معرفة اي حاجه عن تركيب السيراميك

[حمدي 84]

المشاركة الأصلية كتبت بواسطة ابوشروق السلام عليكم ورحمة الله وبركاته أخى الفاضل حمدى كل عام وانت بألف خير وحشتنى والله ياحمدى ربنا يطمنا عليك أبقا أتصل ياعم أنت نسيتنا ولا أيه والله ينور عليك فى الرد والشرح الوافى لسؤال أ. بنت الجبرى أعانك الله ووفقك أخوك فى الله أيمن أبو شروق

وعليكم السلام ورحمة الله وبركاته وانت بكل خير وصحه وعافيه انت احلي طبعا علشان لوقلت اوحش لها اكثر من معني وان اقصد المعني الحسن وهي صيغة التفضيل والمبالغه من وحشتني وانا الحمد لله في نعمه وعافيه وطبعا فيه ناس ان قصرنا معهم لاني اهل لذلك الا ان لهم مكانا في القلب وطبعا الواحد مع اهل الكرم لا يبالي لان كرمهم بيجعلهم يعذروا الشخص وان لم يكن له عذر وعليك انار من النور لان لها معنيين ايضا وطبعا الشرح الوافي ده مجامله من حضرتك واحنا بنتعلم من حضرتك امين ولك بمثل واشكر علي الكلام الطيب اللي انا ما استحقه وهو عندي غالي وربنا يباركلك ويمتعك بالصحه والعافيه

[حمدي 84]

المشاركة الأصلية كتبت بواسطة momen_bondok السلام عليكم يا أستاذ حمدى جزاك الله خيرا على هذا الموضوع الذى نفتقد مثلة دائما كان عندى سؤال لحضرتك انا حضرتك دلوقتي هركب سيراميك الشقة هى على المحارة فالمهم عندى ردش ناعم كثير فلما جة الكهربائى قال لي الأفضل تكون على الخرسانة وتجيب رمل علشان تركيب السيراميك وواحد تانى قال لي إنى كدة هحتاج رملة كثيرة جدا لان الارض نازلة حوالى 20 سم فقالو لي أخلي الردش الناعم واجيب فوقة رمل علشان ما اتكلفش كثير فإية الصح إنى اخلى الشقة على الخرسانة واجيب رمل ولا اخلي الردش الناعم واكمل علية برمل علشان التكلفة ؟؟ وبارك الله فيك

وعليكم السلام ورحمة الله وبركاته وخيرا جزاك الله الصح من وجة نظري انك تخلي الردش وتجيب عليه رمل لا نه هيوفر عليك اجرة تنزيله وهيوفر عليك رمل وليس له اي ضرر يذكر هو ممكن لو عالي يضايق الصنايعي شويه لكن الافضل انك تسيبه وانا اشتغلت عليه كثير ولم اري له عيب ولا احد اشتكي منه بل اكثر من ذلك اني في بعض الاحيان اشتغل بالمونه بدون هز الرمل ويكون فيها بعض الردش والبعض انكر علي ذلك وقال ان البلاطه متكونش مكبوسه كويس وغير مستريحه وكانت اجابتي ان الردش في المونه مثل الظلط في الخرسانه يعطيها قوه وصلابه وطبعا انا بعمل كدي لاني بكون عارف وضع البلاطه كويس لو احسست انها غير منضبطه باقوم بشيل الردش من تحتها وهذا لا يكون الا اذا كان الردش كبير الحجم نسبيا وفيك بارك الله واعتذر عن التاخير في الرد لظروف العمل

[حمدي 84]

المشاركة الأصلية كتبت بواسطة yassersaky السلام عليكم ورحمة الله وبركاتة يا ريت رقم تليفونك يا اخ حمدي

وعليكم السلام ورحمة الله وبركاته اتفضل 01010063780

[tomyseal22]

الله يفتح عليك و يكرمك يا باشا

و عندي استفسار
دلوقتي انا غيرت مكان البانيو و حطيته في حتة تانيه
و اصبح في فراغ في سيراميك الحيطه حوالي اربع بلطات كده
و السيراميك دا كليوباترا قديم ومفيش زيه خالص
انا اشتريت كرتونه سيراميك لون شبه السيراميك بس مختلف
و حاسس ان الشكل هيكون و حش
فياريت لو عندك فكرة عشان الشكل يبقا كويس
ولا ملهاش حل غير اني احط السيراميك اللي جبته وخلاص

ودي صورة للحيطة

[حمدي 84]

المشاركة الأصلية كتبت بواسطة tomyseal22 الله يفتح عليك و يكرمك يا باشا و عندي استفسار دلوقتي انا غيرت مكان البانيو و حطيته في حتة تانيه و اصبح في فراغ في سيراميك الحيطه حوالي اربع بلطات كده و السيراميك دا كليوباترا قديم ومفيش زيه خالص انا اشتريت كرتونه سيراميك لون شبه السيراميك بس مختلف و حاسس ان الشكل هيكون و حش فياريت لو عندك فكرة عشان الشكل يبقا كويس ولا ملهاش حل غير اني احط السيراميك اللي جبته وخلاص ودي صورة للحيطة

الله يكرمك ممكن بعد اذنك تصور الحمام تاني لان الصوره دي مش موضحه يعني لو تاخذ ثلاث صور من كل زاويه بحيث استطيع رؤية بقية الجنب حتي استطيع تقدير مساحة الحمام