الرد علي كل ما يخص السيارات الهيونداي

[medotheking]

شكرا على معلوماتك القيمة يا باشا
انا عندى نيو أكسنت 2009
ممكن اسأل عن :
1- لو عايز اركب كاشافات شبوره (فوج لايت) و مرايات كهرباء , يتكلف كام - و هل ممكن اشتريهم من بره و اركبهم فى التوكيل عشان الضمان ولا لاء - و انت بتنصح بتركيبهم ولا بلاش لعب فى الضفيرة
2- لمبه الحراره بتنور بس لما الحرارة تبقى عاليه طب و انا اول ما اركب العربيه مفيش حاجة تبين ان العربيه سخنت
3- لما السرعة بتعدى 120 مفيش اى انذار - هل دة مش موجود فى الموديل ده اصلا

شكرا على الرد مقدما

[mohamedsamirshalaby]

المشاركة الأصلية كتبت بواسطة Mr.Mamo ممكن اساعدك بس لازم نجرب حاجة مع بعض و جربها بنفسك أولا فول العربية بنفسك لحد لما تلاقي البنزين وصل لحلق التنك ( يعني لو دخلت صباعك تحس بالبنزين ) وبعدين هنمشي بالعربية 200 كم مثلا و دا معدل كويس وبعدين هترجع تفول العربية تاني بنفسك برده لحد متحس بالبنزين في حلق التنك بايدك ( زي التجربة اللي فاتت ) شوف انت في المرة التانية حطيت اد ايه بنزين حتعرف 200 كم خدوا منك قد ايه بنزين وقولي النتيجة وانا هقولك لإن اللي حضرتك بتقوله دا معناه انك قيست البنزين غلط لأن المعدل ده خطير جدا وبلغني بسرعة في اي وقت لأن 20 لتر يعملوا من 230 إلي 250 كم واضح ان في حاجة غلط من فضلك ضروري جدا تتابع معايا انا مش عاوز اخوفك بس واضح انك ممكن متعرفش حتي تبيع العربية لإن محدش هيشتريها لو معرفناش المشكلة فين

شكرا استاذ محمود على سرعة الرد

على فكرة انا بكلم على السرعة البطيئة والمطبات والزحمة داخل البلد انا اصلا ساكن فى منطقة ارياف

تنك العربية الالنترا 2006 بياخد كام لتر

وهل دا استهلاك طبيعى فى الطرق البطيئة
مع انى مجربها فى الطرق السريعة 20 لتر عاملين 250 ك

[mohamedsamirshalaby]

مستنى ردك استاذ محمود

[Mr.Mamo]

لو ال230 كيلو كلهم بطئ يبقي مفيش قلق و طمنطني عليك
بس ممكن اسألك انت ليه بتمشي علي الأول كتير غير للتاني لما تحس ان الصوت بدأ يعلي
يعني طول ما هي مش هتكركر منك خلاص خليها تاني
وان شاء الله ربنا يعينك
انت من الناس التي لا تستمتع بالسواقة مطلقا

[mohamedsamirshalaby]

المشاركة الأصلية كتبت بواسطة Mr.Mamo لو ال230 كيلو كلهم بطئ يبقي مفيش قلق و طمنطني عليك بس ممكن اسألك انت ليه بتمشي علي الأول كتير غير للتاني لما تحس ان الصوت بدأ يعلي يعني طول ما هي مش هتكركر منك خلاص خليها تاني وان شاء الله ربنا يعينك انت من الناس التي لا تستمتع بالسواقة مطلقا

يا استاذ محمود
العربية اوتوماتيك
بتعمل داخل البلد- 160 ك فى الصفيحة

وعلى الطرق السريعة- 250 ك فى الصفيحة

دا معدل عادى ولا عندى مشكلة