خبر سىء جدا:البرادعى ينسحب من سباق الرئاسه !!

اعتذر الدكتور محمد البرادعى المدير العام السابق للوكالة الدولية للطاقة الذرية عن تمثيل جامعة الدول العربية لمتابعة الاوضاع فى سوريا.
وقال الدكتور نبيل العربى في بيان للجامعة العربية أنه في إطار مشاوراته لتسمية ممثل له لمتابعة العملية السياسية و الخطة العربية التي أقرها اجتماع الدورة غير العادية لمجلس الجامعة على المستوى الوزاري يوم 22/01/2012 حول الوضع في سورية، اتصل بالدكتور محمد البرادعي المدير العام السابق للوكالة الدولية للطاقة الذرية في هذا الخصوص، واضاف البيان أن الدكتور البرادعي اعتذر عن عدم قبوله المهمة لارتباطات مسبقة تحول دون قيامه بها.


منقول


no comment !!!!!!!

[silverlite]

الدكتور محمد البرادعى على حسابه الشخصى بتويتتر:التسلسل المنطقى :

1- رئيس مؤقت منتخب من مجلس الشعب
٢- تشكيل لجنة الدستور فوراً

٣- دستور يحدد شكل النظام و يضمن مدنية الدولة والحقوق والحريات

٤- انتخاب رئيس معروفة صلاحياته طبقاً للدستور

٥- انتخاب برلمان على اساس الدستور الجديد. بعد عام من التخبط حان الوقت للتوافق على تصحيح المسارْ

[AbOnOrA]

المشاركة الأصلية كتبت بواسطة tonsy1979 هى فعلا ثورة الشباب المستنير والمصريين الشرفاء وفعلا ملهاش قائد علشان كدة للاسف فى رعاع ظهروا فى الصورة وعايزين يركبوا الثورة ويعملوا فيها ثورجية امثال من ذكرت ياابو نورا وغيرهم من الشخصيات اللى مرشحة نفسها للرئاسة لو دورت فى تاريخ كل واحد هتشوف العجب مولد وتكية كله عايز يغرف منها محدش للاسف قلبه على البلد الا من رحم ربى ده للاسف اللى مزعل الواحد لانى مش شايف حد بجد قادر يقود دفة الاصلاح والتنمية لمصر وللاسف اللى ظاهرين حاليا انا بشبههم بالمرتزقة وبقينا عايشين فى جهل وحيرة ومحدش بقى عارف مين صح ومين غلط علشان كدة الناس لجأت للاسلاميين وقالوا طيب متيجوا نرجع لربنا ونجرب الاخوان والسلفيين ونشوف هيصلحوها ازاى وعلشان كدة الناس متوسمين فيهم الخير باذن الله وميخذلوناش لانهم لو سقطوا فى الاختبار هتبقى الطامة الكبرى والله دى اصعب ايام دى اللى احنا بنحاول نعيشها وربنا يخرجنا منها سالمين ... حسبنا الله ونعم الوكيل

ياعم تونسى ركز بس
انت معايا ان الاعلام حاطط ناس ونماذج و(انماط) معينة فى الصورة
سواء بقصد من الاعلام
او بدافع حب الظهور وركوب الموجة من طرف الناس ديه
او الاتنين مع بعض النتيجة واحدة
تمام

طيب انت ليه فى نفس المشاركة عملت نفس اللى بتنتقدة وحكمت بناء على نفس الشريحة ديه برضو

بص هى عقدة راسخة فى عقول غالبية الناس
كل الناس عايزة قائد وزعيم
كل واحد يقولك مصر ديه عايزة واحد يكون ابن حلال يعمل ويسوى
ياعم وانت هتعمل ايه ؟

وهنفضل لحد امتى رابطين مصيرنا ومستقبل عيالنا فى ايد اللى جاى واللى رايح

احنا بنموت نفسنا علشان بس الشعب يبقى مصيرة فى ايدة

علشان الشعب بس هو اللى خط احمر وحياة وارواح وحرية الناس متبقاش لعبة فى ايد ظابط امن دولة ولا امين شرطة

ومتقوليش ده خلاص لاء ديه مجرد هدنة والقوانين هى هى والنظام هو هو ولو مكملناش يبقى ياريتنا ما عملنا حاجة من الاول

[M.TONSY]

ادينى مركز على الاخر
وعايز اسمع وجهة نظرك يا ابو نورا وقولى ايه الحل فى القرف اللى احنا عايشين فيه ده
انا عن نفسى مش حاسس ان الثورة نجحت لغاية دلوقتى وان كل اللى معيشنا فيه ده تمثيلية وخايف اننا نصطتدم بالجيش بسبب تعنت قيادة البلاد الحالية وتواطئ البعض منهم لمط الثورة وايهامنا انها نجحت ظاهريا ولكنهم يهدمون جوهرها وبيحاولوا يضحكوا علينا الواحد حاسس بالعجز مش عارف يعمل ايه
تصدق انى اوقات بحس اننا لو بنحارب اسرائيل وامريكا مع بعض اسهل كتير علية من الوضع الزفت اللى احنا وصلناله من انقسام فى صفوف الشعب ونظريات المؤامرات والطرف التالت والتخوين بزمتك مش حاجة تتوه وتجنن وتقرف كمان وبتقولى ركز ركز انتا بقى وقولى على الحل العملى والفعال بدون فوضى تدمر البلد من وجهة نظر سيادتك وهتلاقينى معاك علطووووول

[silverlite]

لماذا البرادعى..؟!

لمن يريد سببا لتأييد البرادعى ...هذا الرجل تستطيع ان تثق به اولا و برؤيته ثانيا ....غير متلون-- غير طامع-- غيرمنافق--غير فاسد--غير مغرور--غير عنيد--هو ليس زعيما و لا ملهما لكنه بــــــطلا من نوع خاص لا يبحث عن البطوله!!