده تقرير مختصر بسبب الضغط في الشغل واي استفسار جاهز وياريت اللي عنده العربيه دي يوطي الدبرياج شويه ودي كانت نصيحه من كارز ادماير في محلها هتلاقي فرق في السحب وراحة الموتور والفتيس وعدم التنتيش وبالتالي متضرش قواعد الموتور ويفضل يروح وييجي وسلامي مؤقتا

طيب خود بالك بقى ودي كانت نصيحه من كارز ادماير في محلها !!
في بقى نصايح ليا مش فى محلها كمان !!

[announcer]

الناس فى التوكيل واطوا الدبرياج كحل لصوت الخشانة اللى فى الغيار الاول...لكن هى لسه موجودة بس أقل...هل من نصائح؟؟؟

ثانيا : الغيار الاول بمشى بيه لحد عشرين ك والتانى لحد 40 بالعافية والتالت 60 كده مقبول ولا العربية سحبها يبقى مش حلو؟؟

snow biker

[announcer]

هو الناس اللى فى الصفحة باعوا العربيات ولا ايه..؟؟؟؟

[Hisham.Elgazzar]

المشاركة الأصلية كتبت بواسطة announcer هو الناس اللى فى الصفحة باعوا العربيات ولا ايه..؟؟؟؟

لأ يباشا محدش باع وماحدش بيشترى كاش دلوقتى كلها بقت اقساط يبقى هيبيع ازاى بس
انت بتقول السرعات دى على كام ار بى ام 20 - 40 - 60 نصيحة بلاش تقرص ع العربية فى الأول